2 Cronicas 36
36
Ang Paghari ni Joacas sa Juda
(2 Hari 23:30-35)
1Si Joacas nga anak ni Josias mao ang gihimong hari sa katawhan sa Juda didto sa Jerusalem puli sa iyang amahan. 2Nagpanuigon siya ug 23 sa pagsugod niya paghari ug naghari siya sa Jerusalem sulod sa tulo ka bulan. 3Unya gikuhaan siyag gahom ni Neco nga hari sa Ehipto ug ang nasod gipabuhis ug 3,400 ka kilong plata ug 34 ka kilong bulawan. 4Si#Jer. 22:11-12. Eliakim nga igsoon ni Joacas maoy gihimo ni Neco nga hari sa Juda ug sa Jerusalem ug giilisan ang iyang ngalan ug Joakim. Si Joacas gibihag niya ngadto sa Ehipto.
Ang Paghari ni Joakim sa Juda
(2 Hari 23:36–24:7)
5Si#Jer. 22:18-19; 26:1-6; 35:1-19. Joakim nagpanuigon ug 25 sa dihang misugod siya paghari ug naghari siya sa Jerusalem sulod sa 11 ka tuig. Gibuhat niya ang daotan atubangan sa Ginoo nga iyang Dios. 6Misulong#Jer. 25:1-38; 36:1-32; 45:1-5; Dan. 1:1-2. kaniya si Nabucodonosor nga hari sa Babilonia ug gigapos siya sa mga kadena ug gidala sa Babilonia. 7Gidala usab ni Nabucodonosor ngadto sa Babilonia ang ubang mga galamiton sa Templo sa Ginoo ug gibutang kini didto sa iyang palasyo. 8Ang tanang nabuhat ni Joakim lakip ang salawayon niyang nahimo, nahisulat diha sa Kasaysayan sa mga Hari sa Israel ug sa Juda. Ang iyang anak nga si Joaquin maoy mipuli kaniya paghari.
Ang Paghari ni Joaquin sa Juda
(2 Hari 24:8-17)
9Si Joaquin nagpanuigon ug 18#36:9 nagpanuigon ug 18: Sa Hebreo, 8. (Tan-awa sa 2 Hari 24:8.) sa pagsugod niyag hari ug naghari siya sa Jerusalem sulod sa tulo ka bulan ug napulo ka adlaw. Gibuhat niya ang daotan atubangan sa Ginoo. 10Unya#Jer. 22:24-30; 24:1-10; 29:1-2; Ezeq. 17:12; Jer. 37:1; Ezeq. 17:13. sa tingpamulak niadtong tuiga, gibihag siya ni Hari Nabucodonosor ngadto sa Babilonia uban sa mahalong mga galamiton sa Templo sa Ginoo ug si Sedekias nga iyang uyoan#36:10 uyoan: Sa Hebreo, igsoon. (Tan-awa usab sa 2 Hari 24:17.) maoy gihimong hari sa Juda ug sa Jerusalem.
Ang Paghari ni Sedekias sa Juda
(2 Hari 24:18-20; Jer. 52:1-3a)
11Si#Jer. 27:1-22; 28:1-17. Sedekias nagpanuigon ug 21 sa pagsugod niya paghari ug naghari siya sa Jerusalem sulod sa 11 ka tuig. 12Gibuhat niya ang daotan atubangan sa Ginoo nga iyang Dios. Wala siya magpaubos sa iyang kaugalingon atubangan ni Jeremias nga propeta nga misulti sa pulong sa Ginoo.
Napukan ang Jerusalem
(2 Hari 25:1-21; Jer. 52:3b-11)
13Misukol#Ezeq. 17:15. si Hari Sedekias kang Hari Nabucodonosor nga mipapanumpa kaniya sa ngalan sa Dios nga magpailalom siya kang Nabucodonosor. Nagmasupilon siya ug nagdumili sa pagbalik ngadto sa Ginoo, ang Dios sa Israel. 14Ang mga nangulong pari sa Juda ug ang katawhan misamot pagkamasupilon. Gisunod nila ang tanang salawayong buhat sa kanasoran ug gihugawhugawan nila ang Templo nga gibalaan sa Ginoo didto sa Jerusalem.
15Ang Ginoo, ang Dios sa ilang katigulangan, nagsigig pahimangno kanila pinaagi sa iyang mga alagad kay nahingawa man siya sa iyang katawhan ug sa iyang Templo 16apan nagpadayon sila pagbugalbugal sa mga alagad sa Dios. Gitamay nila ang iyang mga pulong ug gibugalbugalan ang iyang mga propeta busa nasuko ang Ginoo sa iyang katawhan ug dili na kini mapuypoy.
17Busa#Jer. 21:1-10; 34:1-5. gihimo sa Ginoo nga sulongon sa hari sa Babilonia ang Juda ug gipamatay sa mga taga-Babilonia ang ilang mga batan-ong anak didto sa Templo sa Ginoo. Wala maluoy ang hari kanila, lalaki man o babaye, batan-on man o tigulang. Gitugyan sa Dios silang tanan ngadto sa hari sa Babilonia. 18Ug ang tanang galamiton ug mga bahandi sa Templo sa Ginoo, dagko ug gagmay, ug ang mga bahandi sa hari ug sa mga kadagkoan gidala ngadto sa Babilonia. 19Gisunog#1 Hari 9:8. nila ang Templo ug gigun-ob ang kota sa Jerusalem ug gisunog ang mga palasyo ug giguba ang mga mahalong galamiton. 20Gibihag sa hari ngadto sa Babilonia kadtong wala mamatay sa gubat ug gihimo silang sulugoon niya ug sa iyang mga anak hangtod nailog sa Persia ang iyang gingharian. 21Nahitabo#Jer. 25:11; 29:10. kini aron matuman ang pulong sa Ginoo pinaagi kang Jeremias, “Magpabiling pinasagdan ang yuta sulod sa 70 ka tuig hangtod nga ang yuta makapahimulos sa mga Adlaw nga Igpapahulay.”
Nagsugo si Ciro nga Papaulion ang mga Judio
(Esd. 1:1-4)
22Sa unang tuig ni Ciro, hari#36:22 HARI: Nailog ni Hari Ciro sa Persia ang Babilonia sa tuig 539 B.C. ug nagsugod siya pagmando ingon nga emperador sa Babilonia. sa Persia, natuman ang pulong sa Ginoo pinaagi kang Jeremias. Gidasig sa Ginoo si Ciro sa paghimo niining kasugoan sa tibuok niyang gingharian:
23“Nag-ingon#Is. 44:28. si Ciro: ‘Ang Ginoo, ang Dios sa langit, naghatag kanako sa tanang gingharian sa kalibotan ug gisugo niya ako pagtukod ug usa ka templo alang kaniya didto sa Jerusalem nga sakop sa Juda. Bisag kinsa sa iyang katawhan makahimo pagpauli sa Juda ug mag-uban kaniya ang Ginoo.’”
Currently Selected:
2 Cronicas 36: RCPV
Highlight
Share
Compare
Copy
Want to have your highlights saved across all your devices? Sign up or sign in
© 1999 Philippine Bible Society
