Jabuli 110
110
Rwot ki kabaka ma en oyero
1 #
Mat 22.44; Mar 12.36; Luka 20.42-43; Tic 2.34-35; 1 Kor 15.25; Ep 1.20-22; Kol 3.1; Ibru 1.13; 8.1; 10.12-13 Rwot owaco bot rwoda ni,
“Bed I ŋeta yo tuŋ acuc i kabedo me deyo,
nio ka abimiyo lukworri gidoko kom, laten tyeni.”
2Rwot bicwalo odoo ker me twerri ki i Cion.
En bimiyo ibedo ka loc i dye lukworri.
3I nino ma ibilweny i kom lukworri
lwakki gibimine kengi boti.
Calo toyo ma luk odiko con,
awobeni bene gibibino boti kit
meno i wi godi maleŋ,
4 #
Ibru 5.6; 6.20; 7.17, 21 Rwot doŋ okwoŋo kwoŋ, pe dokbiloko tamme,
“In ibibedo ajwaka nakanaka i kit pa Melkijadek.”
5Rwot tye yo tuŋ Iacucci;
i nino ma kiniga omake en biloyo luker woko ducu.
6En biŋolo kop i kom jo me rok ducu dok bipoŋo bar me lewny ki kom jo muto;
en biloyo luker ducu ma i wi loboni.
7Kabaka bimato pii ki i laora kulu ma tye i ŋet yo,
meno bimiyo en ilo wiye malo.
Currently Selected:
Jabuli 110: Aco85
Highlight
Copy
Compare
Share
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
