Daniel 7
7
GISAYSAY NI DANIEL ANG IYANG PANAN-AWON
(7:1–12:13)
Ang Panan-awon ni Daniel mahitungod sa Upat ka Mananap
1Sa unang tuig sa paghari ni Belsazar sa Babilonia, nagdamgo si Daniel. Gisulat niya ang iyang damgo ug mao kini ang iyang asoy: 2Nakita ko sa akong damgo niadtong gabhiona nga ang dagat gikusokuso sa upat ka hangin. 3Nakita#Gipa. 13:1; 17:8. ko usab nga gikan sa dagat may mitungha nga upat ka dagkong mananap. 4Ang#Gipa. 13:2. una morag liyon ug kini may pako sa agila. Unya nakita ko nga nalangkat ang iyang mga pako ug naalsa siya ug gipatindog daw tawo ug gihatagan kinig pangisip nga sama sa tawo.
5Ang ikaduhang mananap samag hitsura sa oso. Mitindog kini pinaagi sa mga tiil sa luyo; ug nagtangag kinig tulo ka gusok ug giingnan, “Tindog ug kaog daghang karne!”
6Unya nakita ko ang daw usa ka liyopardo nga may upat ka pako ug upat ka ulo ug gihatagan kinig awtoridad sa paghari.
7Tapos#Gipa. 12:3; 13:1. niini nakita ko ang ikaupat nga mananap: bangis ug makalilisang ug kusgan kaayo ug puthaw ang iyang ngipon. May giusap siya ug napinopino kini ug gitamaktamakan niya ang nahibilin. Lahi kaayo kini sa tanang mananap nga una kong nakita kay may napulo man kini ka sungay. 8Gisud-ong#Gipa. 13:5-6. ko ang mga sungay ug unya diha sa ilang taliwala miturok ang usa ka gamayng sungay ug nangaibot ang unang tulo ka sungay. Kining sungaya may mga mata nga sama sa mga mata sa tawo ug may baba nga nagsultig pulos hambog.
Ang Panan-awon mahitungod Kaniya nga Buhi Kanunay
9Ug#Gipa. 20:4; Gipa. 1:14. sa pagtan-aw nako, may mga trono nga gibutang,
ug milingkod niini siya nga walay kataposan;
ingon sa niyebe ang kaputi sa iyang bisti
ug ang iyang buhok sama sa delana nga puti kaayo,
ang iyang trono kalayo nga nagdilaab
ug may ligid kini nga kalayo usab.
10May#Gipa. 5:11; Gipa. 20:12. suba nga kalayo nga nagbaha gikan sa iyang atubangan;
libo ka libo ang nag-alagad kaniya ug nagbarog sa iyang atubangan.
Ang hukmanan andam na
ug ang mga basahon giablihan.
11Samtang nagtan-aw ako, nadungog ko gihapon ang mga panghambog nga gisulti sa sungay. Unya nakita ko nga gipatay ang mananap ug gitambog ngadto sa kalayo ang iyang lawas. 12Gikuhaan sa gahom ang ubang mananap apan gilugwayan ug mubong panahon ang ilang kinabuhi.
13May#Mat. 24:30; 26:64; Mar. 13:26; 14:62; Luc. 21:27; Gipa. 1:7, 13; 14:14. lain pa gayod akong nakita diha sa akong panan-awon.
Nakita ko uban sa mga panganod sa langit ang daw usa ka tawo.
Miduol siya kaniya nga Walay Kataposan
ug gipaila ngadto kaniya.
14Ug#Gipa. 11:15. kaniya gihatag ang gahom,
ug ang himaya ug ang gingharian,
aron mag-alagad kaniya ang tanang katawhan.
Walay pagkatapos ang iyang gahom
kay dili man malumpag ang iyang gingharian.
Gipasabot ang mga Panan-awon
15Ako, si Daniel, nahasol pag-ayo ug nakapabalaka kanako ang akong nakita. 16Giduol ko ang usa niadtong nanagbarog didto ug gipangutana ko ang usa kanila kon matuod ba kining tanan. Gisultihan ako niya ug gipasabot niya kanako ang kahulogan niining tanan. 17Miingon siya, “Kining upat ka dagkong mananap mao ang upat ka hari#7:17 hari: Sa ubang sinulat, gingharian. nga motungha sa kalibotan. 18Apan#Gipa. 22:5. ang mga pinili sa Dios maoy manag-iya sa gingharian hangtod gayod sa kahangtoran.”
19Unya nagpakisayod ako sa kamatuoran mahitungod sa ikaupat nga mananap nga lahi sa tanan nga nakita ko didto kay kini hilabihan ka makalilisang tungod sa iyang puthawng ngipon ug mga kuko nga bronsi. Giusap-usap niya ang iyang gitukob ug gitamaktamakan ang nahabilin niini. 20Buot usab ako masayod bahin sa napulo ka sungay nga diha sa ulo niini ug sa laing sungay nga mituybo usab ug nakapaibot sa tulo ka sungay niini. Kining sungaya may mga mata ug may baba nga nanghambog ug daw hawod kay sa iyang mga kauban. 21Sa#Gipa. 13:7. pagtan-aw ko, nakiggubat kini sa mga balaan ug kini mibuntog kanila. 22Unya#Gipa. 20:4. miabot siya nga Walay Kataposan ug gipakanaog niya ang hukom dapig sa#7:22 gipakanaog…dapig sa: o mihatag sa katungod sa paghukom ngadto sa. mga pinili sa Labing Halangdon. Miabot ang adlaw nga nadawat sa katawhan sa Dios ang gingharian.
23Unya miingon ang akong gipangutana:
“Ang ikaupat nga mananap
nagsimbolo sa ikaupat nga gingharian nga lahi sa tanang gingharian.
Lamyon niini ang tibuok kalibotan,
ug yatakyatakan ug dugmokon kini.
24Ang#Gipa. 17:12. kahulogan sa napulo ka sungay mao kini:
gikan niining ginghariana motungha ang napulo ka hari,
ug unya may lain pang motungha sunod kanila.
Lahi siya sa nanag-una kaniya
ug buntogon niya ang tulo ka hari.
25Mosulti#Gipa. 12:14; 13:5-6. siya batok sa Labing Halangdon
ug buntogon niya ang mga pinili sa Labing Halangdon.
Maghunahuna siya sa pag-usab sa mga panahon ug sa balaod,
ug itugyan sila kaniya sulod sa tulo ug tunga ka tuig.
26Apan sumala sa pagbuot sa hukmanan,
kuhaan kini ug gahom ug malaglag gayod kini ug mawala.
27Ug#Gipa. 20:4; Gipa. 22:5. ihatag ngadto sa mga pinili sa Labing Halangdon ang gingharian.
Ang gahom sa mga gingharian ubos sa kalangitan
mapanag-iya sa katawhang pinili sa Dios.
Walay pagkatapos ang ilang gingharian
ug alagaran sila sa tanang nasod.”
28Mao kini ang kataposan sa akong panan-awon. Nabalaka ako pag-ayo ug nangluspad apan gitipigan ko ang tanan sa akong kaugalingon.
Currently Selected:
Daniel 7: RCPV
Highlight
Share
Copy
Want to have your highlights saved across all your devices? Sign up or sign in
© 1999 Philippine Bible Society
