Is 2
2
Ktenb'el nak'b'il tu'n Qman Dyos kyxol tnam
1Aye' yol ja'lu tma Isayiy tk'wal Amos, ti'ju' tzaj tkyek'u'n Dyos te ti'j Juda ex Jerusalen:
2Toju' mankb'il tq'ijlalil
kjel we'ju' witz jata' tja Qman Dyos.
A witzju' nimxi'x twe' ktenb'el,
nimxi'x twe' kyekywitz tkyaqil txqantl witz.
Kykyaqil nimaqtnam che ul twitz,
3che b'ju'l txqantl tnam, ex kyma':
Kukytzaje', qo'qe' jax twi' witz jata' Qman Dyos,
toj tja Qman Dyos, Tdyos Jakob',
tu'ntzun ttzaj tye'k'un tb'eyil.
tu'ntzun tb'ent qb'et toju' tb'e, chechi.
Qu'n toj Syon ktzajela' xnaq'tzb'il,
toj Jerusalen ktzajela' tyol.
4Kxjelul Qman Dyos kyoj nimaqtnam
ex kb'el tnk'u'n q'oj kyxol txqan tnam.
Che b'ajel kyb'incha'n kyk'uẍtx'e'nb'il te toch'b'il tx'otx'
exqe' kych'ut te semu'l.
Mix-a'lo' jun tnam kjawil tiq'i'n tq'ojb'il ti'j juntl
ex lay che xnaq'tzanjtl ti'j q'oj.
5¡Qo'qe'ye' tyajajil Jakob',
qob'et toj t-spik'umal Qman Dyos!.
Tz'e'ysb'il kywitzju' pi'sqe'
6Nman Dyos, matxi' kyej ttzaqpi'nju'ya ttanama, ju' tyajajil Jakob';
nojni kyu'n jyolkyi'j xjal, tzajniqe' tjawetzq'ij,
e'ajpkab' kse'nqe' kyxol pilistey,
nb'ent tten kyol kyuk'i'l najchaq xjal.
7Nojniju' tx'otx' tu'n q'anpwaq ex saqpwaq,
ex txqan k'uwenj;
nim txqan chej ex txqan karwaj toju' tx'otx'.
8¡Ex ikxnojni kyu'n witzleb'!
Nche k'ulunju' xjal kyeju' dyos b'incha'nqe' tu'n kyq'ob',
ex tu'n twi'kyq'ob'.
9Makub' kyme'ssa'nkyib', ex matxi' che nu'tx'j.
¡Lalun kub' tnajsa'na kyil!
10Che okyexju' xjal kyoj pik,
ex tjaq'xi' tx'otx';
che ewal twitz Qman Dyos xob'ajilx,
teju' t-spik'umal tajwalil.
11Ati tu'n tel kych'ixawju' nkynima'n kyib';
ex tu'n kykub' me'sset.
O'kxte Qman Dyos ktyek'u' tajwalil toju' tq'ijlalil lu,
12toju' q'ij ajtjawti'ntib' Qman Dyos nimtipumal
kyi'j kykyaqilju' xjal nkynima'n kyib' ex pi'sqe',
ex kyi'j kykyaqilju' xjal nkyla'ji'nkyib' tu'n kykub' me'ssa'n;
13kyi'j kykyaqilju' nok kyq'o'n kyib' kse'nqe' k'ute toj Lib'ano,
nimaq kywe' ex ate'kx jawl,
mujqa k'ol toj B'asan;
14kyi'j kykyaqilju' nok kyq'o'n kyib'
te nimaq witz mo k'ok'e' witz,
15Kyi'j kykyaqilju' nok kyq'o'n kyib'
te ja nimaq kywe' mo nimaqtapi,
16kyi'j kykyaqil kyb'ark aj Tarsis
mo tb'anil b'ark.
17Majx k'elel kych'ixawju'
nkynima'n kyib' ex nkyla'ji'nkyib'.
O'kxte Qman Dyos ktye'k'u tajwalil toju' tq'ijlalil lu.
18che b'ajel t-xitu'n tkyaqilju' witzleb'.
19Ajtjawti'ntib' Qman Dyos, majx kytzajel tchiylal kyi'j xjal twitz tx'otx',
k'okyex kylmo'nkyib' kyojile jyom toj pik,
kyoj jul twitz tx'otx';
che ewal twitz Qman Dyos
tu'nju' t-spik'umal tajwalil.
20Tojtzu'n tq'ijlalil lu che elex kyxon xjal kywitzleb'
kye ich' ex kye sotz',
aye' witzleb' q'anpwaq ex saqpwaq
kub'ni kyb'incha'n tu'n kyk'ulun kye,
21k'okyixtzun kyq'o'nkyib'tz kyoj jyom t-xe pik,
kyoj jul twitz pik,
tu'n ewan twitz Qman Dyos xob'ajilx,
ajtul qoptz'aju' tajwalil,
ajtjawe' ex ajtkub' noj twitz tx'otx' tu'n xob'il.
22Lalun qetl kyk'u'je' kyi'j xjal,
¿qu'n titi' tajb'en?.
naqna' jun jiq'chanxte' tchwinqlal.
Currently Selected:
Is 2: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999