Sal 122
122
B'itz ti'j Jerusalen
1¡inchin tzalaje' qama ttzaj q'ma'n weye':
Qo'qe'ye' toj tja Qman Dyos! Qa chi.
2Jerusalen,
¡matxi' qo'okxe' kyoju' tjpela!
3Jun nintnamte' Jerusalen,
b'incha'n tu'n kyb'u'yintekyib'ju' xjal toj.
4Tojte nche ula' tnej kyyajajil ttanam Dyos
ajwalilteju' tb'i,
kse'nxju' tchaq' kye.
5Toj ta'qe'ju' kawb'il te tnik'alilti'j,
aye' kawb'il toj tja Dab'i.
6Kyqaninxe' te Dyos tu'n tkyaqil kyk'u'je':
Tenxwit nak'b'il toj Jerusalen;
che najanxwitju' nche k'u'jlanteya toj nak'b'il.
7Tenxwit nak'b'il toju' nimaqtapi;
tenxwit q'uqb'ab'l tk'u'jlalil kyoju' ja te nimaqkawb'il. Chechiku'ye'.
8Atzu'n ja'lo, naq kyu'nelju' wamiwe', ntzike' ex witz'ine', knma'ye':
Tenxwit nak'b'il toja.
9Tu'nelju' tja Qman Dyos,
k'okyeltilil wu'ne' tu'n tten nak'b'il toja, chiju' b'itzal.
Currently Selected:
Sal 122: MAMO
Highlight
Copy
Compare
Share
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
