1. Mose 36

Esau un siene Nokomen

(1Chr 1,34-37)

1Dit sent de Nokomen von Esau, dee uk Edom heet. #1Mo 25,30; 5Mo 23,8 2Esau neem siene Frues von de Kanaanita. Daut wieren Ada, Elon dän Hetita siene Dochta, Oholibama, Zibon dän Hiwita sien Sän Ana siene Dochta, #1Mo 26,34 3un Basemat, Ismael siene Dochta un Nebajot siene Sesta. #1Mo 28,9 4Esau un Ada hauden eenen Sän, Elifas. Un Esau un Basemat hauden eenen Sän, Reguel. 5Un Esau un Oholibama hauden de Säns, Jeusch, Jalam un Korach. Dit sent dan Esau siene Säns dee en Kanaan jebuaren wieren. 6Un Esau neem siene Frues, Säns un Dajchta un aul siene Menschen, sien Vee un aules waut hee haud en Kanaan toopjesaumelt un trock wajch von Jakob en een aundret Launt. 7Äare Wirtschoften wieren too groot daut see kunnen toop wonen. De Jäajent kunn nich aul äa Vee feeden. #1Mo 13,6 8Un Esau wond en de Boaj bie Seir. Esau es Edom.

9Dit sent de Nokomen von Esau, dee de Staumvoda von de Edomita es un enne Boaj bie Seir wonen. 10Esau un siene Fru Ada hauden eenen Sän, Elifas; un Esau un siene Fru, Basemat, hauden eenen Sän, Reguel. 11Elifas siene Säns wieren Teman, Omar, Zefo, Gatam un Kenas. 12Esau sien Sän Elifas un siene Näbenfru, Timna, hauden dän Sän, Amalek. Dit sent Esau un siene Fru Ada äare Nokomen. 13Reguel siene Säns heeten Nahat, Serach, Schama un Misa. Dit sent Esau un siene Fru, Basemat, äare Nokomen. 14Esau un siene Fru Oholibama, dee Ana siene Dochta un Zibon siene Grootdochta wia, hauden Jeusch, Jalam un Korach.

15Dit sent de Staumvodasch von Esau siene Nokomen. Derch Elifas, Esau sienen ieeschtjebuarnen, komen de Stam Teman, Omar, Zefo, Kenas, 16Korach, Gatam un Amalek. Dit wieren de Staumvodasch mank Elifas siene Nokomen. Elifas wia Esau un siene Fru Ada äa Sän. Dee wonden en Edom. 17Un Esau sien Sän Reguel haud de Säns Nahat, Serach, Schama un Misa. Dit wieren aula Staumvodasch von Reguel siene Nokomen un Grootsäns aun Esau un siene Fru, Basemat. 18Esau siene Fru Oholibama hauden de Säns Jeusch, Jalam un Korach. Dise wieren jieda een Staumvoda. Dit sent Esau siene Säns met siene Fru Oholibama, dee Ana siene Dochta wia. 19Dit sent dan Esau, dee uk Edom jenant wort, siene Säns un de Staumvodasch von siene Nokomen. #1Chr 1,38-42

20Seir, de Horita, un siene Nokomen wieren Enwona em Launt wua Esau hanjinkj. Seir siene Nokomen wieren Lotan, Schobal, Zibon, Ana, #1Mo 14,6; 5Mo 2,12.22 21Dischon, Ezer un Dischan. Dit sent de Nokomen von de Horita, Seir siene Säns en daut Launt woont wie nu aus Edom kjanen. 22Lotan siene Säns wieren Hori un Hemam. Lotan haud eene Sesta, Timna. 23Schobal siene Säns wieren Alwan, Manahat, Ebal, Schefi un Onam. 24Zibon siene Säns wieren Aja un Ana. Dis Ana funk emol de heete Kjwal enne Wiltnis, aus hee sienen Voda Zibon siene Äsels heeden deed. 25Ana siene Kjinja wieren Dischon un de Dochta Oholibama. 26Dischon siene Säns wieren Hemdan, Eschban, Jitran un Keran. 27Ezer siene Säns wieren Bilhan, Saawan un Akan. 28Dischan siene Säns wieren Uz un Aran.

29De Staumvodasch von de Horita wieren Lotan, Schobal, Zibon, Ana, 30Dischon, Ezer un Dischan. Dit sent aule Staumvodasch von de Horita en daut Launt Seir. #1Chr 1,43-50

31De Kjennichs, dee en Edom rejieeden, ea doa een Kjennich äwa de Israeliten wieren, sent dise. #4Mo 20,14 32Bela, Beor sien Sän, rejieed en Edom en de Staut Dinhaba. 33Aus Bela storf, rejieed Jobab, Serach von Bozra sien Sän. 34No däm daut Jobab storf, rejieed Huscham, dee von daut Launt von de Temanita kjeem. 35Huscham storf un en siene Städ rejieed Hadad, Bedad sien Sän. Hadad kjrieech de äwahaunt äwa Midian en Moab. Hee rejieed von de Staut Awit. 36No däm daut Hadad storf rejieed Samla von Masreka. 37No däm daut Samla storf, rejieed Schaul von Rehobot aum Eufrat Riefa. 38Schaul storf un Baal Hanan, Achbor sien Sän, rejieed en däm siene Städ. 39No däm daut Baal Hanan, Achbor sien Sän, storf, rejieed Hadar. Däm siene Staut wia Pagu. Siene Fru wia Mehetabel, Matred siene Dochta un Mesahab siene Grootdochta. #1Chr 1,51-54

40De Staumvodasch von Esau siene Nokomen no äare Famieljes un Jäajenden wieren Timna, Alwa, Jetet, 41Oholibama, Ela, Pinon, 42Kenas, Teman, Mibzar, 43Magdiel un Iram. Dit sent dan de Staumvodasch von Edom no aul de Jäajenden no, wua dee wonen. De Edomita sent de Nokomen von Esau.

Currently Selected:

1. Mose 36: PB

Highlight

Copy