Mga Salmo 112
112
Ang Kalipay sa Maayong Tawo
1Dayga ang Ginoo!
Bulahan ang tawo
nga may kahadlok ug pagtahod sa Ginoo
ug malipayon nga motuman sa iyang mga sugo.
2Ang mga anak sa tawong matarong
mahimong gamhanan sa ilang yuta;
mabulahan gayod ang iyang mga kaliwat.
3Madato ang iyang pamilya
ug magmauswagon siya kanunay.
4Ang kahayag modan-ag sa kangitngit alang kanila nga mga maayo,
kanila nga maluluy-on ug matarong.
5Bulahan ang tawo nga dili magdumili sa pagpahulam,
ug dili manlimbong sa pagpatigayon.
6Dili gayod mapakyas ang maayong tawo,
ug dili gayod siya hikalimtan.
7Dili siya malisang nga modawat ug daotang balita;
lig-on ang iyang pagtuo ug nagsalig siya sa Ginoo.
8Dili siya mabalaka o mahadlok;
wala siyay pagduhaduha nga mabuntog ang iyang mga kaaway.
9Manggihatagon#2 Cor. 9:9. siya sa mga kabos
ug walay kataposan ang iyang pagkamatarong;
mahimo siyang gamhanan ug tinahod.
10Makakita niini ang mga daotan ug maglagot sila;
mosilaob sila sa kasuko ug mahanaw;
mawagtang ang ilang paglaom hangtod sa kahangtoran.
Currently Selected:
Mga Salmo 112: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society