1 Ts CHIK'B'AB'L
CHIK'B'AB'L
Atitoqte' Pawl toju' tnam Korint tej txi' q'ma'n te tu'nju' tuk'i'l Timotey titi'toq nb'aj kyi'ju' okslal e'kub' tb'uyi'n kxol aj Tesalonik, aju' nimaqtnam te Masedonya, toj ktx'otx' aj Rom. Mk'onjtzte' tpakb'ab'l Pawl kyu'nju' mya aj Juda, aye'qe'j ma'toq che okslan teju' ktxol aj Juda, ex ma'toq che okslan te Jesukrist, tu'n tpaju' ma'toq jawkyi'nkyib' aj Juda ti'j Pawl, ex tu'ntzun tpaj exa'te Pawl toju' tnam lu. Ex iltoqti'j nche tzaj tna'nju' okslal ex atoq tajb'ilju' tu'n tb'inte se'n taqe'ya'.
B'a'ntaqte' tqanil npon kanun te Pawl. Maskyepe'tzun nimtaq njaw kyi'nkyib' ti'j, nimqetaqju' okslal wa'lqetoq toj kyokslab'l ex jun yek'b'ilju' kychwinqlal kwitz txqantl okslal toju' tnej tx'otx' aju'. Intoq q'onte Pawl chjonte te Dyos ex kyeju' okslal tu'nju' ma'toq che kub' we' b'a'nxi'x toj kyokslab'l ex inxi'xtoq tzalaj tu'nju' nxi' ttz'ib'a'n, ex intoq tzaj tna'n tej atitoq kxol (1.1—3.13). Ex eb'ajx tzak'u'n tu'n Pawl tu'n kych'iy toj kyokslab'l, qu'n matxitoq kyek'unte ttzajlen qenx qa b'a'nqetoq (4.13—5.11) ex intoq che xjelun te Pawl tib'aju' ajkyjaw anq'in kyimni extzunju' ajtul jumajtl Jesus, qu'n kkyaqil inxi'xtoq che ximan tu'n tpaj ex kyajb'iltoq tu'n kb'inte se'nxixtoq. Atzunte Pawl xitma'n kye qa ikju' exqa titaq tu'n tokqe kk'u'j ti'j Jesus, ex okten q'malte knab'l tu'n kkub' we'xi'x toj kyokslab'l ex tu'n kk'u'jlante kyib'. Eb'ajtzun ttzak'u'n, b'ajx tma'n knab'l ex okten oqxenil txqan ti'xti' kye (5.12-28).
Qapelo a u'ju' lu kub' tz'ib'a'n tnejelxi'x kxolju' u'j toj Xjan ak'a'j tu'jil. Kub' tz'ib'a'n tu'n Pawl qajpelo toju' kab'naqlajoj mujqa kab'naqlajoj jun ab'q'i toj tab'q'iyil ja'lo.
Currently Selected:
1 Ts CHIK'B'AB'L: MAMO
Highlight
Share
Copy
Want to have your highlights saved across all your devices? Sign up or sign in
Biblia Mam Ostuncalco © Sociedad Bíblica de Guatemala 1999