1. Kjennichs 4
4
Salomo siene aunjestalde Mana
1De Kjennich Salomo wia Kjennich äwa daut gaunze Israel, 2un dit sent siene huachaunjestalde Mana: Asarja, Zadok sien Sän, wia de Priesta; 3Elihoref un Ahija, Schischa siene Säns, wieren Schriewa; Joschafat, Ahilud, sien Sän, oppbewoad de Bieekja von de Jeschicht von daut Kjennichrikj; 4Benaja, Jojada sien Sän, wia Kommandaunt von de Armee; Zadok un Abjatar wieren Priesta; #2Sam 23,20; 1Kjen 2,34-35 5Asarja, Natan sien Sän, wia äwa de aunjestalde; Sabud, Natan sien Sän, wia Priesta un däm Kjennich sien Frint; 6Ahischar wia de Oppsechta vom Paulaust; un Adoniram, Abda sien Sän, wia aunjestalt äwa de Oabeida, waut jedwungen wieren veschiednet fa dän Kjennich to buen. #1Kjen 5,28
7Salomo haud twalw Mana äwa daut gaunze Israel aunjestalt, daut see Väarot fa daut Äten fa däm Kjennich un siene Menschen besorjden. Een jiedra von dise Mana must fa eene Moonat dän Väarot stalen. #1Sam 8,11-18 8Dise twalw Mana wieren: Ben Hur, en de efraimsche Boaj; 9Ben Deker, en Makaz, Schaalbim, Bet Schemesch, un Elon Bet Hanan; 10Ben Hesed, en Arubot, hee wia äwa Socho un de Jäajent von Hefer; 11Ben Abinadab, en de gaunze Nafatdor Jäajent; siene Fru wia Tafat, Salomo siene Dochta; #1Sam 16,8 12Baana, Ahilud sien Sän, en Taanach, Megiddo un daut gaunze Bet Schean biesied Zaretan rauf von Jesreel, un von Bet Schean bat Abel Mehola bat jantsied von Jokneam; 13Ben Geber, en Ramot en Gilead; hee wia äwa de Darpa waut Jair, Manasse sien Sän, jehieeden, dee en Gilead sent, un de Jäajent von Argob en Baschan, wua doa 60 groote Städa wieren, aula met Mieren un Iesastangen; #4Mo 32,41 14Ahinadab, Ido sien Sän en Mahanajim; 15Ahimaaz, en Naftali; siene Fru wia Basemat, Salomo siene Dochta; 16Baana, Huschai sien Sän, en Asser un Bealot; 17Joschafat, Paruach sien Sän, en Isachar; 18Schimi, Ela sien Sän, en Benjamin; 19Geber, Uri sien Sän, en daut Launt Gilead, daut Launt von Sihon dän Amorita Kjennich un Og dän Kjennich von Baschan. Un dan wia noch eena äwa daut gaunze Launt.
20Doa wieren soo väl Menschen en Juda un Israel aus doa Saunt aum Mäa es; dee eeten un drunken un wieren sea jlekjlich. #1Mo 13,16; 1Kjen 3,8
Currently Selected:
1. Kjennichs 4: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
