YouVersion Logo
Search Icon

LUKAS 8

8
Mezuarekiko jarrerak (8,1-21)
Jesusekin zihoan taldea
1Honen ondoren, herriz herri eta auzorik auzo ibili zen Jesus, Jainkoaren erregetzaren berri ona hots eginez. Berekin zituen Hamabiak,#Jainkoaren erregetza 4,43+. hots egin 3,3+. 2baita espiritu gaiztoetatik eta gaitzetatik sendatuak zituen zenbait emakume ere#8,2 zenbait emakume ere: Lukas da ebanjelarien artean emakumeekiko Jesusen harremanei arreta handiena ematen diena (ik. 1—2; 8,1-3; 10,38-42; 11,27-28; 21,23; 23,27-31.49.55-56; 24,1-10).: Magdalako Maria —honengandik zazpi deabru bota zituen—, 3Joana —Herodesen etxezain Kusaren emaztea—, Susana eta beste asko. Guztiok beren ondasunez laguntzen zieten Jesusi eta honen ikasleei#8,3 Jesusi eta honen ikasleei: Eskuizkribu askok Jesusi diote..
Ereilearen parabola
(Mt 13,1-9; Mk 4,1-9)
4Herri guztietatik etorritako jendetza handia bildu zitzaion batean, parabola hau esan zien Jesusek:#jendetza Jesusengana bildu 6,17+. 5«Atera zen behin ereilea hazia ereitera. Ereitean, zenbait ale bide-bazterrean erori zen; zapaldu egin zuten eta txoriek jan. 6Beste zenbait harri gainean erori zen, eta ernetzean ihartu egin zen, hezetasunik ez zuelako. 7Beste zenbait ale sasi artean erori zen, eta sasiek, harekin batera ernerik, ito egin zuten. 8Besteak lur gozoan erori ziren; erne eta bateko ehun eman zuten fruitu».
Hau esanik, honela egin zuen oihu: «Ulertzeko gauza denak uler beza».#Ulertzeko gauza denak Mt 11,15+.
Zergatik parabola hau?
(Mt 13,10-17; Mk 4,10-12)
9Orduan, parabola horrek zer esan nahi zuen galdetu zioten ikasleek Jesusi. 10Honek esan zien: «Zuei eman zaizue Jainkoaren erregetzaren misterioak ezagutzea; gainerakoei, ordea, parabola bidez hitz egiten diet. Horrela, ikusten dute, bai, baina ohartzen ez; entzuten dute, bai, baina ulertzen ez.#erregetzaren misterioak Mt 13,11+. ikusten dute… Is 6,9-10 (Jn 12,40; Eg 28,26-27).
Ereilearen parabolaren azalpena
(Mt 13,18-23; Mk 4,13-20)
11«Hona hemen, bada, parabolaren esanahia: Hazia Jainkoaren mezua da. 12Bide-bazterreko hazia bezalakoak, hauek dira: mezua entzuten dutenak, baina deabrua etortzen zaie eta beren bihotzetik mezua kendu egiten die, sinetsi eta salba ez daitezen. 13Harri gaineko hazia bezalakoak, hauek dira: mezua entzutean, pozik onartzen dutenak; baina, sustrairik gabeak izanik, denboraldi batean sinesten dute, baina tentaldi-garaian huts egiten. 14Sasi arteko hazia bezalakoak, berriz, hauek: mezua entzuten dutenak, baina bizitzako ardura, diru eta atsegin artean itota gelditzen dira eta fruitu ematera iristen ez.#ardura, dirua Mt 13,22+. 15Lur oneko hazia bezalakoak, hauek dira: mezua bihotz on eta zabalez entzunik, barruan gorde eta iraupenez fruitu ematen dutenak.#iraupena 21,18; Erm 2,7; 5,3-4; 15,4-5; 2 Ko 6,4; 12,12; Kol 1,11.
Mezua entzun eta onartu beharra
(Mt 5,15; Mk 4,21-25)
16«Inork ez du kriseilua piztu eta ontzipean gordetzen edo ohepean ipintzen, baizik eta argimutilaren gainean ipintzen du, sartzen direnek argia ikus dezaten.#kriseilua 11,33; Mt 5,15. 17Izan ere, ez dago ezer gordeta agertuko ez denik, ezta ezkutuan ere jakingo eta argitaratuko ez denik.#ez dago ezer gordeta 12,2; Mt 10,26. 18Kontu izan, bada, nola entzuten duzuen; izan ere, duenari eman egingo zaio; ez duenari, ordea, eduki uste duena ere kendu egingo zaio».#duenari eman Mt 13,12+.
Jesusen egiazko familia
(Mt 12,46-50; Mk 3,31-35)
19Joan zitzaizkion Jesusi bere ama eta anai-arrebak#8,19 anai-arrebak: Ik. Mt 12,46 oh., baina jendearen jendez ezin iritsi ziren berarenganaino.#ama eta anai-arrebak Mt 12,46+. 20Eta jakinarazi zioten:
—Ama eta anai-arrebak dituzu kanpoan, zu ikusi nahian.
21Jesusek, berriz, erantzun zien:
—Hauek ditut nik ama eta anai-arreba: Jainkoaren hitza entzun eta betetzen dutenak.#Jainkoaren hitza 5,1+.
Ikasleen aurrean ezaugarriak eta Hamabien bidalketa (8,22—9,17)
Jesusek ekaitza baretu
(Mt 8,23-27; Mk 4,35-41)
22Egun batez, Jesus ontzi batera igo zen bere ikasleekin eta esan zien: «Goazen aintziraz beste aldera». Eta ontziz atera ziren.
23Zihoazela, loak hartu zuen Jesus. Aintziran haize-bolada sortu zelarik, ontzia urez betetzen ari zitzaien eta arriskuan zeuden. 24Ikasleek, Jesusengana hurbildurik, esnarazi egin zuten, esanez:
—Maisu, Maisu! Galzorian gaude!
Hark, esnaturik, haserre egin zien haizeari eta olatuei; hauek oneratu eta dena bare gelditu zen. 25Orduan, esan zien ikasleei:
—Non da zuen sinesmena?
Haiek, beldurrez eta harriturik, elkarri ziotsaten: «Nor ote dugu hau, haizeari eta urari ere agindu eta esana egiten baitiote?»#Nor dugu hau 7,49; Mk 1,27+.
Jesusek Gerasako deabruduna sendatu
(Mt 8,28-34; Mk 5,1-20)
26Gerasatarren#8,26 Gerasatarren: Ik. Mk 5,1 oh. Zenbait eskuizkribuk gergesearren edo gadaratarren dio. lurraldera, Galileaz beste aldeko aintzira-bazterrera, iritsi ziren. 27Jesus lehorrera jaitsi orduko, herriko gizon bat, deabruduna, atera zitzaion bidera; aspalditik jantzi gabe zebilen, eta ez zen etxean bizi, hilobietan baizik.#deabruduna 4,41+. 28Jesus ikustean, oihuka hasi eta, aurrean ahuspezturik, deiadarka esan zuen:
—Zer duzu nirekin, Jesus, Goi-goikoaren Seme horrek? Arren, ez nazazu oinazetu.#Zer duzu nirekin Mt 8,29+. Goi-goikoaren Seme 1,32+.
29Izan ere, gizon harengandik irteteko agindua baitzion Jesusek espiritu gaiztoari. Zeren sarritan hartzen baitzuen deabruak bere menpe; eta, zaintzeko girgiluz eta katez lotzen bazuten ere, lokarriak hautsi egiten zituen, eta deabruak toki bakartietara bultzatzen zuen.
30Orduan, Jesusek galdetu zion:
—Nola duk izena?
Hark erantzun:
—Taldea#8,30 Taldea: H.h., Legioa; ik. Mk 5,9 oh..
Deabru asko baitziren harengan sartuak.#Deabru asko 8,2; 11,26. 31Eta leize-zulora ez bidaltzeko#8,31 Beldur dira deabruak beren bizilekua duten lur azpiko mundura bidaliko dituen (ik. Ap 9,1; 11,7). erregutu zioten Jesusi.
32Bazebilen han txerri-talde on bat mendian uxarrean. Haietan sartzen uzteko erregutu zioten deabruek Jesusi. Honek baimena eman zien. 33Deabruak gizonarengandik atera eta txerrietan sartu ziren, eta txerri-taldea ezpondan behera aintzirara amildu zen eta ito. 34Gertatua ikustean, txerrizainek ihes egin eta herrian eta auzoetan berria zabaldu zuten. 35Orduan, zer gertatu ote zen ikustera irten zen jendea. Jesusen ondora iristean, han aurkitu zuten Jesusen oinetan eseria#8,35 Jesusen oinetan eseria: Xehetasun hau Lukasenean bakarrik azaltzen da; ik. 10,39 oh. deabruak atera zitzaizkion gizona, jantzirik eta bere onean, eta biziki izutu ziren. 36Gertatua ikusi zutenek deabruduna nola sendatua izan zen kontatu zioten jendeari. 37Orduan, Gerasa inguru hartako jende guztiak beren artetik alde egiteko eskatu zion Jesusi, beldurrak jota baitzeuden. Jesus ontziratu eta itzuli egin zen.
38Deabruak atera zitzaizkion gizonak berarekin ibiltzen uzteko eskatu zion; baina Jesusek bidali egin zuen, esanez: 39«Itzul zaitez etxera, eta konta ezazu Jainkoak egin dizun guztia».
Eta han joan zen, Jesusek egin ziona herri guztian zabalduz.
Odoljarioa zuen emakumea eta Jairoren alaba
(Mt 9,18-26; Mk 5,21-43)
40Jesus itzuli zenean, jendeak ongietorria egin zion, denak haren zain baitzeuden. 41Hartan, Jairo zeritzan gizon bat etorri zitzaion, sinagogako buruzagia. Eta Jesusen oinetan ahuspezturik, arren eta arren bere etxera etortzeko eskatzen zion, 42bere alaba bakarra, hamabiren bat urtekoa, hilzorian zeukala eta.
Bidean, jendeak ito beharrean estutzen zuen. 43Bazen han emakume bat, hamabi urte hartan odoljarioz zegoena. Bere diru guztiak medikutan gastatuak zituen#8,43 Bere diru guztiak medikutan gastatuak zituen: Hitz hauek ez dira azaltzen zenbait eskuizkribu zaharretan., baina ezin izan zuen inork sendatu. 44Atzetik hurbildu eta soineko-ertza#8,44 soineko-ertza: Ik. Mt 9,20 oh. ukitu zion Jesusi; eta bat-batean odoljarioa gelditu egin zitzaion.#soineko-ertza ukitu Mk 5,28+. 45Jesusek galdetu zuen:
—Nork ukitu nau?
Denek ezetz ziotela, Pedrok#8,45 Pedrok: Eskuizkribu askok eta harekin zeudenek eransten dute. esan zion:
—Maisu, ez zaitu, bada, jende guztiak lehertu beharrean estutzen?
46Baina Jesusek esan zuen:
—Norbaitek ukitu nau, niregandik indar bat atera dela sumatu baitut.#sendatzeko indarra 5,17+.
47Orduan, emakumeak, bere burua ezin zuela gorde ikusiz, beldurrez dar-dar Jesusen oinetara erori eta jende guztiaren aurrean agertu zuen zergatik ukitu zuen eta nola bat-batean sendatua gertatu zen. 48Jesusek esan zion: «Ene alaba, zeure sinesmenak sendatu zaitu; zoaz bakean».#sinesmenak sendatu 7,50+.
49Oraindik hizketan ari zela, sinagogako buruzagiaren etxetik morroi bat etorri zen esatera: «Hil zaizu alaba; ez eman gehiago nekerik Maisuari». 50Baina Jesusek, hori entzunik, esan zion: «Ez izan beldurrik; zuk sinetsi, eta salbatuko da».#sendatzeko sinesmena 5,20+.
51Etxera iritsi zirenean, ez zion inori ere utzi berarekin sartzen, Pedro, Joan eta Santiagori eta neskatilaren gurasoei izan ezik.#Pedro, Joan eta Santiago 9,28; Mk 14,33. 52Denak negarrez eta aieneka ari ziren neskarengatik. Jesusek esan zien: «Ez egin negarrik; ez dago hilda, lo dago».#ez dago hilda, lo dago Jn 11,11-13.
53Haiek barre egiten zioten, bai baitzekiten hilda zegoela. 54Baina Jesusek eskutik heldu eta hots egin zion: «Neskatila, jaiki zaitez». 55Neskatilari arnasa etorri zitzaion eta bat-batean zutitu zen, eta hari jaten emateko agindu zien Jesusek. 56Gurasoak harri eta zur gelditu ziren. Jesusek gertatua inori ez esateko agindu zien.#ez esateko agindua 4,41+.

Currently Selected:

LUKAS 8: EAB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy