Habacuc 1
1
1Mao kini ang mensahe nga gipadayag sa Dios kang propeta Habacuc.
Nagmulo si Habacuc batok sa Pagpanaugdaog
2O Ginoo, kanus-a pa ba nimo patalinghogi
ang pagpakitabang ko kanimo?
Mituaw ako kanimo sa pag-ingon,
“Gidaugdaog kami, apan wala mo kami luwasa!”
3Nganong kadaot ug kasamok man ang gipakita mo kanako?
Pulos pinatyanay, kagubot ug panagbingkil ang kanunay kong makita.
4Ingon ug wala nay balaod ug hustisya.
Gilupig sa mga daotan ang mga matarong
busa natuis na ang hustisya.
Ang Tubag sa Ginoo
5“Tan-awa#Buh. 13:41. ang kanasoran,
ug mahingangha gayod kamo ug mahibulong,
kay sa inyong panahon buhaton ko ang butang nga talagsaon,
ug lisod ninyong tuohan kon suginlan kamo niini.
6Aghaton#2 Hari 24:2. ko ang mga taga-Babilonia,
sila nga mga tawong bangis ug dali rang masuko,
aron lukpon nilag taak ang tibuok kalibotan,
ug ilogon nila ang ubang kayutaan.
7Bangis ug makalilisang sila,
wala silay giilang balaod gawas sa ilang kaugalingong gahom.
8“Ang ilang mga kabayo mas kusog modagan kay sa mga liyopardo,
ug bangis pa kay sa gutom nga mga lobo;
ang ilang mga sundalong nagkabayo walay gikahadlokan.
Gikan sa layong dapit ang ilang mga kabalyero
nga daw agila nga mosakdap sa dagitonon.
9“Moanhi sila aron sa pagpamatay
ug gikalisangan sila sa tanan.#1:9 Moanhi…tanan: Sa Hebreo dili klaro.
Ang ilang mga dinakpan sama kadaghan sa balas.
10Bisan ang mga hari ila lamang yam-iran
ug himoon nilang kataw-anan ang mga kadagkoan.
Kataw-an lamang nila ang mga kota
kay magtumpi man silag yuta ug unya ilogon nila kini.
11Unya mopadayon sila sa ilang panaw daw bagyo,
sila mga tawong makasasala nga nag-isip sa ilang kusog nga ilang dios.”
Nagmulo na Usab si Habacuc
12O Ginoo, Balaan kong Dios,
dili ba ikaw diha nang daan sa pagsugod sa kapanahonan,
ug wala kay kataposan?#1:12 wala kay kataposan: Sa Hebreo, Dili kami mamatay.
O Ginoo nga akong Tigpanalipod,
ang mga taga-Babilonia gipili mo silbing silot ug kastigo kanamo.
13Tungod sa imong kaputli,
dili ka motan-aw sa daotan ug sa sayop.
Apan nganong gipasagdan mo man ang mga tawong malimbongon,
ug nagpakahilom ka man lang samtang gilamoy sa tawong daotan ang tawong matarong?
14Ang katawhan gihimo mong sama sa mga isda sa dagat,
ug sama sa mga mokamang nga mananap nga walay pangulo.
15Unya sama sa isda, paslon ug pukoton sila sa mga taga-Babilonia.
Inigkakuha nilag daghan, magmaya sila.
16Maghalad pa gani sila ngadto sa ilang pukot,
kay nadato ug nakakaon man silag lamiang pagkaon pinaagi niini.
17Magpadayon na ba lang sila pagpamukot ug pagpamatay sa katawhan sa walay kukaluoy?
Currently Selected:
Habacuc 1: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society