Mt 6
6
Xnaq'tzan Jesus tib'aju' aq'untl b'a'n
1Lalun kb'incha jun kyaq'une' b'a'n naqxwit tu'n kyok ka'yine' kyu'n xjal. Qu'n qama kb'inchaye' ikju' layx tzaj q'o'n tu'me'l t-xel kyeye' tu'n Qman Dyos.
2Qu'mtzun qama tz'onina ti'j jun xjal nojqelan toj tchwinqlal, lalun txi' tyolina, lalun tz'oka se'nqe'ju' xmletz' toju' ja te k'u'lb'il ex toj xkichb'e noqxwit tu'n kyolin xjal b'a'n kyi'j. Axxi'x kxe'l nma'n kyeye' qa matxi' tz'okte' tu'me'l t-xel kye. 3Lalun txi' tma'na' nipe' teju' tamiwa q'uqlixi'x tk'uja ti'j qama tz'onina tiju' nojqelan toj tchwinqlal; 4B'inchama toj ewaj. Ex atzun Qman Dyos, nka'yinteju' ntb'incha'na toj ewaj, ktzajil q'onte tu'me'l t-xel teya.
Xnaq'tzb'il tib'aju' na'j Dyos tu'n Jesus
(Lc 11.2-24)
5Lalun che okye' kse'nqe' xmletz' ajkyna'n Dyos majx nche kub' we' toj ja te k'u'lb'il ex ttx'u'kju' plas naqxwit tu'n kyok ka'yi'n kyu'n xjal. Axxi'x kxe'l nma'ne' kyeye' qa matxi' tz'okte' tu'me'l t-xel kye. 6Atzunta jpu'nkx tib'a toj tjaya ajtna'n Dyosa, ex yolina tuk'i'l Qman Dyos toj ewaj. Ajtzun tka'yinte Qman Dyos ntb'incha'na, ktzajel q'o'n tu'me'l t-xel teya.
7Ajtna'n Dyosa lalun tma txqan yola mixti'x tajb'en, kse'n nkyb'incha'nju' xjal min nche okslan te Qman Dyos, toj kywitz qa che ktzajel tb'i'n Dyos tu'nju' nim txqan kyol. 8Lalun che okye' se'nqeju' xjal lu, qu'n ate Qman Dyos b'i'ntlte' tu'n aju' nojqelan toj tchwinqlala, na'mxpe'toq txi' tqani'na te. 9Che na'nqe'kye' Dyos kjalu:
Qman Dyos atiya toj kya'j,
xjanxwitju' tb'iya qeye'.
10Kawina q'ib'aje'.
B'inchama tajb'ila twitzju' tx'otx',
se'nxju' toj kya'j.
11Q'ontzju'ya qwaye' nojqelan atl junjun q'ij.
12Najsankuya qile'
ikse'nqe' nkub' qnajsa'ne' kyilju'
nok kb'incha'n myab'a'n qe'ye'.
13Lalun taja tu'n qokye' toj joyb'il qi'je',
naq o'kx qo tkloma teju' taq'wixil.
14Qu'n qama kub' knajsa'ne' kyilju' nche ok b'inchante myab'a'n kyeye', kb'el najsa'nkye' kyil tu'n Qman Dyos ati toj kya'j. 15Qatzun minti' nkub' knajsa'ne' kyilju' xjal kyeye', ex layx kub' najsa'n kyile' tu'n Qman Dyos.
Xnaq'tzan Jesus tib'aju' mewayi'n
16Lalun b'isun kwitze' qa nche mewayine', se'n nkb'incha'nju' xmletz' naqxwit tu'n kyok ka'yin kyu'n xjal qa nche mewayin. Axxi'x kxe'l nma'ne' kyeye' qa matxi' tz'okte' tu'me'l t-xel kye. 17Atzunta qa mamewayina txjomil twitza ex xeb'anx twi'ya, 18tu'ntzun lalun tz'el kynik' xjal teya qa nmewayina. O'kx Qman Dyos ati tuk'i'la kka'yilteya, ex ate kq'olte tu'me'l t-xel teya.
Aju' q'inumal toj kya'j
(Lc 12.33-34)
19Lalun kub' kychmo'n txqan kq'inumale' twitz tx'otx', ja nb'aja' tu'n pok', janb'o'lja' ex janche b'jo'kxa' eleq' elq'alte. 20Xi' kychmoma'ye' kq'inumale' toj kya'j, jamin pok'ina'; min kub' b'o'lj ex min nxi' q'i'n tu'n eleq'. 21Qu'n ja taju' kq'inumale' atzuntzu' ktenb'ila' kyanmiye'.
Aju' spik'un te qxmilal
(Lc 11.34-36)
22Aye' tb'aq' qwitz, aye'tzun spik'umalju' te qxmilal, qa b'a'nju' tb'aq' twitza, ktenb'il spik'un te tkyaqil t-xmilala; 23qatzun myab'a'n qe'ju' tb'aq' twitza, toj qxopin ktenb'ila' t-xmilala. Qa aju' spik'un ati tuk'ila matz'ok te qxopin, ¡majx q'eqxi'xju' qlolj kb'entel!
Aju' Dyos exju' q'inumal
(Lc 16.13)
24Mix-a'lox jun b'a'n tu'n tajb'en te kab'e' tajaw, qu'n tk'ujla' jun, atzunju' juntl ktzajel toj twitz ti'j, mujqa noq te jun k'okyela' b'a'n, atzun juntel k'elel tik'u'n. Qu'mtzun layx b'ent kyajb'ene' te Dyos ex te q'inumal.
Inxq'uqinte Dyos kyi'ju' tk'wal
(Lc 12.22-31)
25Qu'mtzun kxe'l nma'n kyeye' kjalu: Lalun b'ajx kyk'u'je' ti'ju' kxe'l kwane' mujqa ti'ju' kxe'l kk'wane' tu'n kyanq'ine'; expe' ti'ju' kyi'je' tu'n tok kyq'o'ne'. ¿Nimxi'xtzun toklenju' wab'j kyetwitzju' kychwinqlale' exju' kxb'alune' kyetwitzju' kxmilale'? 26Kka'yinxpe'ye' pich' nche lipan twitz kya'j, minti' nche awan, min nche b'uyin twitz awal ex minti' nche k'ujayin kwa; aku'te Qman Dyos toj kya'j nk'a'chankye. ¡Nimxi'xnakye' kyoklen kyekwitzju' pich'! 27¿Se'nxi'x tten tu'n tnimset qchwinqlal, nipe' jun kmuj? maskyepelo inxi'x ex toj qk'u'j.
28¿Titiqu'n inxi'x che ximane' ti'ju' kxb'alune'? kka'yinxpe'ye' se'n nche ch'iya' b'ech toj kojb'il: extzun min nche aq'unan ex min nche chmon. 29Mixpe'ti'x okte' Salomon jun t-xb'alun xa'wankuxi'x kse'nkye' tal b'ech lu. 30Qatzun tb'anil qe'xi'xkye' b'ech tu'n Dyos, qu'npetzun noq jun kmuj nche ten ex lwiy nche okxq'o'n toj q'aq', ¿yajtzunkye' ma laytzun tz'okkye' kyxb'alun tu'n, aye'ye' xjal mixti'x kyokslab'le'? 31Qu'mtzun lalun che ximane' ex lalun kmaye': ¿Titi' kxe'l qwane' ex kxe'l qk'wa'ne' mujqa ja tu'me'l ktzajela' qi'je' che chiwte'? 32Ex tkyaqilju' ti'xti' lu toj kk'u'ju' xjal min nche okslan te Qman Dyos, aye'tzunkye' ojtzqi'ntlu' nojqelan kyeye' tu'n Qman Dyos ati toj kya'j. 33Qu'mtzun xi' che ximanakye' tiju' tkawb'il Dyos ex tu'n kb'inchanteye' ntma'n Qman Dyos, tu'ntzun ttzaj q'o'nju' nojqelan kyeye' toj kychwinqlale'. 34Lalun che ximane' tiju' q'ij te najchi'j, qu'n atixte' anb'il tu'n kximane' ti'j. Tkyaqilxtzunte q'ij nul junjun ti'xti' chukchaq toj.
Currently Selected:
Mt 6: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999