Mga Salmo 54
54
Pag-ampo#1 Sam. 23:19; 26:1. aron Panalipdan batok sa mga Kaaway#ANG ULOHAN SA HEBREO: Ngadto sa Pangulong Musikero. Awiton uban ang tulunggon nga may kuwerdas. Balak ni David sa dihang ang mga taga-Zip miadto kang Saul ug nagsugilon nga si David nagtago sa ilang dapit.
1O Dios, luwasa intawon ako pinaagi sa imong gahom!
Ipalingkawas ako pinaagi sa imong kusog!
2Dungga intawon ang akong pag-ampo, O Dios,
ug pamatia ang akong pangaliya!
3Gisulong ako sa mga mapahitas-on,#54:3 mapahitas-on: Sa Hebreo, langyaw.
ug naninguha pagpatay kanako ang bangis nga mga tawo nga wala moila sa Dios.
4Ang Dios mao ang akong magtatabang;
ang Ginoo mao ang tigpanalipod sa akong kinabuhi!
5Silotan unta sa Dios ang akong mga kaaway sa ilang pagkadaotan.
Kay ang Dios maminatud-on man, laglagon niya sila.
6Ikalipay ko ang paghalad alang kanimo
ug pasalamatan ko ikaw, O Ginoo,
kay maayo ka man.
7Giluwas mo ako sa tanan kong kalisdanan,
ug nakita ko ang pagkabuntog sa akong mga kaaway.
Currently Selected:
Mga Salmo 54: RCPV
Highlight
Copy
Compare
Share
Want to have your highlights saved across all your devices? Sign up or sign in
© 1999 Philippine Bible Society
