Mga Salmo 2

Ang Hari nga Gipili sa Dios

1Nganong#Buh. 4:25-26. nagsabot man pag-alsa ang kanasoran?

Nganong naglaraw man silag mga butang nga walay kapuslanan?

2Ang mga hari nila naghiusa ug ang ilang mga pangulo

nagkasabot pag-alsa batok sa Ginoo ug sa hari nga iyang pinili.

3Sila nag-ingon: “Putlon nato ang paghari nila kanato

ug dili na kita magpagalong kanila.”

4Ang Ginoo nga naglingkod sa iyang trono didto sa langit

nagkatawa lang ug nagbiaybiay kanila.

5Unya sa iyang kapungot gipasidan-an niya sila

ug sa iyang kasuko gilisang niya sila.

6Nag-ingon siya, “Sa Sion, ang bungtod kong balaan,

gipahimutang ko ang pinili kong hari.”

7Nag-ingon#Buh. 13:33; Heb. 1:5; 5:5. ang hari, “Isangyaw ko ang giingon kanako sa Ginoo.

Miingon siya kanako, ‘Ikaw akong anak;

ug karong adlawa imo na akong amahan.

8Pangayo ug kanimo ihatag ko ang tanang kanasoran;

ug maimo ang tibuok kalibotan.

9Buk-on#Gipa. 2:26-27; 12:5; 19:15. mo sila sa bunal nga puthaw

ug dugmokon sama sa usa ka kulon.’”

10Pagmaalamon kamong mga hari

ug pagmatngon kamong mga namunoan.

11Alagari ug kahadloki ang Ginoo;

pangurog kamo 12ug yukboi ninyo siya,#2:12 pangurog kamo…siya: Sa Hebreo dili klaro.

aron dili siya mapungot kaninyo ug pamatyon kamo

kay ang kasuko niya dali rang mosilaob.

Bulahan ang modangop kaniya aron iyang panalipdan.

Currently Selected:

Mga Salmo 2: RCPV

Highlight

Copy

Popular Bible Verses from
Mga Salmo 2