Mga Salmo 82
82
Ang Dios maoy Labing Gamhanang Hari#ANG ULOHAN SA HEBREO: Salmo ni Asaph.
1Nangulo ang Dios sa konseho sa langit;
sa tigom sa mga dios ang iyang hukom maoy matuman:
2“Hunonga na ang inyong dili matarong nga paghukom
ug pagdapig sa mga daotan!
3Labani ang katungod sa mga kabos ug sa mga ilo;
hatagig hustisya ang mga kabos ug dinaugdaog.
4Luwasa ang mga kabos ug ang mga timawa;
luwasa sila gikan sa gahom sa mga tawong daotan!
5“Wala kamoy alamag!
Wala kamoy salabotan!
Nagpuyo kamo sa kangitngit
ug ang sukaranan sa kalibotan natay-og.
6Giingnan#Juan 10:34. ko kamo nga mga dios kamo;
nga kamong tanan mga anak sa Labing Halangdon.
7Apan mangamatay kamo sama sa mga tawo;
ang inyong kinabuhi matapos sama sa tanang pangulo.”
8Sigi na, O Dios, hukmi ang kalibotan,
kay imo man ang tanang kanasoran.
Currently Selected:
Mga Salmo 82: RCPV
Highlight
Copy
Compare
Share
Want to have your highlights saved across all your devices? Sign up or sign in
© 1999 Philippine Bible Society
