Ez 2
2
Ttxkonjtz Esekyel tu'n Qman Dyos
Nb'iye' jun tzaj yolin: 1intoq tma'n:
Esekyel, we'ku'ya, chin yolile' teya, chij. 2Tetzunj ttzaj yolin weye' toju' tq'ojq'ojel wi'yj, ulju' tipumal Dyos wuk'i'le' ex nkub' we'ye' b'a'nxi'x. Nb'itzuntze' tq'ojq'ojel wi'yj nyolintz weye' 3intoq tzaj tma'n weye': aya, ichan, kxe'l nchq'o'ne' kyuk'i'l aj Israel, jun tnam pi's matxi' jaw tiq'intib' wi'je'. Matxi' jawkyiq'i'nkyib' wi'je' kyuk'i'lju' ojtxi' kychman tzmax toju' q'ij ja'lo. 4Ikyqe'x kyk'walju' pi'sqe' mixjun nok toj kywi'. Kxel nchq'o'na kyxol tu'n txitma'na kye kjalu: Lu ntma'n Qman Dyos, chiku'ya. 5B'a'ntzun qama txib'i'na kyu'n mujqa min, qu'n pi'sqe' xjal lu, loq'tzun k'elelkynik' qa ati jun nsanjele' kyxol. 6Lalun xob'a kye, ichan, ex tu'nju' ktzajel kyma'n teya, b'a'nqa matna'ya qa atiya kyxol txqan ch'ix mujqa najliya kyxol txqan lakran. Lan xob'a teju' kyol ktzajel kyma'n teya ex lalun xob'a' teju' kywitz ktzajel kyek'u'n teya, maskye majx pi'sqe'. 7Q'manxteju'ya nyole' kye, qama txi' kyb'i'n mujqa min, qu'n majx pi'sqe'. 8B'inku'ya nxinma'ne' teya b'a'nxi'x, ex lalun tz'oka pi's kse'nkye. Jqonx ttziya ex wanxju'ya kxe'l nq'o'ne' teya, chij.
9Wiltzune' jun q'ob'aj tzajni wu'mele', tzyu'ntoq jun u'j tu'n tz'ib'a'n twitz tolq'i'n. 10Atzu'n q'ob'aj xipoqinte nwitze'. Tz'ib'a'n kykab'il plaj: oq'e'n, ex jiq'cha'n te k'ixk'oj tku'x toj.
Currently Selected:
Ez 2: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999