Jeremia 24
24
Soo aus goode un schlajchte Fiejen
1De Har muak mie emol oppmoakjsom opp twee Kjarw met Fiejen, waut ver däm Tempel stunden. Dit wia no däm, daut de babelonischa Kjennich Nebukadnezar Jerusalem enjenomen haud. Hee neem dän Kjennich Jojachin von Juda, Jojakim sien Sän, faust, un däm Kjennich siene aunjestalde Mana, de utjelieede Oabeida un Schmets un veschlapt dee no Babel. #2Kjen 24,14-16 2Eent von de Kjarw haud goode Fiejen, soone aus doa daut ieeschte riepen. Oba de aundra Korf haud sea schlajchte Fiejen; dee wieren äwahaupt nich to äten. 3Dan säd de Har to mie: Jeremia, waut sitst du hia? Un ekj säd: Fiejen. Doa sent goode Fiejen, dee sea schmock loten; un doa sent sea schlajchte Fiejen, dee äwahaupt nich to äten sent. Soo schlajcht sent dee.
4Dan wort mie kloa, daut de Har mie dit sajen wull: #(4-10) Hes 11,14-21 5Ekj sie de Har, Israel äa Gott. Krakjt soo, aus ekj de goode Fiejen en dän eenen Korf aun see, soo see ekj dee aun, waut ekj von en Juda no de Chaldäa äa Launt hab trakjen moakt. 6Ekj woa goot no an oppaussen, un woa an uk noch wada trigj no dit Launt brinjen. Ekj woa an oppbuen un nich dolbräakjen; ekj woa an enwartlen un nich utrieten. #Jer 1,10; 31,28 7Ekj woa an een Vestentnis doafäa jäwen, daut ekj de Har sie. See woaren mien Volkj sennen, un ekj woa äa Gott sennen. Un see woaren sikj met äa gaunzet Hoat no mie kjieren. #Jer 7,23; 31,33-34
8Oba Zedekia, dän Kjennich von Juda un siene aunjestalde Mana, un dee waut noch hia en Jerusalem un dise Omjäajent äwajebläwen sent, un dee waut en Ägipten sent, dee woa ekj soo behaundlen aus de schlajchte Fiejen, dee nich emol to äten sent. #(8-10) 2Kjen 24,17-20; 5Mo 2,31; Jer 29,16-19 9Äwa dee woa ekj soo omhäagonen, daut aule Velkja oppe Ieed daut veschrakjen woat. Aulawäajen wua ekj an vespreeden woa, woaren Lied an veachten, een Sprechwuat von an moaken, äwa an spotten, un äwa äare Fiend soon Schoden wenschen. #1Kjen 9,7 10Ekj woa Kjrich un Hungaschnoot un Krankheiten opp an brinjen, bat see gaunz ut daut Launt, woont ekj an un äare Elren jeef, rut jerot sent.
Currently Selected:
Jeremia 24: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
