ISAIAS 35
35
Herria Jerusalemera itzuli
1Poztu bitez basamortua
eta lur elkorra,
alai bedi eta loratu landa lehorra,#basamortua loratu 41,18-19. Libano, Karmel, Xaron 33,9+; 60,13. Jaunaren ospea 40,5; Ir 16,10.
2jantzi bedi lorez,
irrintzi eta jauzi egin beza
pozaren pozez!
Libano bezain ospetsu
egingo du Jainkoak,
Karmel mendia eta Xaron lautada#35,2 Xaron lautada: Ik. 33,9 oh.
bezain eder.
Denek ikusiko dute Jaunaren ospea,
gure Jainkoaren ederra.
3Sendotu beso ahulduak,
bizkortu belaun makalduak.#Sendotu beso ahulduak 40,29-31.
4Esan bihotz-eroriei:
«Eutsi gogor, ez beldurtu!
Horra zuen Jainkoa!
Berbera dator zuek salbatzera
eta merezia duten zigorra
etsaiei ematera».#bihotz-eroriak 7,2-4. etsaiei zigorra ematera 34,8+. Ik. 40,10.
5Orduan, itsuek
ikusi egingo dute berriro
eta gorrek entzun.#itsuek ikusi… 29,18; Mt 11,5.
6Oreinak bezala
salto egingo du herrenak,
pozaren pozez irrintzi mutuak.
Basamortuan iturriak sortuko dira,
landa lehorrean errekak,#herrenak salto Eg 3,8. Basamortuan iturriak 41,18+.
7hareatza kiskalietan aintzirak,
paraje agorretan iturburuak.
Basa txakurren bizilekuetan
belarra, kanabera eta ihia
aterako dira.
8Eta galtzada bat izango da han;
«Bide santu» deituko zaio.
Kutsaturiko inor
ez da handik igaroko,
ezta zentzugabeak#35,8 zentzugabeak: Idolo-gurtzaileei buruz esana, segur aski. ere
handik ibiliko.
Jaunak berak irekiko du bidea.#galtzada 11,16+.
9Ez da han lehoirik izango,
ez piztia gaiztorik ibiliko,
ezta bat bakarrik ere.
Bide horretatik itzuliko dira
Jaunak askatuak,#Jaunak askatuak itzuliko 27,13; 51,11; Sal 126.
10Jaunak libre eginak;
poz-oihuka etorriko dira Sionera:
amaigabeko alaitasuna
haien aurpegian!
Zoriona eta alaitasuna
izango dituzte lagun;
nahigabeak eta negarra kito!
Currently Selected:
ISAIAS 35: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso