MIKEAS 6

Jauna herriarekin auzitan

1Entzun zer esan didan Jaunak:

«Ea, hasi nire auzia,

hartu mendiak lekuko,

adi bezate muinoek zure ahotsa!»#Jauna auzitan Os 2,4+. hartu lekuko 1,2+.

2Entzun, mendiok, Jaunaren auzia,

entzun,

lurraren betiereko oinarriok;

auzitan ari baita Jauna

bere herriarekin,

salaketan Israelekin:

3«Ene herri, zer egin dizut nik zuri,

zertan izan natzaizu nekagarri?

Erantzun, mesedez!#zer egin dizut Ik. Is 5,4.

4Nik igoarazi zaitut

Egipto lurraldetik,

nik askatu esklabotzatik;

nik bidali ditut Moises,

Aaron eta Miriam

zure aurrean gidari.#Egiptotik igoarazi Dt 5,6+; 1 Sm 8,8; Jr 2,6; Am 2,10+. esklabotzatik Ir 20,2+. Moises eta Aaron bidali 1 Sm 12,6; Sal 77,21. Miriam Ir 15,20-21.

5Ene herri, gogora ezazu

zer asmo gaizto zerabilen

Moabeko errege Balakek,

eta zer erantzun zion

Beor-en seme Balaamek;

gogoratu

Xitimdik Gilgal bitartean

gertatutakoak,

horrela aitor dezazun

zu salbatzeko nik egindako guztia».#Balak eta Balaam Zen 22—24; Jos 24,9-10. Xitimdik Gilgalera Jos 3—4.

Jaunak zuzenbidea nahi, ez opariak

6Zerekin agertuko naiz

Jaunaren aurrean?

Zerekin,

Jainkoari gurtza ematerakoan?

Urteko zekorrak

ekarriko ote dizkiot

erre-oparitzat?

7Zer du Jaunak atsegin?

Ahariak milaka eskaintzea?

Olioa ibaika isurtzea?

Lehen-semea eskaini behar ote diot

neure errebeldiaren ordain?

Sabeleko fruitua,

neure bekatuaren

barkamena eskatzeko?#Lehen-semea eskaini Lb 18,21; 20,2-5; 2 Erg 16,3; 21,6.

8Gizaki hori,

irakatsi zaizu zer den ona,

zer nahi duen Jaunak zuregandik.

Hauxe: zuzenbidez jokatzea,

on izaten saiatzea,

eta zure Jainkoarekin

apaltasunez bizitzea.#zer nahi du Jaunak Dt 10,12; Is 1,17; Os 6,6; Am 5,24+; Sal 40,7-9; 51,18-19. zuzenbidez jokatu Am 5,24+. on izan Os 2,21; 4,1; Za 7,9; Mt 23,23.

Jaunak Jerusalemgo zuzengabekeriak zigortu

9Deika ari zaio Jauna hiriari

—zentzuzkoa da

hari begirune izatea—:

«Israelgo leinu eta herriko batzar,

entzun#6,9 Tx.eko hebreerazko testua iluna da. zentzuzkoa… izatea: Grekozko itzulpenaren arabera, hebreerazkoa ulertezina baita.!

10Jasan behar ote ditut

gaiztoaren etxea eta ondasunak,

okerbidez eta sasineurri

madarikatuz sortuak?

11Ontzat eman ote dezaket

okerreko pisuak

eta neurri faltsuak erabiltzea?#neurri faltsuak Am 8,5+.

12Hiri honetako aberatsek

gogorkeriara jotzen dute;

hemengo bizilagunak

gezurra dariela mintzo dira,

maltzurkeria besterik ez dute ahoan.#gogorkeria 2,1-2; Ez 22,29; Am 3,9+; Sal 73,6; Lk 3,14.

13Horregatik,

nik ere zigorrez jotzen zaitut,

zure bekatuengatik hondatu egiten.

14Jan, bai, jango duzu, baina ase ez;

goseak#6,14 goseak: Hebreerazko hitzaren esanahia ez da segurua. erreko zaitu.

Zerbait gorde nahiz ibiliko zara,

baina ezin;

eta zerbait gordeko bazenu ere,

ezpataz suntsituko nuke.#ase gabe jan Os 4,10.

15Erein, bai, ereingo duzu,

baina uztarik bildu ez;

oliba-alea zapaldu, bai,

baina zeure burua gantzutu ez;

mahatsa zapaldu, bai,

baina ardorik edan ez.#uztarik ez Am 5,11+.

16Omri erregearen aginduak

eta Akaben#6,16 Omri: Ik. 1 Erg 16,23-28. Akab: Omriren semea, herriari idolatriara eragiten nabarmendu zena (ik. 1 Erg 16,29-34). familiaren ohiturak

gordetzen dituzu:

haien esanetara zabiltza.

Horregatik,

zuen hiria hondatua utziko dut

eta bizilagunak lotsa gorrian.

Nire herriaren lotsaizuna

jasan beharko duzue».

Currently Selected:

MIKEAS 6: EAB

Highlight

Copy

Compare

Want to have your highlights saved across all your devices? Sign up or sign in

Learn More About Elizen Arteko Biblia (Biblia en Euskara, Traducción Interconfesional)