Sal 115
115
Toj kya'j ta' Qman Dyos
1Nman Dyos,
nimsa'nktzju'ya tb'iya ex myaqo'ye';
¡nimsa'nktztib'a, tu'nju' tk'u'jlalila exju' tyola ax!
2Tu'ntzun lalun kyma ma' nimal txqantl dyos:
¿jata' Kydyose'? Chechiwt
3Toj kya'j ta'qe' Qdyos;
tkyaqilju' b'a'n toj twitz oje tb'incha.
4Aye'tzu'n kywitzleb' txqantl tnam q'anpwaq ex saqpwaqqe',
b'incha'nqe' kyu'n xjal:
5ati kytzi extzun min nb'ent kyyolin;
ati kywitz extzun min nb'ent kyka'yin;
6ati kyẍkyin extzun min nche b'in;
ati kytxa'n extzun min nb'ent kysiqun;
7ati kyq'ob' extzun min nb'ent kytzuyun;
ati kyqan extzun min nb'ent kyb'et;
¡mixti'x jun tq'ojq'ojel yol nnetz toj kytzi!
8Ikyqe'xtzun xjalju'
aye' nche kub' b'inchankye
exqe'ju' nche niman kye.
9¡Qek kyk'u'je' ti'j Qman Dyos, aj Israel!.
Qu'n ate nnoninqe ex nklonqe.
10¡E' pale, qek kyk'u'je' ti'j Qman Dyos!
Qu'n ate nnoninqe ex nklonqe.
11¡Qek kyk'u'je' ti'j Qman Dyos, aye'ye' nche nimane' te!
Qu'n ate nnoninqe ex nklonqe.
12¡Matxi' qotzaj tna'n Qman Dyos
qo kb'el tky'i'wla'n!
Che kb'el tky'i'wla'n aj Israel,
che kb'el tky'i'wla'nju' pale,
13che kb'el tky'i'wla'nju' nche niman te,
eb'o's ex nimaq.
14¡Chmet-xwitju' kyyajajile' tu'n Qman Dyos
ex kyyajajilju' kyk'wale'!
15¡Che tzajxwit ky'i'wla'ne'
tu'n Qman Dyos b'inchante kya'j ex tx'otx'!
16Tete' Qman Dyos kya'j,
ex tzaj tq'o'nju' tx'otx' kyeju' xjal.
17Aye'tzu'n oje che kyim
aye' oje cheponj toj kynajb'il kyimni, lay b'ent kyniman te Qman Dyos;
18ayo'tzunqe, kqajwali'
te ja'lo ex tejumajx.
¡Ajwalinjtzxwit Qman Dyos! Chiju' b'itzal.
Currently Selected:
Sal 115: MAMO
Highlight
Copy
Compare
Share
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999
