Job 7
7
1Ang kinabuhi sama sa pinugos nga pag-alagad sa usa ka sundalo,
sama sa mabug-at nga trabaho,
2sama sa ulipon nga nangandoy nga mosilong sa landong,
ug sama sa mamumuo nga nangandoy sa iyang suweldo.
3Karon gipahatan ako sa mga bulan sa kaalaot;
ang matag gabii naghatag kanakog kaguol.
4Kon mohigda ako aron matulog, mag-aginod ang oras;
maglimbaglimbag ako sa tibuok gabii ug mangandoy sa kaadlawon.
5Nalukop sa ulod ang akong lawas
ug naputos kini sa nuka;
nag-agos ang nana sa akong mga hubag.
6Tulin kaayong nanglabay ang akong mga adlaw,
mga adlaw nga walay paglaom.
7Hinumdomi, O Dios, nga ang akong kinabuhi lumalabay sama sa huyohoy sa hangin;
unya matapos ang akong kalipay.
8Ang nakakita karon, dili na makakita kanako pag-usab,
ug sa imong atubangan, mahanaw ako.
9Sama#Klm. Sol. 2:1-4. nga ang panganod mahanaw,
ang tawo nga manaog ngadto sa Seol dili na gayod mobalik;
10dili na siya mopauli ngadto sa iyang balay,
ug ang iyang dapit dili na makaila kaniya.
11Busa dili mahimong maghilom ako!
Mosulti gayod ako kay sakit kaayo ang akong dughan
ug puno sa kaligutgot.
12Mananap ba ako sa dagat#7:12 MANANAP…SA DAGAT: Sumala sa mga sugilanon sa karaang panahon, ang mga mananap sa dagat kinahanglang bantayan aron dili makaikyas ug makahimo ug kadaot. nga bantayan mo man ako?
13Mohigda ako ug buot unta nga mopahulay,
nangita ug makahupay sa akong kasakit.
14Apan gilisang mo ako pinaagig damgo;
gipakita mo akog mga panan-awon nga makahahadlok.
15Tungod niini maayo pa nga tuk-on na lamang ako
ug mamatay kay sa mabuhi nga sama niini.
16Gikasilagan ko ang akong kinabuhi; dili na ako makaantos,
busa pasagdi na lamang ako kay wala nay kapuslanan ang akong kinabuhi.
17Nganong#Sal. 8:4; 144:3. mahinungdanon man kaayo ang tawo alang kanimo?
Nganong tagdon mo man ang iyang gibuhat?
18Giusisa mo siya matag buntag
ug gisulayan mo siya matag gutlo.
19Dili ka ba mobiya kanakog makadiyot
aron makahigayon ako paglad-ok sa akong laway?
20Ikaw nga nagsigi ug pamantay kanako, unsa may labot nimo kon makasala ako?
Nganong gigamit mo man ako nga puntinganan?
Bug-at na ba gayod ako alang kanimo?
21Dili ka ba gayod makapasaylo sa akong sala?
Dili mo ba mahimong papason ang akong sayop?
Sa dili madugay mobalik na ako sa yuta;
ug mangita ka kanako, apan dili mo na ako makaplagan.
Currently Selected:
Job 7: RCPV
Highlight
Share
Compare
Copy
Want to have your highlights saved across all your devices? Sign up or sign in
© 1999 Philippine Bible Society
