Jer 43
43
Xiq'i'n Jeremiy Ejipt
1Tetzunj tb'aj tma'n Jeremiy tkyaqilju' toqxena Qman Dyos tu'n txitma'n kye, 2xikyma'n Asariy tk'wal Osayiy ex Joanan tk'wal Karea, kyuk'i'l txqantl ichan, te Jeremiy ikjalu: ¡Naqtak'a'nta'! Min saj toqxena'n te Qman Dyos teya tu'n ttzaj tma'na qeye' tu'n lanqo'xe' najal Ejipt. 3Ate B'aruk tk'wal Neriy xq'mante qi'je', tu'n qtzyete' kyu'n kaldey ex tu'n qkub' kyb'yo'ne' mujqa tu'n qb'ajx kyiq'i'ne' tzmajx B'ab'ilon, chechij.
4Iktzu'n, mixti'x e'kyajten Joanan, e'nejenel kye xjal te q'oj exqe' xjal, toju' tx'otx' Juda, mixti'x xikyb'i'n tchaq'b'il Qman Dyos. 5E'okpe'ten Joanan ex kykyaqilju' nejenel kye xjal te q'oj b'uyilkye jte'tl xjal ate'xtoq toj Juda ex anjtznikyi'j kyoj chukchaq tnam jab'ajxna'qe'toq slamj, ex e'kub' najan toj Juda. 6E' ichan, qya, k'wal, e'tmyal nimaqkawil ex kykyaqilju' xjal e'kyaj tq'o'n Neb'usaradan chaq'ul kye xq'uqil, tu'n kyxitka'yi'n Kyedaliy, kyuk'i'lxi' Jeremiy ex B'aruk. 7Mixti'x xikyb'i'n tchaq'b'il Qman Dyos, kykyaqil eb'ajx Ejipt ex e'pon tzmax toju' nintnam Tapnes.
8Tzaj yolin Qman Dyos te Jeremiy toj Tapnes ex tma: 9Q'inqe'ktza jte' ab'j nimaq, mqunqeku'xa kywitzku' aj Juda, toju' kuw tx'otx' plansa'n twipe'n janche okxa' xjal toj tja nimaqkawb'il toju' nintnam. 10Ex q'manxa kye: Lu xtma Qman Dyos nimtipumal: Knb'incha'ye' tu'n tulju' nmajine' Nab'ukodonosor, nimaqkawil aj B'ab'ilon, kb'el nq'o'ne' tq'uqb'il ex tja te kawb'il kyib'aju' ab'j ẍeku'x nmqu'ne' tzalu. 11Tzul ex kb'el t-xitu'n nintnam Ejipt. Che kyimelju' ati tu'n kykyim, aye'ju' ati tu'n kyex toj juntl tnam, che kxelq'i'n toj juntl tnam, aye'tzu'n ati tu'n kykyim toju' q'oj, che kyimel toju' q'oj. 12K'okyel tq'o'n kyq'aq'alju' kyja kydyos aj Ejipt ex che b'elttz'e'ysa'n kydyos, mujqa che kxe'ltiq'i'n naku'j jpu'nqe'. Kb'ajel t-ẍtilsa'n nintnam Ejipt, kse'n jun k'ik'lel ajtokten b'yolkye ky'aq kyi'ju' t-xb'alun, kxe'ltzuntz mix-a'lo'xte kmqolte. 13Che b'ajel t-xitu'n tqan tilb'ilal ate' toj Elyopolis, tojx Ejipt, ex k'okyel tq'o'n kyq'aq'al kyja kydyos aj Ejipt, chiku'ya kye, chi Dyos te Jeremiy.
Currently Selected:
Jer 43: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999