Jesaja 57
57
1Dee, dee jerajcht sent, komen om, un kjeena denkjt doaräwa no;
de fromme Mana woaren wajch jenomen, un kjeena vesteit daut;
see woaren jenomen, soo daut see dän Schoden nich seenen brucken. #Micha 7,2
2Dee kjennen en Fräd nengonen;
dee waut em Läwen daut rajchte doonen,
woaren sikj opp Benkjen utreiwen. #2Kjen 22,20; Dan 12,13
3Oba komt, jie dee jie orrajcht doonen;
jie froagen de beese Jeista no Rot un deenen framde Jetta. #Hos 2,4
4Äwa wäm driew jie disen Spott?
To wäm riet jie daut Mul opp
un strakjen june Tung rut?
Sent jie nich goaschtaje Kjinja,
un een veloagnet Volkj? #(4-6) 2Kjen 16,3-4; Jer 2,20.23-24
5Jie läwen june Lost ut bie de Ieekjenbeem,
un unja jieda jreenen Boom;
jie opfren june Kjinja em Tol
unja dän steenanen Äwahank.
6Jun Loon es bie de glaute Steena, de väajestalde Jetta, em Tol;
dee, bloos dee woaren junt waut jäwen;
dee hab jie jun Drinkjopfa jejäft,
un jun Jeträajdopfa jebrocht.
Sullen mie dee Dinja jefaulen?
7Opp eenen huagen aunjeseenen Boajch,
stal jie Benkjen han toom de Jetta veieren,
un doa go jie nopp un brinjen jun Opfa.
8Benna june Däaren stal jie june Aufjetta han
un dreien junt wajch von mie;
jie haben june Benkj opjedakjt un breet jemoakt,
un haben eenen Bunt met de Jetta jemoakt.
Junt jeit daut opp äare Benkjen scheen,
jie haben met an romjeschwient.
9Jie sent no Moloch met june Eelj jegonen
un met veschiedne diere Saulweelj;
jie schekjten june Mana bat wiet,
un rauf bat wua de Doodes sent.
10Jie haben junt meed jerant met jun romdriewen,
oba haben nienich jesajcht, daut et vejäfs wia.
Junt funk wada aun to jankren,
un soo wort junt daut nich een oolent. #Jer 2,25
11Von waut wia junt schis,
von wäm enjst jie junt soo sea,
daut jie von mie jinjen un von mie vegauten?
Es daut wiels ekj aul lang nich jestroft hab,
daut jie nu von mie vejäten haben? #Psa 50,21
12Ekj woa wiesen woo rajcht jie sent
un waut jie jedonen haben,
oba daut woat junt nich halpen.
13Roopt june Jetta wan jie em Trubbel sent;
dee woaren vom ieeschten Wint wajchpusten,
een kjlien bät Loft woat dee wajchnämen.
Oba wäa sikj opp mie velat,
dee woat daut Launt ennämen,
un mienen heiljen Boajch fa sikj haben. #Psa 37,9-11
14De Har sajcht:
But emol, but dän Wajch opp un moakt dän reed;
riemt wajch waut mien Volkj em Stich licht. #Jes 40,3; 62,10
15Dee, dee opp emma huach en ieren es,
däm sien Nomen heilich es, dee sajcht:
Mien Plauz es jeieet un heilich,
oba es uk bie dee, dee sikj nich mea weeten,
un jleewen, daut et nuscht met an meent.
Dee waut jleewen, daut meent nuscht met an,
jäw ekj nieen Moot,
un dee waut sikj nich mea weeten,
jäw ekj Troost un Hopninj. #Psa 51,19; 113,5-9; Jes 66,1-2
16Ekj woa nich emma beschuljen
un nich oppe lenjd veläajen bliewen;
aundasch wudd däm, wäm ekj doch daut Läwen jejäft hab,
noch de Jeist vezoagen. #Psa 103,9
17Ekj wia sea veläajen,
daut see soo bejierich wieren, daut an daut to Sind fieed;
don schluach ekj an un veleet an, soo veläajen wia ekj,
oba see bleewen jäajenaun un jinjen äaren ieejnen Wajch.
18Ekj see woo an daut jeit,
un woa an bäta moaken;
ekj woa an dän Wajch wiesen un treesten.
Ekj woa dee waut truarich sent #2Mo 15,26
19wada en Fräd preisen moaken.
Fräd dicht bie un wiet runtom,
un ekj woa an stoakj moaken, sajcht de Har. #2Mo 15,26; 4Mo 6,26; Jer 17,14; Luk 2,14; Efs 2,17
20Oba de schlajchte Menschen sent aus de Walen oppem Mäa,
dee nich stelhoolen kjennen;
soon Wota rieet Schlaum un Blott opp. #Jud 1,13
21De gottloose sent nienich tofräd,
soo sajcht mien Gott. #Spr 28,1; Jes 48,22
Currently Selected:
Jesaja 57: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Jesaja 57
57
1Dee, dee jerajcht sent, komen om, un kjeena denkjt doaräwa no;
de fromme Mana woaren wajch jenomen, un kjeena vesteit daut;
see woaren jenomen, soo daut see dän Schoden nich seenen brucken. #Micha 7,2
2Dee kjennen en Fräd nengonen;
dee waut em Läwen daut rajchte doonen,
woaren sikj opp Benkjen utreiwen. #2Kjen 22,20; Dan 12,13
3Oba komt, jie dee jie orrajcht doonen;
jie froagen de beese Jeista no Rot un deenen framde Jetta. #Hos 2,4
4Äwa wäm driew jie disen Spott?
To wäm riet jie daut Mul opp
un strakjen june Tung rut?
Sent jie nich goaschtaje Kjinja,
un een veloagnet Volkj? #(4-6) 2Kjen 16,3-4; Jer 2,20.23-24
5Jie läwen june Lost ut bie de Ieekjenbeem,
un unja jieda jreenen Boom;
jie opfren june Kjinja em Tol
unja dän steenanen Äwahank.
6Jun Loon es bie de glaute Steena, de väajestalde Jetta, em Tol;
dee, bloos dee woaren junt waut jäwen;
dee hab jie jun Drinkjopfa jejäft,
un jun Jeträajdopfa jebrocht.
Sullen mie dee Dinja jefaulen?
7Opp eenen huagen aunjeseenen Boajch,
stal jie Benkjen han toom de Jetta veieren,
un doa go jie nopp un brinjen jun Opfa.
8Benna june Däaren stal jie june Aufjetta han
un dreien junt wajch von mie;
jie haben june Benkj opjedakjt un breet jemoakt,
un haben eenen Bunt met de Jetta jemoakt.
Junt jeit daut opp äare Benkjen scheen,
jie haben met an romjeschwient.
9Jie sent no Moloch met june Eelj jegonen
un met veschiedne diere Saulweelj;
jie schekjten june Mana bat wiet,
un rauf bat wua de Doodes sent.
10Jie haben junt meed jerant met jun romdriewen,
oba haben nienich jesajcht, daut et vejäfs wia.
Junt funk wada aun to jankren,
un soo wort junt daut nich een oolent. #Jer 2,25
11Von waut wia junt schis,
von wäm enjst jie junt soo sea,
daut jie von mie jinjen un von mie vegauten?
Es daut wiels ekj aul lang nich jestroft hab,
daut jie nu von mie vejäten haben? #Psa 50,21
12Ekj woa wiesen woo rajcht jie sent
un waut jie jedonen haben,
oba daut woat junt nich halpen.
13Roopt june Jetta wan jie em Trubbel sent;
dee woaren vom ieeschten Wint wajchpusten,
een kjlien bät Loft woat dee wajchnämen.
Oba wäa sikj opp mie velat,
dee woat daut Launt ennämen,
un mienen heiljen Boajch fa sikj haben. #Psa 37,9-11
14De Har sajcht:
But emol, but dän Wajch opp un moakt dän reed;
riemt wajch waut mien Volkj em Stich licht. #Jes 40,3; 62,10
15Dee, dee opp emma huach en ieren es,
däm sien Nomen heilich es, dee sajcht:
Mien Plauz es jeieet un heilich,
oba es uk bie dee, dee sikj nich mea weeten,
un jleewen, daut et nuscht met an meent.
Dee waut jleewen, daut meent nuscht met an,
jäw ekj nieen Moot,
un dee waut sikj nich mea weeten,
jäw ekj Troost un Hopninj. #Psa 51,19; 113,5-9; Jes 66,1-2
16Ekj woa nich emma beschuljen
un nich oppe lenjd veläajen bliewen;
aundasch wudd däm, wäm ekj doch daut Läwen jejäft hab,
noch de Jeist vezoagen. #Psa 103,9
17Ekj wia sea veläajen,
daut see soo bejierich wieren, daut an daut to Sind fieed;
don schluach ekj an un veleet an, soo veläajen wia ekj,
oba see bleewen jäajenaun un jinjen äaren ieejnen Wajch.
18Ekj see woo an daut jeit,
un woa an bäta moaken;
ekj woa an dän Wajch wiesen un treesten.
Ekj woa dee waut truarich sent #2Mo 15,26
19wada en Fräd preisen moaken.
Fräd dicht bie un wiet runtom,
un ekj woa an stoakj moaken, sajcht de Har. #2Mo 15,26; 4Mo 6,26; Jer 17,14; Luk 2,14; Efs 2,17
20Oba de schlajchte Menschen sent aus de Walen oppem Mäa,
dee nich stelhoolen kjennen;
soon Wota rieet Schlaum un Blott opp. #Jud 1,13
21De gottloose sent nienich tofräd,
soo sajcht mien Gott. #Spr 28,1; Jes 48,22
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.