1. Samuel 10
10
Saul woat jesaulft
1Dan neem Samuel een Dinkj met Eelj un goot Saul daut äwa sien Kopp un jeef am eenen Kuss un säd: De Har saulft die en, daut du äwa daut Volkj, waut am jehieet, rejieren saust. 2Wan du vondoag wieda jeist, woascht du bie Rahel äa Grauf bie Zelzach, en de Jäajent von Benjamin, twee Mana trafen, un dee woaren to die sajen: De Äsels, dee du sochst, sent aul jefungen. Nu es dien Voda nich mea om de Äsels besorcht, oba om die. Hee frajcht nu, waut hee wäajen sienen Jung doonen saul? #1Mo 35,19 3Von doa woascht du wieda gonen bat du no dän grooten Boom bie Tabor kjemst, un doa woaren die dree Mana trafen, dee oppem Wajch no Betel sent, om een Opfa fa däm Harn to moaken. Dee eena drajcht dree kjliene Kosen, eena drajcht dree Bulkje, un de dredda drajcht een Wienlada voll Wien. 4Dee woaren die bejreessen un die twee Bulkje jäwen. Dee saust du von an nämen. 5No däm woascht du bat däm Gottesboajch komen, wua de Filista een Loaga haben. Wan du en de Staut nenn jeist, woascht du eene Grupp Profeeten trafen, dee jrod von de huage Opfastäd komen. Dee woaren met de Hoap, de Drommeln, de Fleet, un met de Zitta spälen un en Wieed räden, waut nich äare ieejne Wieed sent. 6Dan woat däm Harn sien Jeist, en Krauft, opp die komen, un du woascht met Wieed räden, waut nich diene ieejne sent, un woascht eene aundre Persoon woaren. #Rech 13,25 7Wan aul dise Dinja soo utkomen, dan laj de Haunt aun daut Woakj waut die bejäajent, wiels Gott es met die. 8Dan saust du veropp no Gilgal gonen, un ekj woa uk doahan komen toom Brauntopfa un Dankopfa to muaken. Wacht doa fa säwen Doag, bat ekj kom un die saj, waut du doonen saust. #1Sam 13,8
9Un aus Saul sikj von Samuel dreid toom wieda gonen, jeef Gott Saul een aundret Hoat. Un aul de Tieekjens kjeemen aun dän Dach soo ut. 10Aus Saul un sien Deena bat Gibea kjeemen, troffen see eene Grupp Profeeten. Un jrod soo foll Gott sien Jeist, met Krauft, opp am un hee räd, met an toop Wieed, waut nich siene ieejne wieren. #(10-12) 1Sam 19,20-24 11De Menschen, waut am doabie sagen, säden eena toom aundren: Waut es met Kisch sien Sän jeworden? Es Saul een Profeet jeworden? 12Un een Maun, dee en dee Jäajent wond, säd: Na ei dise aundre, wäa sent dee äare Vodasch? Dit es woo de Saj emol aunfunk: Es Saul uk eena von de Profeeten?
13Aus Saul ieescht en de Wieed jerät haud, waut nich siene ieejne wieren, jinkj hee nopp no de huage Städ. 14Un Saul sien Onkel troff am un däm Deena, un de Onkel säd: Wua sent jie jewast? Un Saul säd: Wie wieren jegonen de Äsels sieekjen. Un aus wie dee nich fungen, jinj wie no Samuel. 15Un waut säd Samuel junt, fruach de Onkel. 16Un Saul säd am: Hee säd ons daut de Äsels aul jefungen wieren. Oba Saul säd am nuscht doavon, daut hee sull Kjennich woaren.
17Un dan roopt Samuel daut Volkj toop bie Mizpa, daut see ver däm Harn komen sullen. #1Sam 7,5 18Un Samuel säd to de Israeliten: De Har, Israel äa Gott, sajcht: Ekj brocht Israel nopp ut Ägipten, un rad junt von de Ägipta äare Macht un von de Macht von aul dee Velkja, waut junt nostunden. 19Jie haben vondoag junen Gott veschmäten, dee junt von aul june Trubbels un Schwierichkjeiten raden deit. Jie haben jesajcht: Nä, wie wellen bloos een Kjennich äwa ons haben. Na dan, komt nu aus Stam un aus Famieljes. #1Sam 8,7 20Un Samuel saumeld aule Stam ver sikj toom seenen woon Staum wudd jetroffen woaren. Un daut Loss troff dän Staum Benjamin. #Jos 7,16; 1Sam 14,41-42 21Dan leet Samuel de Famieljes von Benjamin ver sikj komen, un daut Loss troff de Matri Famielje. Un en de Matri Famielje troff daut Loss Kisch sien Sän, Saul. Aus see sikj dan no am romkjikjten, kunnen see am nich finjen. 22Un see fruagen däm Harn: Es dee Maun aul hia? Un de Har säd: Saul es hia un hee haft sikj mank de Doosen vestoaken. 23Un see schekjten doa schwind han un brochten am. Un aus hee mank daut Volkj stunt, wia hee aus Kopp huach hecha aus de aundre Menschen. 24Un Samuel säd to daut Volkj: Hia see jie wäm de Har jewält haft. Doa es nich noch een soona en daut gaunze Volkj. Un daut gaunze Volkj schrieech: Ons Kjennich! Opp emma! 25Un Samuel säd daut Volkj waut däm Kjennich sien rajcht un uk siene Oppgowen wieren. Hee schreef daut uk aula dol un läd daut ver däm Harn. Dan leet Samuel dee aula no Hus gonen. #5Mo 17,14-20 26Un Saul jinkj uk no Hus no Gibea, un eenje goode un stoakje Mana jinjen met am. Gott haud de Mana doatoo jeroopt. 27Oba een poa schomploose Mana säden: Woo kaun dee ons halpen? Dee veachten Saul un brochten am kjeene Jeschenkja. Oba hee deed, aus wan hee daut nich hieed. #1Sam 11,12
Currently Selected:
1. Samuel 10: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
1. Samuel 10
10
Saul woat jesaulft
1Dan neem Samuel een Dinkj met Eelj un goot Saul daut äwa sien Kopp un jeef am eenen Kuss un säd: De Har saulft die en, daut du äwa daut Volkj, waut am jehieet, rejieren saust. 2Wan du vondoag wieda jeist, woascht du bie Rahel äa Grauf bie Zelzach, en de Jäajent von Benjamin, twee Mana trafen, un dee woaren to die sajen: De Äsels, dee du sochst, sent aul jefungen. Nu es dien Voda nich mea om de Äsels besorcht, oba om die. Hee frajcht nu, waut hee wäajen sienen Jung doonen saul? #1Mo 35,19 3Von doa woascht du wieda gonen bat du no dän grooten Boom bie Tabor kjemst, un doa woaren die dree Mana trafen, dee oppem Wajch no Betel sent, om een Opfa fa däm Harn to moaken. Dee eena drajcht dree kjliene Kosen, eena drajcht dree Bulkje, un de dredda drajcht een Wienlada voll Wien. 4Dee woaren die bejreessen un die twee Bulkje jäwen. Dee saust du von an nämen. 5No däm woascht du bat däm Gottesboajch komen, wua de Filista een Loaga haben. Wan du en de Staut nenn jeist, woascht du eene Grupp Profeeten trafen, dee jrod von de huage Opfastäd komen. Dee woaren met de Hoap, de Drommeln, de Fleet, un met de Zitta spälen un en Wieed räden, waut nich äare ieejne Wieed sent. 6Dan woat däm Harn sien Jeist, en Krauft, opp die komen, un du woascht met Wieed räden, waut nich diene ieejne sent, un woascht eene aundre Persoon woaren. #Rech 13,25 7Wan aul dise Dinja soo utkomen, dan laj de Haunt aun daut Woakj waut die bejäajent, wiels Gott es met die. 8Dan saust du veropp no Gilgal gonen, un ekj woa uk doahan komen toom Brauntopfa un Dankopfa to muaken. Wacht doa fa säwen Doag, bat ekj kom un die saj, waut du doonen saust. #1Sam 13,8
9Un aus Saul sikj von Samuel dreid toom wieda gonen, jeef Gott Saul een aundret Hoat. Un aul de Tieekjens kjeemen aun dän Dach soo ut. 10Aus Saul un sien Deena bat Gibea kjeemen, troffen see eene Grupp Profeeten. Un jrod soo foll Gott sien Jeist, met Krauft, opp am un hee räd, met an toop Wieed, waut nich siene ieejne wieren. #(10-12) 1Sam 19,20-24 11De Menschen, waut am doabie sagen, säden eena toom aundren: Waut es met Kisch sien Sän jeworden? Es Saul een Profeet jeworden? 12Un een Maun, dee en dee Jäajent wond, säd: Na ei dise aundre, wäa sent dee äare Vodasch? Dit es woo de Saj emol aunfunk: Es Saul uk eena von de Profeeten?
13Aus Saul ieescht en de Wieed jerät haud, waut nich siene ieejne wieren, jinkj hee nopp no de huage Städ. 14Un Saul sien Onkel troff am un däm Deena, un de Onkel säd: Wua sent jie jewast? Un Saul säd: Wie wieren jegonen de Äsels sieekjen. Un aus wie dee nich fungen, jinj wie no Samuel. 15Un waut säd Samuel junt, fruach de Onkel. 16Un Saul säd am: Hee säd ons daut de Äsels aul jefungen wieren. Oba Saul säd am nuscht doavon, daut hee sull Kjennich woaren.
17Un dan roopt Samuel daut Volkj toop bie Mizpa, daut see ver däm Harn komen sullen. #1Sam 7,5 18Un Samuel säd to de Israeliten: De Har, Israel äa Gott, sajcht: Ekj brocht Israel nopp ut Ägipten, un rad junt von de Ägipta äare Macht un von de Macht von aul dee Velkja, waut junt nostunden. 19Jie haben vondoag junen Gott veschmäten, dee junt von aul june Trubbels un Schwierichkjeiten raden deit. Jie haben jesajcht: Nä, wie wellen bloos een Kjennich äwa ons haben. Na dan, komt nu aus Stam un aus Famieljes. #1Sam 8,7 20Un Samuel saumeld aule Stam ver sikj toom seenen woon Staum wudd jetroffen woaren. Un daut Loss troff dän Staum Benjamin. #Jos 7,16; 1Sam 14,41-42 21Dan leet Samuel de Famieljes von Benjamin ver sikj komen, un daut Loss troff de Matri Famielje. Un en de Matri Famielje troff daut Loss Kisch sien Sän, Saul. Aus see sikj dan no am romkjikjten, kunnen see am nich finjen. 22Un see fruagen däm Harn: Es dee Maun aul hia? Un de Har säd: Saul es hia un hee haft sikj mank de Doosen vestoaken. 23Un see schekjten doa schwind han un brochten am. Un aus hee mank daut Volkj stunt, wia hee aus Kopp huach hecha aus de aundre Menschen. 24Un Samuel säd to daut Volkj: Hia see jie wäm de Har jewält haft. Doa es nich noch een soona en daut gaunze Volkj. Un daut gaunze Volkj schrieech: Ons Kjennich! Opp emma! 25Un Samuel säd daut Volkj waut däm Kjennich sien rajcht un uk siene Oppgowen wieren. Hee schreef daut uk aula dol un läd daut ver däm Harn. Dan leet Samuel dee aula no Hus gonen. #5Mo 17,14-20 26Un Saul jinkj uk no Hus no Gibea, un eenje goode un stoakje Mana jinjen met am. Gott haud de Mana doatoo jeroopt. 27Oba een poa schomploose Mana säden: Woo kaun dee ons halpen? Dee veachten Saul un brochten am kjeene Jeschenkja. Oba hee deed, aus wan hee daut nich hieed. #1Sam 11,12
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.