2. Samuel 2

David woat en Juda Kjennich, Isch Boschet en Israel

1No daut fruach David däm Harn: Saul ekj en Juda nengonen, en de Städa? Un de Har säd to am: Go doahan. Un David säd: No woone saul ekj gonen? Un de Har auntwuad: No Hebron. #1Sam 23,6.9; 30,7-8 2Un dan jinkj David doahan, met siene twee Frues, Ahinoam von Jesreel, un Abigajil, dee Nabal von Karmel siene Fru jewast wia. #1Sam 25,42-43 3David brocht uk siene Mana, dee met am jewast wieren, un uk äare Famieljes. See wonden don en de Städa bie Hebron. 4Dan kjeemen de Mana von Juda no am, un see saulwden David, aus dän Kjennich äwa Juda. #1Sam 16,13; 31,11-13; 2Sam 5,3

De Mana von Juda kjeemen un berechten David daut de Mana von Jabesch en Gilead hauden Saul begroft. 5Un David schekjt Norecht derch siene Mana no de Mana von Jabesch en Gilead un säd to an: Mucht de Har junt säajnen, daut jie soo väl äwrich haben fa Saul, daut jie am begrowden. 6Mucht de Har junt nu truhoatje Leew wiesen un väl äwrich haben fa junt. Un ekj woa goodet fa junt doonen, wiels jie dit jedonen haben. 7Siet stoakj un brow. Saul, jun Har, es doot, un de Mana von Juda haben mie toom Kjennich jesaulft.

8Abner, Ner sien Sän, wia de Kommandaunt von Saul siene Armee, un hee haud Isch Boschet, Saul sien Sän, met sikj jenomen un wia no Mahanajim jegonen, #1Mo 32,2-3; 1Sam 14,50 9un haud Isch Boschet doa toom Kjennich äwa gaunz Israel jemoakt. Sien Rikj neem Gilead, Asser, Jesreel, Efraim un Benjamin en. 10Isch Boschet, Saul sien Sän, wia 40 Joa oolt un rejieed fa twee Joa. Oba de Staum Juda neem David aus Kjennich. 11David wia Kjennich en Hebron äwa dän Staum Juda fa säwen Joa un sas Moonat.

12Abner, Ner sien Sän, jinkj met Isch Boschet siene Mana von Mahanajim bat Gibeon. 13Un Joab, Zeruja äa Sän, jinkj met David siene Mana no Gibeon un see troffen sikj met Abner. See saden sikj dol, jieda Grupp aun eene Sied von daut Wotaloch bie Gibeon. #Jos 9,3.17; 1Sam 26,6 14Un Abner säd to Joab: Well wie von jieda Sied waut junge Mana väabrinjen, daut dee ver ons een Kaumf spälen. Un Joab säd: Jo, well wie. 15Dan kjeemen twalw Mana von Benjamin, dee sikj met Isch Boschet, Saul sien Sän, hilden, un uk twalw von David siene Mana no väaren. 16Un jieda Maun kjrieech sienen Jäajna biem Kopp to hoolen, un stuak sien Schwieet en däm nenn. Soo follen see aula tojlikj. Doaderch wort de Städ “Helkat Hazurim” jenant. Dee Städ es bie Gibeon.

17Daut jeef dän Dach een jehieeja Kaumf, un David siene Mana hauden de äwahaunt äwa Abner un siene Mana. 18Zeruja äare dree Säns Joab, Abischai un Asael wieren doa. Asael kunn soo stoakj ranen aus een Ree, 19un hee kjrieech Abner opp Ziel un rand jlikj opp am too. 20Un Abner kjikjt hinja sikj un säd: Best daut du, Asael? Un jana säd: Jo. 21Un Abner säd: Go irjent sest wua han, un nemm die eent von de junge Mana un beplinda däm. Oba Asael bleef Abner oppe Haken. 22Un Abner säd noch wada to Asael: Komm mie nich hinjaraun. Wuarom sull ekj die doot moaken? Un woo wudd ekj dan kjennen dienen Brooda Joab aunkjikjen? 23Oba Asael jeef nich no, un Abner stuak sien Schwieet derch Asael sien Kjarpa, soo daut de Jräp bat aun sien Buck jinkj, un de Spetz hinjen rut stuak. Un Asael foll han un storf doa. Un aule waut doahan jinjen wua Asael lach, hieeden opp to kjamfen un stunden doa bloos. #2Sam 3,27 24Oba Joab un Abischai randen Abner noch wieda hinjaraun. Un aus de Sonn aum unjagonen wia kjeemen see bat däm Boajch Ama, dee ver Giach es oppem Wajch no de Wiltnis en Gibeon. 25Un de Mana vom Staum Benjamin saumelden sikj met Abner un stalden sikj bowen oppem Boajch han. 26Dan roopt Abner no Joab: Woa wie nienich opphieren? Kaust du nich seenen, daut dit bloos betta moakt? Woo lang woascht du wachten, bat du diene Mana sajchst, daut see nich sellen äare israelitische Breeda hinjaraun sennen? 27Un Joab säd: Soo kloa aus Gott läft, wan du ea jesajcht hautst, dan hauden miene Mana aul ver Meddach oppjehieet. 28Dan blosd Joab met eene Posaun, un siene Mana hieeden opp un randen Israel nich mea hinjaraun, un kjamften nich mea. 29Un Abner un siene Mana jinjen dee gaunze Nacht derch daut groote Tol un derch däm Jordan, un jinjen noch dän gaunzen näakjsten Morjen bat see trigj no Mahanajim kjeemen. 30Un Joab dreid sikj wajch von Abner, un saumeld sikj met siene Mana. Un see wieren 19 Maun kort, buta Asael. 31Oba David siene Mana hauden 360 von Abner siene Benjaminita doljeschloagen. 32See neemen un begrowden Asael bie Betlehem en sienen Voda sien Grauf. Un Joab un siene Mana jinjen de gaunze Nacht, un kjeemen no Hebron aus daut aunfunk to doagen.

Currently Selected:

2. Samuel 2: PB

Highlight

Copy

Compare