Nwoyo Cik 34
34
To pa Moses
1Moses oa ki i lobo aroo me Moab, ocito i wi got Nebo, oito wa i wi lacol me got Piciga ma okemo Jeriko, ci Rwot onyutte lobo ducu. Onyutte lobo Gilead ducu nio kwede wa i Dan, 2ki lobo Naputali ducu, ki lobo pa jo Epraim ki Manace, ki lobo Juda ducu nio kwede wa yo tuŋ potoceŋ, 3ki Negeb kacel ki lobo bar-gu, ma en ayenota me Jeriko, ma gaŋ me yadi otit, ‘ki nio kwede wa i Joar. 4#Acak 12.7; 26.3; 28.13Rwot owaco bot Moses ni, “Man aye lobo ma yam akwoŋo pire bot Abraim ki Icaka ki Yakobo, ni abimiyone bot likwayogi. Doŋ aweki ineno lobone ki waŋi, ento pe ibikato loka ca.”
5Moses latic pa Rwot oto kit meno ki i lobo Moab, kit ma yam Rwot owaco-ni, 6ci Rwot oyike ki kunnu i nota ma i lobo Moab ma okemo Bet-peor; ento pe tye dano, mo ma oneyo kabedo ma oyike iye nio wa onyoo. 7Moses onoŋo mwaka me ditte romo miya acel ki pyeraryo ka oto. Onoŋo waŋe peya ocor, ki kome bene onoŋo pud tek. 8Jo Icrael gukoko Moses ki i lobo aroo me Moab pi nino pyeradek, ci doŋ kare me koko ki kumo pi Moses otum woko.
9Yocwawod pa Nun yam opoŋ ki cwiny me ryeko, pien onoŋo yam Moses oketo ciŋe i kome; mumiyo jo Icrael gubedo ka woro doge, kun gilubo kit ma yam Rwot ociko ki Moses. 10#Nia 33.11Lanebi mo mukene pe dok onen macalo Moses, ma yam Rwot nene kwede waŋ ki waŋ. 11Pe tye ŋat mo ma rom kwede ma obedo ka tiyo lwak lanyut ki taŋo ducu ma Rwot ocwale kwede i lobo Ejipt, ma otiyo i kom Parao ki luticce ducu ki lobone ducu. 12Pe tye lanebi mo mukene ma obedo ki twer madwoŋ ma rom ki mere pi tiyo kit tic madito ki ma kelo lworo madwoŋ kit ma yam Moses obedo ka tiyone ki i nyim jo Icrael ducu-ni.
Currently Selected:
Nwoyo Cik 34: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.
Nwoyo Cik 34
34
To pa Moses
1Moses oa ki i lobo aroo me Moab, ocito i wi got Nebo, oito wa i wi lacol me got Piciga ma okemo Jeriko, ci Rwot onyutte lobo ducu. Onyutte lobo Gilead ducu nio kwede wa i Dan, 2ki lobo Naputali ducu, ki lobo pa jo Epraim ki Manace, ki lobo Juda ducu nio kwede wa yo tuŋ potoceŋ, 3ki Negeb kacel ki lobo bar-gu, ma en ayenota me Jeriko, ma gaŋ me yadi otit, ‘ki nio kwede wa i Joar. 4#Acak 12.7; 26.3; 28.13Rwot owaco bot Moses ni, “Man aye lobo ma yam akwoŋo pire bot Abraim ki Icaka ki Yakobo, ni abimiyone bot likwayogi. Doŋ aweki ineno lobone ki waŋi, ento pe ibikato loka ca.”
5Moses latic pa Rwot oto kit meno ki i lobo Moab, kit ma yam Rwot owaco-ni, 6ci Rwot oyike ki kunnu i nota ma i lobo Moab ma okemo Bet-peor; ento pe tye dano, mo ma oneyo kabedo ma oyike iye nio wa onyoo. 7Moses onoŋo mwaka me ditte romo miya acel ki pyeraryo ka oto. Onoŋo waŋe peya ocor, ki kome bene onoŋo pud tek. 8Jo Icrael gukoko Moses ki i lobo aroo me Moab pi nino pyeradek, ci doŋ kare me koko ki kumo pi Moses otum woko.
9Yocwawod pa Nun yam opoŋ ki cwiny me ryeko, pien onoŋo yam Moses oketo ciŋe i kome; mumiyo jo Icrael gubedo ka woro doge, kun gilubo kit ma yam Rwot ociko ki Moses. 10#Nia 33.11Lanebi mo mukene pe dok onen macalo Moses, ma yam Rwot nene kwede waŋ ki waŋ. 11Pe tye ŋat mo ma rom kwede ma obedo ka tiyo lwak lanyut ki taŋo ducu ma Rwot ocwale kwede i lobo Ejipt, ma otiyo i kom Parao ki luticce ducu ki lobone ducu. 12Pe tye lanebi mo mukene ma obedo ki twer madwoŋ ma rom ki mere pi tiyo kit tic madito ki ma kelo lworo madwoŋ kit ma yam Moses obedo ka tiyone ki i nyim jo Icrael ducu-ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.