Mga Salmo 124
124
Ang Dios Manluluwas sa Iyang Katawhan#ANG ULOHAN SA HEBREO: Kang David.
1Kon wala pa modapig kanato ang Ginoo,
unsa kahay mahitabo?
Tubag, O Israel!
2“Kon wala pa modapig kanato ang Ginoo
sa dihang nakiggubat kanato ang atong mga kaaway,
3gilamoy na unta kita nila nga buhi
inigsilaob sa ilang kasuko batok kanato;
4gibanlas na unta kita sa baha,
ug nalapawan na unta kita sa tubig
5ug nalumos na unta kita sa kusog nga sulog.”
6Pasalamatan ta ang Ginoo
nga wala motugot nga malaglag kita sa atong mga kaaway.
7Sama kita sa usa ka langgam nga nakaikyas gikan sa lit-ag sa mangangayam;
nabali ang lit-ag ug nakalingkawas kita!
8Ang atong panabang naggikan sa Ginoo
nga nagbuhat sa langit ug sa yuta.
Currently Selected:
Mga Salmo 124: RCPV
Highlight
Copy
Compare
Share
Want to have your highlights saved across all your devices? Sign up or sign in
© 1999 Philippine Bible Society
