ISAIAS 25
25
Jaunari gorazarrea
1Jauna, zu ene Jainkoa:
goresten zaitut
eta zure izena dut ospatzen,
burutu baitituzu
zeure egitasmo miragarriak,
zeuk aspalditik leial finkatuak.#zu ene Jainkoa Sal 31,15+. goresten zaitut 12,1.4; Sal 118,28. egitasmo miragarriak 28,29. aspalditik finkatuak 22,11; 37,26.
2Hiria harri-pila bihurtu duzu,
gotorlekua hondamendi;
atzerritarren gazteluak lur jo du,
eta inork ez du berriro jasoko.
3Horregatik,
ohore ematen dizu herri ahaltsuak,
begirune dizu
jende ankerreko hiriak.
4Indargabearentzat
babesleku izan zara,
behartsuarentzat
larrialdian babesleku:
ekaitzean aterpe,
sargorian gerizpe.
Izan ere, jende ankerraren erasoa
ekaitza hormaren kontra bezala da,#behartsuaren babes 29,19-20. sargorian gerizpe 4,5-6; Ap 7,15-16.
5lurralde lehorrean sargoria bezala.
Zuk mututu duzu
atzerritarren zalaparta-hotsa;
lainoaren itzalak beroa bezala,
hala ito dituzu
jende ankerraren oihuak.
Nazioentzat otordua
6Sion mendian, Jaun ahalguztidunak
otordu oparoa emango du
nazio guztientzat,
janari gozo mamitsuz,
ardo zahar bikainez.#otordua nazio guztientzat Es 9,1-6; Mt 8,11; 22,2-10; Jn 6,51-54.
7Mendi honetan kenduko du
herri guztiak estalirik zeuzkan zapia,
nazio guztiak bilduak zeuzkan
oihala.#zapia Ik. 29,10-12; 2 Ko 3,13-18.
8Behin betiko galduko du heriotza!
Jainko Jaunak
guztien begietako malkoak
xukatuko ditu,
eta mundu guztian jasaniko
lotsaizuna
bere herriarengandik baztertuko.
Hala esan du Jaunak.#Behin betiko galduko heriotza 26,19; Os 13,14; 1 Ko 15,26.54. malkoak xukatuko 35,10; Sal 116,8; Ap 7,17; 21,4.
9Egun horretan, hau esango dute:
«Hona hemen gure Jainkoa!
Berarengan genuen itxaropena
eta salbatu egin gaitu.
Jauna da!
Berarengan genuen itxaropena:
poztu eta alai gaitezen,
salbatu egin baikaitu».
Jaunak Moab zigortuko
10Mendi hau bere eskuz
zainduko du Jaunak;
Moab#25,10 Moab: Ik. 24,10 oh., ordea, bertan zapalduko,
lastoa simaurtegian
zapaldu ohi den bezala.#Moab 15,1+. zapaldua Mi 7,10.
11Han besoak luzatuko ditu Moabek,
igerilariak igerian bezala;
baina bere besoen ahaleginez
ez du bere harrokeria
azpiragotzea baizik lortuko.#Moaben harrokeria 16,6; Jr 48,29.
12Haren harresi sendo eta garaiak
Jaunak bota eta eraitsiko ditu,
lur jota eta hauts eginda utziko.#lurrera bota 26,5.
Currently Selected:
ISAIAS 25: EAB
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso