Hebräa 13

Gott to jefaulen läwen

1Blieft faust en de Broodaleew. #Joh 13,34; 2Pet 1,7 2Vejät nich gaustfrie to sennen, wiels doaderch haben eenje Enjel oppjenomen, onen daut to weeten. #1Mo 18,2-3; 19,2-3; Reema 12,13; 1Pet 4,9; 3Joh 5-8 3Denkjt aun de faustjenomne, soo aus wan jie uk en Kjäden wieren. Denkjt aun dee, dee meshaundelt woaren, soo aus wan jie selfst to lieden hauden. #Mat 25,36

4De Ehe saul bie aule en Ieren jehoolen woaren, un daut Ehebad saul rein bliewen; wiels Gott woat de Huara un Ehebräakja rechten.

5Siet nich hungrich no Jelt. Siet tofräd met waut jie haben. Gott haft jesajcht: “Ekj woa die nich veloten, die nich em Stich loten.” #Jos 1,5; 1Tim 6,6 6Soo kjenn wie em vetruen sajen:

“De Har es dee, dee mie halpt,

ekj woa mie nich ferchten.

Waut kaun een Mensch mie aundoonen?” #Psa 118,6

7Denkjt aun june Liera, dee junt daut Gotteswuat jesajcht haben. Kjikjt waut dee fa een Enj haben, un jleeft soo aus dee jleewden. 8Jesus Christus es deeselwja jistren un vondoag un fa aule Eewichkjeit. #Jes 41,4; 1Kor 3,11; Opb 1,17-18; 22,13 9Lot junt nich derch veschiedne framde Lieren vom rajchten Wajch aufbrinjen. Daut es sea goot wan daut Hoat derch Jnod faust woat. Menschliche Jebooten wäajen waut äten un waut nich äten, kjennen daut nich doonen, dee haben noch kjeenen waut jenuzt. #Reema 14,17; 2Kor 1,21; Efs 4,14; 1Tim 4,8 10Wie haben eenen Aultoa, von däm dee, waut noch nom oolen Bunt deenen, kjeen rajcht to äten haben. 11De Tieren, wuavon de Priesta daut Bloot aus een Sindopfa en daut Aulaheilichste nenn drajcht, woaren butrem Loaga vebrent. #3Mo 16,27 12Doawäajen haft Jesus uk butre Staut jeläden, om de Menschen derch sien ieejnet Bloot to heiljen. #Mat 21,39; Joh 19,17 13Dan well wie nu uk ut de Staut rut gonen un met am toop de Schaund droagen. #Heb 11,26; 12,2 14Wie haben hia kjeene bliewende Staut, wie sieekjen dee, dee noch komen saul. #Heb 11,10; 12,22 15Dan well wie nu derch Christus Gott emma lowen, un wan aus een Opfa. Daut meent, onse Leppen sellen am bekjanen un lowen. #Psa 50,14.23; Hos 14,3 16Vejät nich goodet to doonen un aundre mettohalpen. Daut sent Opfa, dee Gott jefaulen. 17Horcht no june Liera un schekjt junt to daut waut see junt sajen. Dee woaken äwa june Seelen un motten doafäa Räakjenschoft aufjäwen. Daut es bäta fa junt, wan dee daut met Freid doonen kjennen un nich met stänen. #Hes 3,17-19; 1Tess 5,12

Breefschluss

18Bät fa ons. Wie haben dän Troost, daut wie een goodet Jewessen haben. Wie wellen en aulem waut wie doonen een ordentlichet Läwen fieren. #Reema 15,30; 2Kor 1,11-12 19Doot dit soo, ekj saj junt, daut ekj soo schwind aus mäajlich no junt komen kaun.

20Mucht de Frädensgott, dee onsen Harn Jesus, dän grooten Schophoad, vom Doot trigjebrocht haft un derch sien Bloot eenen eewjen Bunt reedjemoakt haft, #Joh 10,11; 1Pet 2,25 21junt fäich moaken fa aulet goode un toom doonen von Gott sienen Wellen. Mucht hee en junt #13,21 Eenje oole Schreften sajen ons. derch Jesus Christus daut wirkjen, wuaraun hee een Jefaulen haft. Jesus Christus traft aule Iea von Eewichkjeit bat Eewichkjeit! Amen.

22Leewe Breeda, hoolt mie daut togood un nämt daut aun, daut ekj junt derch disen korten Breef aunjespornt hab. 23Jie sellen dit uk weeten, daut ons Brooda Timotäus wada friejeloten worden es. Wan hee boolt bat hia kjemt, well ekj met am toop junt besieekjen. 24Jreest aul june Liera un aule heilje. De Breeda von Italien bestalen junt to jreessen. 25Gott siene Jnod met junt aula!

Currently Selected:

Hebräa 13: PB

Highlight

Copy

Compare