Mga Salmo 127
127
Gidayeg ang Kaayo sa Dios#ANG ULOHAN SA HEBREO: Kang Solomon.
1Gawas kon ang Ginoo maoy magtukod sa balay,
kawang lamang ang kahago niadtong nagtukod niini.
Gawas kon ang Ginoo maoy magbantay sa siyudad,
kawang lamang ang pagtukaw sa mga magbalantay.
2Kawang lamang ang inyong paghago pag-ayo aron mabuhi,
ang pagmatag sayo ug ang pagpamulaw,
kay ang Ginoo nagsangkap sa iyang gihigugma
samtang natulog sila.#127:2 nagsangkap…natulog sila: o naghatag kanilag pahulay.
3Ang mga anak gasa gikan sa Ginoo;
sila tinuod nga mga panalangin.
4Ang mga lalaking anak sa pagkabatan-on
sama sa udyong nga gikuptan sa usa ka manggugubat.
5Bulahan ang tawo nga daghag udyong!
Dili gayod siya mabuntog
inig-atubang niya sa iyang mga kaaway diha sa hukmanan.
Currently Selected:
Mga Salmo 127: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
