2 Cronicas 3
3
1Gisugdan#Gen. 22:22. ni Solomon pagtukod ang Templo sa Ginoo didto sa Jerusalem sa Bukid sa Moria diin ang Ginoo mipakita ngadto sa iyang amahan nga si David. Didto niya kini tukora sa nahimutangan sa giukanan ni Arauna, ang Jebusihanon, sumala sa giingon kaniya ni David. 2Gisugdan niya kini pagtukod sa ikaduhang bulan sa ikaupat nga tuig sa iyang paghari. 3Ang sukod sa Templo sa Dios mao kini: 27 ka metros ang gitas-on ug siyam ka metros ang gilapdon. 4Siyam ka metros ang gilapdon sa lawak dapit sa atubangan sama sa gilapdon sa Templo ug ang gihabugon niini 54 ka metros. Iya kining gihal-opan sa sulod ug lunsayng bulawan. 5Ang kinadak-ang bahin sa Templo gihaklapan niyag sidro ug gihal-opan niya kinig bulawan ug gikulitan ug mga palmera ug mga kadena. 6Gidayandayanan niya ang Templo ug mga mahalong bato. Ang bulawan nga iyang gidapat niini gikan sa Farbaim. 7Gihaklapan niya ang tibuok Templo ug bulawan—ang mga sagunting, mga bakanan, mga bungbong ug mga pultahan niini ug gikulitan niyag mga kerubin ang mga bungbong.
8Gibuhat#Exo. 26:33-34. niya ang Dapit nga Labing Balaan. Ang gitas-on niini siyam ka metros ug siyam usab ka metros ang gilapdon niini. Iya kining gihaklapan ug lunsayng bulawan nga 20 ka tonilada. 9Ang mga lansang nga bulawan may gibug-aton nga usa ngadto sa#3:9 usa ngadto sa: Sa Hebreo wala kining mga pulonga. 570 ka gramo. Gihaklapan niyag bulawan ang mga lawak sa itaas.
10Ang#Exo. 25:18-20. Dapit nga Labing Balaan gibuhatan niyag duha ka kerubin nga metal ug gisapawan niyag bulawan. 11Ang gitas-on sa mga pako sa duha ka kerubin nga gidupa gikan sa tumoy ngadto sa pikas tumoy siyam ka metros ug misangko sa pikas ug pikas nga bungbong. 12Ang kada pako sa matag kerubin tag 2.2 ka metros ug nag-abot ang duha ka pako niini diha sa tunga. 13Nagtindog ang mga kerubin nga nag-atubang sa kinadak-ang bahin sa Templo. 14Unya#Exo. 26:31. naghimo siyag tabil nga asul, pula ug dagtom-pula gikan sa pinong lino ug iya kining gibordahag hulagway sa kerubin.
Ang Duha ka Haligi nga Bronsi
(1 Hari 7:15-22)
15Sa atubangan sa Templo naghimo siyag duha ka haligi nga 15.5 ka metros ang gihabugon ug may ulohan nga 2.2 ka metros sa matag tumoy niini. 16Naghimo usab siyag mga kadena nga daw kuwintas ug iya kining gibutang sa tumoy sa mga haligi. Naghimo usab siyag 100 ka buok nga kinulit nga prutas nga granada ug iya kining gibitay sa mga kadena.#3:16 Dili klaro sa Hebreo ang tibuok bersikulo. 17Gipahimutang niya ang duha ka haligi sa atubangan sa Templo, ang usa sa habagatan ug ang usa sa amihanan. Ang didto dapit sa habagatan ginganlan niyag Jaquin#3:17 JAQUIN: Sama sa pulong sa Hebreo nga nagkahulogan ug siya (ang Dios) naglig-on. ug ang sa amihanan ginganlan niyag Boas.#3:17 BOAS: Sama sa pulong sa Hebreo nga nagkahulogan ug pinaagi sa iyang (sa Dios) kusog.
Currently Selected:
2 Cronicas 3: RCPV
Highlight
Share
Compare
Copy
Want to have your highlights saved across all your devices? Sign up or sign in
© 1999 Philippine Bible Society
