Esdras 4

Gisanta ang Trabaho

1Sa dihang nakabalita ang mga kaaway sa Juda ug sa Benjamin nga nahiuli na ang mga binihag ug nagtukod sila ug Templo alang sa Ginoo, ang Dios sa Israel, 2miadto#2 Hari 17:24-41. sila kang Zerubabel ug sa pangulo sa mga banay sa ilang katigulangan. Miingon sila, “Patabanga kami ninyo sa pagtukod kay sama kaninyo nagsimba usab kami sa Dios ug naghalad ngadto kaniya sukad pa sa panahon ni Esarhadon nga hari sa Asiria nga maoy nagdala kanamo dinhi.”

3Apan giingnan sila ni Zerubabel, ni Jesua ug sa ubang pangulo sa mga banay sa Israel, “Wala kamoy labot sa among pagtukod ug templo alang sa among Dios. Kami lamay magtukod niini alang sa Ginoo, ang Dios sa Israel, sumala sa gisugo kanamo ni Ciro nga hari sa Persia.”

4Unya ang taga-Juda gibugnaw ug gihadlok sa mga nagpuyo sa maong yuta 5ug nagsuhol silag mga tawo alang sa maong katuyoan aron mapakyas ang ilang tuyo sa panahon ni Ciro nga hari sa Persia bisan pa gani hangtod sa paghari ni Dario#4:5 DARIO: Ang saysay niining hitaboa gipadayon diha sa bersikulo 24. Ang gisaysay diha sa bersikulo 6-24 nahitabo human milabay ang hapit usa ka gatos ka tuig. sa maong nasod.

6Ug#Est. 1:1. sa pagsugod ug hari ni Ahasuero,#4:6 Ahasuero: Sa Grego, Xerxes. nagsulat silag usa ka sumbong batok sa mga nagpuyo sa Juda ug sa Jerusalem.

7Ug sa panahon ni Artaxerxes nga hari sa Persia,#4:7 ARTAXERXES NGA HARI SA PERSIA: naghari gikan sa 465 ngadto sa 424 B.C. nagsulat si Bislam,#4:7 si Bislam: o uban ang maayong tinguha, usa ka pulong nga naghulagway sa matang sa sulat nga gihimo. si Mitridates, si Tabeel ug mga kauban ngadto kang Artaxerxes ug gihimo ang maong sulat sa pinulongan nga Aramaico#4:7 ARAMAICO: Gikan sa 4:8 ngadto sa 6:18 niining basahona dili pinulongang Hebreo ang gigamit sa pagsulat kondili Aramaico, ang opisyal nga pinulongan sa emperyo sa Persia. ug gihubad kini.

8Si Rehum, ang gobernador ug si Simsai, ang sekretaryo, nagsulat kang Artaxerxes niining mosunod bahin sa Jerusalem:

9“Gikan ni Rehum nga gobernador, ni Simsai nga sekretaryo, sa ilang mga kauban, sa mga maghuhukom ug sa ubang mga opisyal nga mga taga-Erec, taga-Babilonia, taga-Susa sa yuta sa Elam 10ug sa ubang mga nagpuyo sa nasod nga gihinginlan sa gamhanan ug harianong Asurbanipal#4:10 ASURBANIPAL: naghari sa 668-630 B.C. ngadto sa mga siyudad sa Samaria ug sa ubang lalawigan tabok sa Eufrates.”

11Mao kini ang sulat nga ilang gipadala:

“Alang kang Hari Artaxerxes: Ang imong mga alagad, ang katawhan nga nagpuyo sa lalawigan sa kasadpang bahin sa Eufrates,#4:11 LALAWIGAN…SA EUFRATES: Ubos sa pagmando sa Persia, ang yuta sa Juda nahimong bahin niining dako nga lalawigan sa Persia sa kasadpan sa Suba sa Eufrates. nangomusta kanimo.

12“Angay mahibaloan sa hari nga ang mga Judio nga gikan kanimo ug miari kanamo atua na sa Jerusalem. Gitukod nila pag-usab kanang masupilon ug daotan nga siyudad. Hapit na nila mahuman ang mga kota ug ang pag-ayo sa mga pundasyon. 13Karon angay mahibaloan sa hari nga inigkahuman pagtukod pag-usab sa siyudad ingon man sa mga kota niini, dili na sila mobayad ug buhis, alkabala o bayranan alang sa dalan ug mokunhod gayod ang makita nga salapi sa gingharian. 14Tungod kay utangan man kamig buot kanimo, dili kami makaako nga magsud-ong nga maulawan ang hari, busa gisulatan ka namo aron ka mahibalo niini 15ug aron himoon ang usa ka pakisusi sa libro sa mga talaan sa imong katigulangan. Makita mo diha sa libro nga masupilon kining siyudara, naghimog kadaot sa mga hari ug sa mga lalawigan ug nabatasan na nila ang pagsukol sukad pa gayod kaniadto maoy hinungdan nga nagun-ob kining siyudara. 16Gipahibalo ka namong daan nga kon matukod pag-usab kining maong siyudad ingon man ang mga kota niini, ang lalawigan tabok sa Suba sa Eufrates mawala gayod kanimo sa hingpit.”

17Nagpadala ang hari niining maong tubag:

“Alang kang Rehum, ang gobernador, ug kang Simsai, ang sekretaryo ug sa ilang mga kauban nga nagpuyo sa Samaria ug sa ubang bahin sa lalawigan tabok sa kasadpang bahin sa Suba sa Eufrates, komusta.

18Ang sulat nga inyong gipadala ngari kanamo gibasa ug klaro ngari kanako. 19Ug nagsugo ako nga himoon ang usa ka pakisusi ug nasayran ko nga nabatasan niining siyudara ang pagsukol sa mga hari sukad pa kaniadto. 20Nasayran ko usab nga ang Jerusalem ingon man ang tibuok lalawigan sa kasadpang bahin sa Suba sa Eufrates gimandoan sa gamhanang mga hari ug nagdawat silag buhis, alkabala ug bayad alang sa dalan. 21Busa paghimog usa ka sugo aron mohunong kining mga tawhana ug kinahanglan nga dili tukoron pag-usab kining siyudara hangtod nga adunay sugo gikan kanako. 22Ug pagbantay kamo nga dili kamo magluyaluya bahin niining butanga. Nganong palamboon man ang mga butang nga makadaot sa hari?”

23Unya sa diha nga ang kopya sa sulat ni Hari Artaxerxes gibasa sa atubangan ni Rehum ug ni Simsai, ang sekretaryo, ug sa ilang mga kauban, midali sila pag-adto sa mga Judio didto sa Jerusalem ug gipugos nila ang mga Judio sa pagpahunong sa pagtukod pag-usab sa Jerusalem ingon man sa mga kota niini. 24Unya#Hag. 1:1; Zac. 1:1. nahunong ang pagbuhat sa Templo sa Dios nga didto sa Jerusalem hangtod sa ikaduhang tuig ni Dario nga hari sa Persia.

Currently Selected:

Esdras 4: RCPV

Highlight

Compare

Copy