Job 4
4
Ang Unang Panagsultihanay
(4:1–14:22)
1Si Elifas nga taga-Teman miingon:
2Dili ka ba masuko kon mosulti ako?
Dili na man gud mahimong magpakahilom pa ako.
3Daghan kag gitudloan
ug gilig-on mo ang mga maluyahon.
4Ang imong mga pulong nagdasig sa pagpatindog
kaniya nga mahidusmo tungod sa kakapoy ug kaluya.
5Karon ikaw ang nahitaboan sa ingon,
ug nalibog ka unsaon pagdawat niini.
6Gialagaran mo ang Dios, ug sa imong kinabuhi wala gayoy ikasaway;
busa angay kang magmasaligon ug magmalaomon.
7Hunahunaa, may tawo bang matarong nga nahiagom sa katalagman?
O kanus-a man gipasagdan ang mga matarong?
8Sumala sa akong nakita, kadtong nag-uma sa kadaotan
ug nagpugas ug kangil-ad, nag-ani usab sa ingon.
9Ang kasuko sa Dios sama sa bagyo nga molaglag kanila.
10Ang mga daotan mongulob daw liyon,
apan pahilumon sila sa Dios ug hingoan sa ilang mga ngipon.
11Sama sa kusgan nga liyon nga wala nay matukob, mangamatay sila;
ug sama sa mga anak sa inahan nga liyon magkatibulaag sila.
12Usa niana ka higayon may mensahe nga miabot sa hilom,
daw hagawhaw kini nga lugos madungog.
13Sama#Job 33:15. kini sa daman nga mitugaw sa akong paghikatulog.
14Mikurog ako sa labihang kalisang.
15Unya may huyohoy nga misapigad sa akong nawong,
ug nanindog ang akong balhibo.
16Nakita ko nga may nagtindog didto;
gitutokan ko kini apan dili nako maklaro kon unsa kadto.
Unya may nadungog akong tingog nga migisi sa kahilom:
17“May tawo bang matarong atubangan sa#4:17 matarong atubangan sa: o labawng matarong kay sa. Dios?
May putli ba atubangan sa#4:17 putli ba atubangan sa: o labawng putli ba kay sa. iyang Magbubuhat?
18Ang Dios dili gani mosalig bisan sa iyang mga langitnong sulugoon;
makakaplag pa gani siyag sayop bisan sa iyang mga anghel.
19Busa unsaon man niya pagsalig sa binuhat nga gikan sa yuta?
Abog lamang siya nga mahimong komuton sama sa anunugba.
20Mahimong buhi pa ang tawo sa buntag
apan takulahaw lamang siyang mamatay sa dili pa ang kagabhion.
21Sakmiton ang tanan nga iyaha
ug mamatay siya nga walay kaalam.”
Currently Selected:
Job 4: RCPV
Highlight
Share
Compare
Copy
Want to have your highlights saved across all your devices? Sign up or sign in
© 1999 Philippine Bible Society
