Hosea 14
14
De Jehuarsom brinjt dän Säajen
1Samaria woat Strof lieden,
wiels see äaren Gott nich jehorcht haft.
Dee woat met daut Schwieet omjebrocht woaren,
un äare Kjinja woaren grausom aufjeschauft woaren;
un Frulied, dee schwanga sent
woaren opjeschnäden woaren. #2Kjen 15,16
2Komm trigj no däm Harn dienen Gott, Israel;
du best wäajen diene Sind jefollen. #Hos 12,7; Sach 1,4
3Moakt junt opp, un komt no däm Harn,
froacht am aul june Sinden to vejäwen,
un froacht am goodet to doonen,
un vespräakjt een Opfa to moaken,
met de Frucht von june Leppen. #Heb 13,15
4Assur woat ons nich halpen,
un wie woaren ons nich opp Pieed veloten.
Wie woaren nich mea sajen,
daut de Dinja onse Jetta sent,
dee wie selfst jemoakt haben.
De Weisen finjen Jnod bie die.
5Ekj woa äa wadaspanstjet heelen,
un woa an von Hoaten goot sennen.
Mien Oaja woat sikj von an wajchdreien.
6Ekj woa aus een Deiw opp Israel sennen,
soo daut see aus eene Lelje blieejen woat.
See woat Wartlen schmieten,
soo aus de Beem en Libanon.
7See woat breede Asta kjrieen,
un schmock loten aus een Oliewenboom;
see woat scheen rikjen aus de Libanon.
8De Israeliten woaren wada unja mienen Schauten setten,
un Jeträajd to äten haben.
See woaren blieejen aus eene Wienrank,
un scheen rikjen aus de Wien von Libanon.
9Efraim woat kjeen Jebruck fa Jetta haben.
Jie woaren no mie horchen,
un ekj woa junt leiden.
Ekj woa aus een Taunenboom fa die sennen;
du woascht diene Frucht von mie kjrieen.
10Wäa es soo kluak, daut hee dit vesteit?
Wäa haft Vestentnis, daut hee dit ensitt?
Däm Harn siene Wäaj sent rajcht,
un dee wäa jerajcht es, helt sikj aun dee;
oba de Sinda vestaupt sikj aun dee.
Currently Selected:
Hosea 14: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.