Ez CHIK'B'AB'L
CHIK'B'AB'L
Xiq'i'n Esekyel t-sanjelal Dyos tzmajx B'ab'ilon, na'mxtoq tkub'ti'j Jerusalen toju' ab'q'i junk'al b'eljnaq qaq (586) na'mxtoq tul Krist, ex ten atzu' tkub'lenxi' ti'j Jerusalen. Qu'mtzun xi' yolina' tpakb'ab'l kye aj Jerusalen ex kyeju' b'ajxnitoq q'i'nqe' B'ab'ilon. In aq'petju' u'j lu toj kyaje': Tnejel, txokb'il ex tpakb'ab'lju' t-sanjelal Dyos teju' tnam ti'ju' tz'e'ysb'il kywitz tu'n Dyos exqa kb'eltoq xitju' nintnam, kyoju' tnej jun tzmax junaq kyaje' (cap. 1-24). Tkab', inponju' tz'e'ysb'il witzb'aj tu'n Dyos kyb'aju' nimaqtnam nche yajunkye' ttanam Dyos ex eb'ajx kyslamu'n, e'tpakb'ab'l t-sanjelal Dyos tkub'lenxi' ti'j Jerusalen, kyoju' tnej junaq jwe' tzmax junaq kab'lajoj (caps. 25-32). Toxi'n, pakb'ab'l q'uqb'ab'lte kyk'u'ju' ttanam Dyos jtz'o'nqe'toq, ex tziyb'il tu'n Dyos qa che tzaqpetel jumajtl ex b'a'nxi'x tzultoq kye, ex jun tpakb'al ti'ju' tzul ti'j Kok, kyoju' tnej junaq oxlajoj tzmax junaq b'eljlajoj (caps. 33-39). Tkyaji'n, jun xim ti'ju' nintnam ex tiju' tja Dyos toju' tq'ijlalil yajxi'tl, kyoju' tnej kab'naq tzmax kab'naq wajxaq, (caps. 40-48).
Nimxi'x tokslab'l Esekyel ten, ex eltnik' tti'ju' b'aj tzaj tyek'u'n Dyos te naku'j toj witzik' ex e'ajb'en chukchaq ti'xti' tu'n te techlal tu'n kychik'eju' tpakb'ab'l. Yolinxi'x ti'ju' til yilex junjun ex tu'nju' nojqelanxi'x tu'n tch'exb'et kyanmi. Ex xitpakb'a'n q'uqlixi'x tk'u'j qa kb'enteltoq jumajtlju' tnam. Ti'jtzunju' lu kyaja' ttz'ib'a'na' jun twitzik' kyi'ju' b'aq tzqij qe'tltoq nche jaw anq'intl tu'n Qman Dyos ajt-xitq'o'n kyxew (toju' tnej junaq wuq lajoj: 37.1-14). Ex tu'n paletoq, yolin nim ti'j qa nim toklenju' xjansb'il exju' tu'n tjaw b'inchetju' tja Dyos, chab'axi'x chik'b'a'n tu'n.
Currently Selected:
Ez CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999