Job 9
9
1Si Job mitubag:
2Nakadungog#Job 4:17. na ako
nianang tanan kaniadto.
Apan unsaon man pagdaog sa tawo batok sa Dios?
3Unsaon man sa tawo pagpakiglalis kaniya?
Sa libo ka pangutana niya walay makatubag bisag kinsa.
4Maalamon ug gamhanan kaayo ang Dios.
Kinsa may misukol kaniya ug nagmadaugon?
5Sa walay pagpasidaan tay-ogon niya ang kabukiran
ug gun-obon niya sa iyang kasuko.
6Gipalinog sa Dios ug gitay-og ang yuta;
giyugyog niya ang mga haligi nga gisukaran sa kalibotan.
7Mahimong#Bar. 3:34-35. pugngan sa Dios ang adlaw aron dili mosubang,
ug ang mga bituon aron dili na modan-ag.
8Walay nagtabang sa Dios sa pagbuhat niya sa langit,
sa pagyatak niya sa bukobuko sa Lebiatan.#9:8 sa bukobuko sa Lebiatan: o sa mga balod sa dagat.
9Sa#Job 38:31; Amos 5:8. langit gibitay sa Dios ang mga bituon—ang Kabo,#9:9 KABO: Usa ka pundok sa mga bituon nga nagporma ug kabo. Gitawag usab kinig Ursa Mayor o Dako nga Oso.
ang Orion,#9:9 ORION: Usa ka pundok sa mga bituon nga gitawag sa samang ngalan sa usa ka mangangaso sa usa ka karaang sugilanon. ang Pleiades,#9:9 PLEIADES: Usa ka pundok sa mga bituon nga ginganlan pahinungod sa pito ka anak nga babaye ni Atlas, usa ka bayani sa karaang sugilanon. ug ang mga bituon sa habagatan.
10Dili ta masabot ang mga dagkong butang nga gibuhat niya
ug walay puas ang iyang mga milagro.
11Miagi ang Dios apan wala ko siya makita.
12Sakmiton niya ang gusto niya ug walay makapugong kaniya;
walay makapangahas sa pagpangutana kaniya, “Unsa bay imong gibuhat?”
13Walay pagkapalong ang kasuko sa Dios.
Laglagon niya ang iyang mga kaaway nga nagtabang sa dragon nga si Rahab.
14Busa unsaon ko man pagtubag kaniya?
15Bisag wala akoy sala, mao ray akong mahimo ang pagpakiluoy
sa nagsumbong kanako nga mao ra usab ang akong maghuhukom.
16Apan bisag pasultihon niya ako,
dili ako makatuo nga patalinghogan niya ako.
17Gipadad-an ako niyag bagyo aron pagwataswatas kanako,
bisag wala siyay kapasikaran sa pagpaantos kanako.
18Dili ako niya paginhawaon;
gihimo niya ang tanan aron paantuson ako.
19Gamiton ko ba ang kusog? Pugson ko ba ang Dios?
Ikiha ko ba siya? Kinsa may motaral kaniya#9:19 kaniya: Sa Hebreo, kanako. ngadto?
20Dili ako sad-an, ug matinud-anon ako kaniya,
apan ang akong kaugalingong mga pulong naglaglag kanako,
ug ang tanan kong isulti daw nagtulisok kanako.
21Dili ako sad-an apan dili ko kana igsapayan.
Gipul-an na ako sa kinabuhi.
22Ang tanan wala nay bili kanako;
sad-an o dili, laglagon kita sa Dios.
23Sa dihang moabot ang makalilisang nga kadaot,
kataw-an niya ang hinanaling kamatayon sa tawo nga walay sala.
24Ngadto sa mga daotan, gitugyan sa Dios ang kalibotan.
Gihimo niyang buta ang tanang maghuhukom.
Ug kon dili ang Dios maoy nagbuhat niini, kinsa man diay?
25Tulin nga nanglabay ang akong mga adlaw, kay wala sila makakita ug kalipay.
26Sama kini sa matulin nga sakayan,
sama katulin sa usa ka agila nga misakdap sa usa ka kuneho.
27Kon mopahiyom ako aron paghikalimot sa akong kasakit,
ug kon tarungon ko ang akong panagway ug magmaya ako,
28moabot kanako ang kahadlok tungod sa tanan kong pag-antos,
kay nasayod ako nga gipakasala gayod ako sa Dios.
29Sanglit giisip man sa Dios nga sad-an ako, nganong maghago pa man ako?
30Bisan pag manabon ako,
31itambog gihapon ako sa Dios sa gahong nga mahugaw
ug bisan gani ang akong bisti hugawan kanako.
32Kon ang Dios tawo pa lang, tubagon ko gayod siya;
adto kami sa hukmanan
aron mahusay ang among gikabingkilan.
33Apan walay makapataliwala kanamo,
walay makahukom kanamo.
34Hunongon unta niya ang iyang pagkastigo kanako,
ug kuhaon unta niya ang akong kahadlok kaniya.
35Unya mosulti ako sa walay kukahadlok,
kay dili ako ingon niana sa sulod nako.
Currently Selected:
Job 9: RCPV
Highlight
Share
Compare
Copy
Want to have your highlights saved across all your devices? Sign up or sign in
© 1999 Philippine Bible Society
