Mga Salmo 70
70
Pag-ampo alang sa Pagpakitabang#ANG ULOHAN SA HEBREO: Ngadto sa Pangulong Musikero. Salmo ni David alang sa paghandom.
(Sal. 40:13-17)
1Luwasa intawon ako, O Dios!
Pagdali, O Ginoo, ug tabangi ako!
2Maulawan ug magkabuang unta
kadtong buot mopatay kanako!
Kadtong nalipay tungod sa akong mga kalisdanan
masumpo unta ug maulawan!
3Ug kadtong nagbugalbugal kanako
mangaluya unta tungod sa ilang kapildihan!
4Magmalipayon ug magmaya unta
kadtong tanan nga moduol kanimo!
Ug kadtong tanan nga mapasalamaton sa kaluwasan nga gikan kanimo
mag-ingon unta kanunay, “Pagkagamhanan sa Dios!”
5Kabos ako ug walay mahimo
busa duol pagdali kanako, O Dios!
Ikaw ang akong manluluwas, O Ginoo,
ayaw paglangan sa pagtabang kanako.
Currently Selected:
Mga Salmo 70: RCPV
Highlight
Copy
Compare
Share
Want to have your highlights saved across all your devices? Sign up or sign in
© 1999 Philippine Bible Society
