2. Johanes 1
1
Gruss toom Aunfank
1De Eltesta schrift dit aun de jewälde Fru un äare Kjinja, de Jemeent. Ekj sie junt derch Jesus Christus goot. Dee, dee Ensecht haben en de Woarheit, dee sent aundre Menschen uk goot. #3Joh 1,1 2Daut es wiels de Woarheit en ons es, un emma bliewen woat.
3Jnod, Metleet un Fräd von Gott dän Voda un sienen Sän Jesus Christus muchten met ons bliewen en Woarheit un en Leew!
Enne Woarheit läwen un Leew eewen
4Ekj wia sea froo, daut ekj eenje von diene Kjinja funk, dee en de Woarheit waut Jesus Christus es läwen, gaunz no däm Jeboot, daut wie vom Voda jekjräajen haben. 5Un nu saj ekj die, jeieede Fru, well wie ons unjarenaunda goot sennen. Ekj schriew die kjeen nieet Jeboot. Daut es daut oole Jeboot, daut wie von Aunfank aun jehaut haben. #1Joh 2,7 6Daut es woo wie ons goot sent, wie hoolen siene Jebooten. Daut es daut Jeboot wont jie von Aunfank aun jehieet haben un wuano jie läwen sellen.
7Doa sent väle Veleida enne Welt nenn jegonen, dee nich bekjanen, daut Jesus Christus aus Mensch met Fleesch un Bloot jekomen es. Soo wiest sikj de Veleida un Jäajenchrist. #1Joh 2,18; 4,1-3
8Paust opp daut jie daut nich velieren, wuafäa wie #1,8 Eenje oole Schreften sajen jie jeoabeit haben. Jie sellen junen vollen Loon kjrieen. #Gal 4,11 9Wäa ut Christus siene Lia rutjeit un nich doabennen blift, dee haft Gott nich. Wäa en Christus siene Lia blift, dee haft beid, dän Voda uk dän Sän. #1Joh 2,23 10Wan wäa no junt kjemt, dee dise Lia nich brinjt, dän nämt nich em Hus nenn un bejreest dän uk nich. #2Tess 3,6 11Wäa soone bejreest, nemt Poat aun äare beese Woakjen.
Aufscheetsgruss
12Ekj hab noch väl, daut ekj junt schriewen mucht, oba ekj kom leewa nich met Tint un Papia. Ekj räakjen hantokomen un direkjt met junt to räden, un dan es onse Freid dobbelt groot. #3Joh 1,13 13Diene jewälde Sesta äare Kjinja bestalen die to jreessen.
Currently Selected:
2. Johanes 1: PB
Highlight
Share
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.