Jabuli 127
127
Lonyo ducu a ki bot Rwot
1Ka pe Rwot aye ma ogero ot,
jo ma gero gicanne nono.
Ka pe Rwot aye ma okuro gaŋ,
lakurpiny bedo dyewor ma waŋe twolo noŋo.
2Kadi ka wupuk con ka tic,
ma wudok paco ka yweyo wa mot,
kun wucamo kwon wuparo kwede pi tic ma wutiyo,
meno ducu noŋo, pe konyowu;
pien Rwot miyo jo ma en maro ginino.
3Nen, litino aye gin gipiny mua bot Rwot,
gin aye mot ma ginywalogi anywala,
4Litino ma dano mo onywalo ma pud en awobi,
gitye calo atero ma tye i ciŋ ŋat ma lalweny.
5Ŋat ma ajurune opoŋ ki lwak atero ma kit meno
bedo ki yomcwiny!
Pe giloye wacel
i kare ma en bilok ki lukworre ki i dog gaŋ.
Currently Selected:
Jabuli 127: Aco85
Highlight
Copy
Compare
Share
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
