Johanes 17
17
Jesus bät fa siene Jinja
1Aus Jesus dit jesajcht haud, kjikjt hee nom Himmel un säd: Voda, de Tiet es jekomen. Moak dienen Sän harlich, daut dien Sän die uk veharlicht. 2Du hast am de Volmacht äwa de gaunze Menschheit jejäft, aul dee daut eewje Läwen to jäwen, dee du am jejäft hast. #Mat 11,27 3Daut eewje Läwen es dit: daut see die, dän eensich woaren Gott, un Jesus Christus, dän du jeschekjt hast, kjanen lieren. #1Joh 5,20 4Ekj hab die opp de Ieed doaderch veharlicht, daut ekj daut Woakj verecht hab, daut du mie jejäft hast to doonen. 5Un Voda, nu veharlich mie bie die met dee Harlichkjeit, dee ekj bie die haud, ea de Welt jeschaufen wort. #Joh 1,1; Flp 2,6
6Ekj hab de Menschen, dee du mie ut dise Welt jejäft hast, met dienem Nomen bekaunt jemoakt. Daut wieren diene, un du jeefst mie dee, un dee haben dien Wuat jehoolen. 7Nu weeten see, daut aules von die kjemt, waut du mie jejäft hast. 8Dee Wieed, dee du mie jejäft hast, hab ekj an jejäft. See haben dee aunjenomen, un weeten woarhauftich, daut ekj von die jekomen sie, un jleewen, daut du mie jeschekjt hast. #Joh 16,30 9Ekj froag fa an. Ekj froag nich fa de Welt, oba fa dee, dee du mie jejäft hast, wiels daut sent diene. #Joh 6,37.44 10Aules waut ekj hab, es dient, un aules waut du hast es mient, un ekj sie en an veharlicht. #Joh 16,15 11Ekj sie nich mea en dise Welt. Oba dise sent en de Welt. Un ekj kom no die. Heilja Voda, hool dee secha, en dienen Nomen, dän du mie jejäft hast, daut see eent sent, soo aus wie eent sent. 12Soolang aus ekj bie an wia, hilt ekj an en dienen Nomen, dän du mie jejäft hast, un ekj hab no an oppjepaust. Kjeena von an es veloaren jegonen, buta dee eena, dee veloaren gonen must, daut daut soo wort, aus jeschräwen steit. #Psa 41,10; Joh 6,39 13Oba nu kom ekj no die, un dit räd ekj en dise Welt, daut see miene Freid voll un gaunz en sikj haben kjennen. #Joh 15,11 14Ekj hab an dien Wuat jejäft, un de Welt es an fientlich, wiels see nich von dise Welt sent, jrod soo aus ekj uk nich von dise Welt sie. #Joh 15,19 15Ekj froag nich doafäa, daut du an ut dise Welt nämen saust, oba daut du an verem beesen bewoaren saust. #Mat 6,13; 2Tess 3,3 16See sent nich von dise Welt, jrod soo aus ekj uk nich von dise Welt sie. 17Heilj an en de Woarheit, dien Wuat es de Woarheit. #Psa 119,160 18Soo aus du mie en de Welt nenn jeschekjt hast, hab ekj an en de Welt nenn jeschekjt. #Joh 20,21 19Ekj heilj mie selfst fa an, daut see uk derch de Woarheit jeheilicht woaren. #Heb 10,10
20Ekj froag nich bloos fa dise, oba uk fa dee, dee derch äa Wuat aun mie jleewen woaren. #Reema 10,17 21See sellen aula eent sennen, soo aus du, Voda, en mie un ekj en die, daut see uk en ons eent sent, soo daut de Welt daut jleeft, daut du mie jeschekjt hast. #Gal 3,28 22De Harlichkjeit, dee du mie jejäft hast, hab ekj an jejäft, daut see eent sennen muchten, soo aus wie eent sent. #Apost 4,32 23Ekj en an un du en mie, daut see gaunz eent sent, daut de Welt doaraun seenen kaun, daut du mie jeschekjt hast un an soo goot best aus du mie goot best. #1Kor 6,17
24Voda, ekj well, daut dee, dee du mie jejäft hast, uk doa sent wua ekj sie, un daut see miene Harlichkjeit seenen, dee du mie jejäft hast. Du wieescht mie goot, ea de Welt äaren Grunt haud. #Spr 8,22-31; Joh 12,26 25Jerajchta Voda! De Welt haft die nich jekjant, oba ekj kjan die, un dise weeten, daut du mie jeschekjt hast. 26Ekj hab an met dienen Nomen bekaunt jemoakt, un woa daut wieda doonen, daut dee Leew, met dee du mie goot wieescht, en an sennen mucht, un ekj en an.
Currently Selected:
Johanes 17: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.