2 Ts CHIK'B'AB'L
CHIK'B'AB'L
Nakuj jaw iq'i'n kyk'u'ju' okslal aj Tesalonik tu'nju' tnejel u'j xittz'ib'a'n Pawl kye: majx e'jaw xob', qu'n kub' kyxima'n qa ch'inxtltoq tul jumajtl Jesukrist. Expe' a b'aju' kyxol (3.6-12), qa ateqe' junjun okslal ma'toq kyaj kytzaqpi'n kyaq'un tu'n tpaj ex intoq che ayon tu'n tul Qajaw Jesukrist, ex intoq che anq'in tu'n kyonb'il txqantl okslal. Atzunte Pawl xittz'ib'anju' juntl tuj tu'n tb'ajx tchik'b'a'nxi'x kye, tu'n lalun che b'ajxob' ex tu'n lalun che kub' chukj.
Yajxi'tzuntl tej tjaw tzalaj Pawl ex tej txitq'o'n chjonte te Dyos tu'nju' ma'toq che ch'iy okslal aj Tesalonik toj kyokslab'l ex intoq kyk'u'jla'n kyib' (1.1-12) okten chik'b'alte kye qa ilti'j tu'n kyok xjal toj xjel tu'n Dyos exqa aju' tulel Qajaw tkamaji'n axte', na'mxtaqtzun tpon kanun ja'lu ajtb'aj ttxa'nju' il tkyaqil twitz tx'otx' tjaq' tkawb'il jun xjal nok q'o'n tb'i tu'n Pawl xjal nimaq aj il mujqa Nimaq b'inchal il, atzun kjawil b'uyinkye txqantlju' tu'n tjaw kyiq'i'nkyib' ti'j Dyos ex ti'j Krist. Qu'mtzun b'ajx toqxeni'n Pawl kye, tu'n lalun che jawxob' ajt-xi' q'ma'n txqan ti'xti' kye, maskyepe' axte xxiq'mante kye, qa aju' tq'ijlalil Qajaw tu'n tul matxi' japun kanun (2.2).
Kyxoltzunju' nab'l b'ajkub' ttz'ib'a'n mankb'ilxi' toju' tuj (cap. 3), ex tej ma'toq txitqani'n kye tu'n kyna'n Dyos ti'j ex kyi'ju' tuk'i'l, nyolin b'a'nxi'x ex kuw ti'ju' tu'n qaq'unan tojxi'x tnik'alti'j tu'ntzun qwan, kse'nju' tu'me'l aku' xiyek'unte kye. Aja'lu tyolku', ex nelyal jun tyol nimxi'x toklen toju' u'j lu, aju' nok q'o'n qa tyol juntl, ju' intma'n kjalu: Alkyete min tajb'il tu'n taq'unan ex lalun wan (3.10), chij.
Currently Selected:
2 Ts CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999