2. Tessalonicha 2
2
De Jäajenchrist
1Ons Har Jesus Christus woat wadakomen un dan woa wie met am toopjebrocht woaren. Doawäajen laj ekj junt dit nu aunt Hoat, leewe Breeda: #1Tess 4,13-17 2Lot junt nich soo leicht derchenaunda brinjen ooda Angst moaken, daut Jesus sien Dach aul saul jekomen sennen. Eendoont auf de Norecht derch eene profeetische Räd kjemt ooda derch een Wuat ooda eenen Breef, dän wie sullen jeschräwen haben. #2Pet 3,15-16 3Lot junt von kjeenem opp irjent eenen Wajch aunschmäaren. Ieescht mott daut komen, daut väle von Gott auffaulen, un daut de jesazloosa beesa Mensch, dee fa de Hal bestemt es, verendach kjemt. #1Tim 4,1; 1Joh 2,18 4Hee es Gott sien Fient, dee sikj jäajen aules sat waut Gottesdeenst heet un heilich jehoolen woat. Dee jeit soo wiet, daut hee sikj en Gott sienen Tempel sat, un sajcht, hee es Gott. #Dan 11,36; Mat 24,15 5Kjenn jie junt nich besennen, daut ekj junt dit säd aus ekj bie junt wia? 6Un jie weeten, waut am noch trigjhelt, daut hee sikj mau ieescht openboaren kaun, wan siene Tiet doatoo jekomen es. 7De Jesazloosichkjeit es em Jeheemen aul aum Woakj, oba ieescht mott dee noch wajch jenomen woaren, dee daut noch opphelt. 8Dan woat dee beesa, de Jesazloosa, verendach komen. De Har Jesus woat dän derch dän Jeist ut sienem Mul ombrinjen, un derch siene Harlichkjeit met am een Enj moaken, wan hee komen woat. #Jes 11,4; Opb 19,15.20
De Jefoa derch dän Jäajenchrist.
9De Jesazloosa woat en Soton siene Krauft komen, un derch dee woat hee veloagne Tieekjens un faulsche Wunda doonen. #Mat 24,24; Opb 13,11-14 10Hee woat deejanje toom beesen veleiden, dee veloaren gonen, wiels see räakjnen dee Woarheit nuscht, dee an raden kunn, un haben dee nich aunjenomen. 11Doawäajen schekjt Gott an jewaultjen Errlieren, daut see de Läajes jleewen, #2Tim 4,4 12un daut aul dee vedaumt woaren, dee de Woarheit nich jleewen, oba äare Freid aun de Ojjerajchtichkjeit haben.
Opproop toom faustbliewen
13Wie motten Gott dän tietäwa danken fa junt, onse Breeda, dee de Har goot es. Gott haft junt von Aunfank aun jewält, daut jie seelich woaren. #2,13 Eenje oole Schreften sajen Gott haft junt jewält daut jie de ieeschte wieren dee seelich worden. Hee heilicht junt em Jeist un lat junt aun de Woarheit jleewen. #(13 un 14) Reema 8,30 14Derch ons leet hee junt daut Evangelium prädjen, daut jie onsen Harn Jesus Christus siene Harlichkjeit kjrieejen. 15Breeda, dan siet nu staunthauft, un hoolt daut faust, waut jie derch onse Wieed ooda Breew jelieet haben. #2Tess 3,6 16Mucht ons Har Jesus Christus selfst un Gott ons Voda, dee ons goot es un ons eenen eewjen Troost un eene goode Hopninj derch siene Jnod jejäft haft, 17june Hoaten treesten un junt stoakj moaken en aul goodet doonen un räden.
Currently Selected:
2. Tessalonicha 2: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
