Mga Salmo 43
43
Ang Pag-ampo sa Tawo nga Hininginlan
(Sumpay sa Salmo 42)
1Ipaila nga wala akoy sala, O Dios,
ug panalipdi ako batok sa mga tawong daotan;
luwasa ako sa mga bakakon ug sa mga limbongan.
2Ikaw ang Dios nga akong tigpanalipod;
nganong gisalikway mo man ako?
Nganong nag-antos man ako
sa pagdaugdaog sa akong mga kaaway?
3Pasidlaka ang imong kahayag ug ang imong kamatuoran
aron tultolan ako
ug dad-on pagbalik sa balaan mong bungtod
ug sa Templo nga imong gipuy-an!
4Unya moadto ako sa imong halaran, O Dios,
ug tungod sa akong dakong kalipay,
awitan ko ikawg mga pagdayeg dinuyogan sa akong alpa,
O Dios nga akong Dios!
5Nganong maguol man ako ug mahasol?
Nganong nasamok man ako?
Mosalig ako sa Dios
ug daygon ko gihapon siya
nga akong magtatabang ug akong Dios.
Currently Selected:
Mga Salmo 43: RCPV
Highlight
Copy
Compare
Share
Want to have your highlights saved across all your devices? Sign up or sign in
© 1999 Philippine Bible Society
