Esdras 1
1
Gisugo ni Hari Ciro ang mga Judio sa Pagpauli
1Sa#Jer. 25:11; 29:10. unang tuig sa paghari#1:1 PAGHARI: Nailog ni Hari Ciro sa Persia ang siyudad sa Babilonia sa tuig 539 B.C. ug nagsugod siya pagmando ingon nga emperador sa Babilonia. ni Ciro sa Persia, gidasig siya sa Ginoo aron magsulat ug usa ka pahibalo sa tibuok niyang gingharian aron matuman ang giingon sa Ginoo pinaagi kang propeta Jeremias.
2“Mao#Is. 44:28. kini ang giingon ni Ciro, hari sa Persia: Ang Ginoo, ang Dios sa langit, naghimo kanakong hari sa tibuok kalibotan ug gisugo ako niya pagtukod ug usa ka templo alang kaniya didto sa Jerusalem sa Juda. 3Kamong tanan nga iyang katawhan, pauli kamo sa Jerusalem. Tukora ninyo pag-usab ang Templo sa Ginoo, ang Dios sa Israel. Mag-uban unta siya kaninyo—siya nga gisimba didto sa Jerusalem. 4Kadtong mga nangabihag nga nagpuyo sa nagkalainlaing dapit kinahanglang tabangan sa ilang silingan pinaagi sa paghatag kanila ug plata, bulawan, kabtangan ug mga kahayopan ug mga halad alang sa Templo sa Ginoo nga atua sa Jerusalem.”
5Unya nangandam ang mga pangulo sa banay ni Juda ug ni Benjamin, ang mga pari ug ang mga Levita ug ang tanan nga gidasig sa Ginoo sa pag-adto sa Jerusalem aron pagtukod pag-usab sa Templo sa Ginoo. 6Ug ang tanan nilang mga silingan mihatag kanilag mga galamiton nga plata, bulawan ug uban pang kinahanglan nila, mga mananap nga kargahan nilag kahimanan ug lain pang mga mahalong butang ug mga halad alang sa Templo.
7Giuli usab ni Hari Ciro kanila ang mga galamiton sa Templo sa Ginoo nga gikuha ni Nabucodonosor gikan sa Jerusalem ug gibutang sa templo sa iyang mga diosdios. 8Gitugyan kini ni Hari Ciro ngadto sa tinugyanan sa panudlanan sa hari nga si Mitridates kinsa nag-ihap niini alang kang Sesbasar, ang gobernador sa Juda. 9-10Ug mao kini ang gidaghanon sa mga galamiton:
| plangganang bulawan | 30 |
| plangganang plata | 1,000 |
| ubang mga panaksan | 29 |
| gagmayng panaksang bulawan | 30 |
| gagmayng panaksang plata | 410 |
| ubang mga kabtangan | 1,000 |
11Ang tanang galamiton nga plata ug bulawan mikabat ug 5,400 ka buok. Gidala ni Sesbasar kining tanan sa dihang gipapauli sa Jerusalem ang mga binihag gikan sa Babilonia.
Currently Selected:
Esdras 1: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society