2. Samuel 4
4
Isch Boschet woat omjebrocht
1Aus Saul sien Sän, Isch Boschet, daut hieed daut Abner en Hebron jestorwen wia, vejinkj am de Moot, un daut gaunze Israel wia aus jeschloagen. #2Sam 3,27 2Isch Boschet haud twee aunjestalde, dee jieda eene Baund leiden, met dee see aundre beplindaden. De aunjestalde wieren Baana un Rechab, Rimmon von Beerot siene Säns. See jehieeden to dän Staum Benjamin. (Beerot wort uk bie Benjamin biejeräakjent. #Jos 9,17 3De Beerotita flichten emol no Gittajim un sent doa noch bat däm vondoagschen Dach.) #Neh 11,33 4Jonatan, Saul sien Sän, haud eenen Sän dee vekjräpelde Feet haud. De Sän heet Mefi Boschet. Mefi Boschet wia fief Joa oolt aus emol de Norecht von Jesreel kjeem daut Saul un Jonatan jestorwen wieren. De Mejal, dee dän fiewjoaschen don fläajd, neem am opp un rand; oba see spood sikj soo daut see am faulen leet un hee doaderch vekjräpelt wort. #2Sam 9,3 5Rimmon siene Säns, Rechab un Baana, jinjen loos no Isch Boschet sien Hus, un kjeemen doa boolt no Meddach han, aus Isch Boschet jrod Meddachschlop hilt. #2Sam 2,8 6De Fru, dee bie de Däa de Wajchta wia, haud doa Weit jesäft, oba dee wia doabie enjeschlopen. Aus Rechab un sien Brooda Baana dan bat doa kjeemen, jinjen see bloos nenn. 7Isch Boschet lach jrod opp sien Bad en de Schlopstow. Un see jinjen doa nenn un schauften am auf un schneeden sienen Kopp auf. See neemen dän Kopp un jinjen de gaunze Nacht derch daut groote Tol.
8Aus see no Hebron kjeemen, brochten see David dän Kopp von Isch Boschet. Un see säden to David: Hia es de Kopp von dien Fient Isch Boschet, Saul sien Sän, dee waut hinjaraun wia no dien Läwen. Vondoag haft de Har die, ons Har un Kjennich, loten aun Saul un siene Nokomen Rach eewen. 9Un David säd to Rechab un sienen Brooda Baana, Rimmon von Beerot siene Säns: Soo secha aus de Har läft, dee mien Läwen ut jieda Jefoa jerat haft, 10aus mie en Ziklag eena säd daut Saul doot wia, un meend, daut hee mie eene goode Norecht brocht, don neem ekj am un brocht am om. Daut wia waut hee kjrieech fa siene Norecht. #2Sam 1,15 11Wooväl schlemma woat daut sennen fa beese Mana, dee eenen oschuldjen Maun en sien ieejnet Hus em Bad ombrinjen. Nu woa ekj jun Doot fa sien Doot velangen un junt von opp dise Ieed oppriemen. #2Sam 3,32 12Un David jeef daut Wuat, daut siene Mana dee aufschauften. See schneeden dee de Henj un Feet auf, un hongen dee Doodes opp bie daut Wotaloch bie Hebron. Un dän Kopp von Isch Boschet begrowden see en Abner sien Grauf en Hebron. #5Mo 21,22-23
Currently Selected:
2. Samuel 4: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Samuel 4
4
Isch Boschet woat omjebrocht
1Aus Saul sien Sän, Isch Boschet, daut hieed daut Abner en Hebron jestorwen wia, vejinkj am de Moot, un daut gaunze Israel wia aus jeschloagen. #2Sam 3,27 2Isch Boschet haud twee aunjestalde, dee jieda eene Baund leiden, met dee see aundre beplindaden. De aunjestalde wieren Baana un Rechab, Rimmon von Beerot siene Säns. See jehieeden to dän Staum Benjamin. (Beerot wort uk bie Benjamin biejeräakjent. #Jos 9,17 3De Beerotita flichten emol no Gittajim un sent doa noch bat däm vondoagschen Dach.) #Neh 11,33 4Jonatan, Saul sien Sän, haud eenen Sän dee vekjräpelde Feet haud. De Sän heet Mefi Boschet. Mefi Boschet wia fief Joa oolt aus emol de Norecht von Jesreel kjeem daut Saul un Jonatan jestorwen wieren. De Mejal, dee dän fiewjoaschen don fläajd, neem am opp un rand; oba see spood sikj soo daut see am faulen leet un hee doaderch vekjräpelt wort. #2Sam 9,3 5Rimmon siene Säns, Rechab un Baana, jinjen loos no Isch Boschet sien Hus, un kjeemen doa boolt no Meddach han, aus Isch Boschet jrod Meddachschlop hilt. #2Sam 2,8 6De Fru, dee bie de Däa de Wajchta wia, haud doa Weit jesäft, oba dee wia doabie enjeschlopen. Aus Rechab un sien Brooda Baana dan bat doa kjeemen, jinjen see bloos nenn. 7Isch Boschet lach jrod opp sien Bad en de Schlopstow. Un see jinjen doa nenn un schauften am auf un schneeden sienen Kopp auf. See neemen dän Kopp un jinjen de gaunze Nacht derch daut groote Tol.
8Aus see no Hebron kjeemen, brochten see David dän Kopp von Isch Boschet. Un see säden to David: Hia es de Kopp von dien Fient Isch Boschet, Saul sien Sän, dee waut hinjaraun wia no dien Läwen. Vondoag haft de Har die, ons Har un Kjennich, loten aun Saul un siene Nokomen Rach eewen. 9Un David säd to Rechab un sienen Brooda Baana, Rimmon von Beerot siene Säns: Soo secha aus de Har läft, dee mien Läwen ut jieda Jefoa jerat haft, 10aus mie en Ziklag eena säd daut Saul doot wia, un meend, daut hee mie eene goode Norecht brocht, don neem ekj am un brocht am om. Daut wia waut hee kjrieech fa siene Norecht. #2Sam 1,15 11Wooväl schlemma woat daut sennen fa beese Mana, dee eenen oschuldjen Maun en sien ieejnet Hus em Bad ombrinjen. Nu woa ekj jun Doot fa sien Doot velangen un junt von opp dise Ieed oppriemen. #2Sam 3,32 12Un David jeef daut Wuat, daut siene Mana dee aufschauften. See schneeden dee de Henj un Feet auf, un hongen dee Doodes opp bie daut Wotaloch bie Hebron. Un dän Kopp von Isch Boschet begrowden see en Abner sien Grauf en Hebron. #5Mo 21,22-23
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.