ŊAƁTA 17
17
Lawn ka kitat kay sa Israyella bugol yawta-kulota visi talamu
1Ma-Vatɗina di tam Musus: 2Daŋ tam Eliyazar goora vi Mul-ma-ɗifinna Aaron ala: Ganun ma ka jar kuta nam ma yawam goyo, cuk kut goy talam gine'e, kay nam lakŋi muɗi peldete. 3Hiɗi ganuna vi sum nisin sa fi mitta kuɗ sulukŋa visin tani, nigi ma kot kaway ma beɗayna, kay kuluɓum kay giwin-ma-ɗifinna. Kay nam maray vok Ma-Vatɗina, kay nam liy goy peldete kaw, nam lakŋi mi gi-humda tam gurona vi Israyel. 4Mul-ma-ɗifinna Eliyazar yaw ganun ma koti hiɗi wayna ma sum sa kut ŋalsi goyn maramna, nam kot kaway ma beɗayna kay kuluɓum kay giwin-ma-ɗifinna. 5Kayni mi gi-humda tam gurona vi Israyel, kay sa ma may hay jafna vi Aaronɗina ma co'o vok Ma-Vatɗina kay li ɗifini hiɗi urdinɗi, kay a nam ma li ki Kore hiɗi sum sa kuɗumna naɗi, kuɗ va ma Ma-Vatɗina dum tam Musus.
6Hay buurta ka'ta de kayni, gurona vi Israyel tun caw ŋurnay kat Musus hiɗi Aaron, nisi di'e: Ci sumuna vi Lawn goy kayn si nigiya. 7Hay li ma sumun ka gar kay li joo mi Musus hiɗi Aaron, nisi ɗuw hay galla vi guɗuk ma fi-tuwn na kayni, ɗugulla ka ŋuyi tam guɗukŋa, gajijita vi Ma-Vatɗina ɗek tuwa'a goyo. 8Musus hiɗi Aaron co vok guɗuk ma fi-tuwna. 9Ma-Vatɗina di tam Musus ala: 10Vigi tuwgi goy jar sum nisin lakŋi nan min ŋalsi goy wulini wulini. Nisi dab voksi gaa'a; 11Musus di tam Aaron: Slaŋ ganuna, yawaŋ kut ta kulo kay giwin-ma-ɗifinna cukum kalamu, ɦokaŋ urdi kalamu, tuɗaŋ kat sumun gosoyo, naŋ ma li poor kisiya, kay Ma-Vatɗin muɗawa ɦiy dono ŋolo, bakmaran tun cawawa. 12Aaron sli ganuna, ki Musus dum nala, nam kalay tam sumun kayn jaŋi, nam ɗuw kayni bakmaran coy jarsi vatiya. Nam li ɗifin hiɗi urdina, li poor kisiya. 13Nam col jar sa mitina hiɗi sa irina, nala bakmaran vat goyo. 14Bakmara namna ci sumun birim doogo yam fiɗi hiɗi kis-siɗiya, sa mit kuɗ Koren say hayɗi. 15hay li ma bakmaran vatawa, Aaron hot kat Musus, kalaf hay guɗuk ma fi-tuwna.
Zugulda vi Aaron
16Ma-Vatɗina di tam Musus ala: 17Naŋ ma law tam gurona vi Israyel, naŋ ma yaw zugulayn hay ɓisiya: Zugul kep kuɗ jafna jafna; kayn di ala zugul doogo yam ma' hay ɓam sa ŋulona kuɗ jafna vi Israyel kafe. Naŋ ma ɗo sem gigekaw kay zugulda valamu valamu, 18naŋ ma ɗo sem Aaron kay zugulda vi jafna vi Levi kay kuɗ sa ma ŋolla hay jaf kep kayni, zugul kalam kep kep lay. 19Naŋ ma lakam kalaf hay guɗuk ma fi-tuwna, vok di-goyta, liyn ma nan ka ŋaf hiɗi nigina. 20Sa ma zugulda valam goɗawana kayni mi sa ma nan min vilekemna, nala ŋurnay ma gurona vi Israyel ka ŋurnay katgina nan min vatam goyo.
21Musus law tam gurona vi Israyel: Sa ŋulona kuɗ jafna maram zugul kep kep, kuɗ jafna vi sumaysi kaf, tap noŋ pet zugulay doogo yam ma'. Zugulda vi Aaron ay jar fisina. 22Musus lak zugulayn gaa vok Ma-Vatɗina, hay guɗuk ma di-goyta hayamna. 23Hay buurta ka'ta, hay li ma Musus kal kalaf hay guɗuk ma di-goyn kayni, nam ɗuw kayni, zugul ta kepta ka goɗiya, na' ti zugulda vi Aaron ma hay jafna vi Levina, guro-guron ka dayay ta'a, huma' ka ɓoya kaw, vuɗ amandena ka huma'a. 24Zugulay namna Musus yawamay goy vok ir Ma-Vatɗin kafe, nam maram tisiya kay nisi ma wumu, a gigekaw ma sli zugulda valamu valamu.
25Ma-Vatɗina di tam Musus: Hotaŋ zugulda vi Aaron hay liyn ma di-goyta, kay ŋoma'a, kay li ɗekka tam gurona vi ŋel-gatta, kay nisi ma hin ŋurnayna, a nisi ma mitɗi kaw. 26Musus li ki kayn nala, nam tap kuɗ dita ta Ma-Vatɗin dumtita.
27Gurona vi Israyel di tam Musus. Ɗuwaŋ tige, sukma ka kal goyo, numa ka vata, numa ka vat kaf. 28La sa tuɗ kulo goboy tam tabernaklena vi Ma-Vatɗina, nam mit de. Nala numa ma mit goy kaf su?
Currently Selected:
ŊAƁTA 17: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
ŊAƁTA 17
17
Lawn ka kitat kay sa Israyella bugol yawta-kulota visi talamu
1Ma-Vatɗina di tam Musus: 2Daŋ tam Eliyazar goora vi Mul-ma-ɗifinna Aaron ala: Ganun ma ka jar kuta nam ma yawam goyo, cuk kut goy talam gine'e, kay nam lakŋi muɗi peldete. 3Hiɗi ganuna vi sum nisin sa fi mitta kuɗ sulukŋa visin tani, nigi ma kot kaway ma beɗayna, kay kuluɓum kay giwin-ma-ɗifinna. Kay nam maray vok Ma-Vatɗina, kay nam liy goy peldete kaw, nam lakŋi mi gi-humda tam gurona vi Israyel. 4Mul-ma-ɗifinna Eliyazar yaw ganun ma koti hiɗi wayna ma sum sa kut ŋalsi goyn maramna, nam kot kaway ma beɗayna kay kuluɓum kay giwin-ma-ɗifinna. 5Kayni mi gi-humda tam gurona vi Israyel, kay sa ma may hay jafna vi Aaronɗina ma co'o vok Ma-Vatɗina kay li ɗifini hiɗi urdinɗi, kay a nam ma li ki Kore hiɗi sum sa kuɗumna naɗi, kuɗ va ma Ma-Vatɗina dum tam Musus.
6Hay buurta ka'ta de kayni, gurona vi Israyel tun caw ŋurnay kat Musus hiɗi Aaron, nisi di'e: Ci sumuna vi Lawn goy kayn si nigiya. 7Hay li ma sumun ka gar kay li joo mi Musus hiɗi Aaron, nisi ɗuw hay galla vi guɗuk ma fi-tuwn na kayni, ɗugulla ka ŋuyi tam guɗukŋa, gajijita vi Ma-Vatɗina ɗek tuwa'a goyo. 8Musus hiɗi Aaron co vok guɗuk ma fi-tuwna. 9Ma-Vatɗina di tam Musus ala: 10Vigi tuwgi goy jar sum nisin lakŋi nan min ŋalsi goy wulini wulini. Nisi dab voksi gaa'a; 11Musus di tam Aaron: Slaŋ ganuna, yawaŋ kut ta kulo kay giwin-ma-ɗifinna cukum kalamu, ɦokaŋ urdi kalamu, tuɗaŋ kat sumun gosoyo, naŋ ma li poor kisiya, kay Ma-Vatɗin muɗawa ɦiy dono ŋolo, bakmaran tun cawawa. 12Aaron sli ganuna, ki Musus dum nala, nam kalay tam sumun kayn jaŋi, nam ɗuw kayni bakmaran coy jarsi vatiya. Nam li ɗifin hiɗi urdina, li poor kisiya. 13Nam col jar sa mitina hiɗi sa irina, nala bakmaran vat goyo. 14Bakmara namna ci sumun birim doogo yam fiɗi hiɗi kis-siɗiya, sa mit kuɗ Koren say hayɗi. 15hay li ma bakmaran vatawa, Aaron hot kat Musus, kalaf hay guɗuk ma fi-tuwna.
Zugulda vi Aaron
16Ma-Vatɗina di tam Musus ala: 17Naŋ ma law tam gurona vi Israyel, naŋ ma yaw zugulayn hay ɓisiya: Zugul kep kuɗ jafna jafna; kayn di ala zugul doogo yam ma' hay ɓam sa ŋulona kuɗ jafna vi Israyel kafe. Naŋ ma ɗo sem gigekaw kay zugulda valamu valamu, 18naŋ ma ɗo sem Aaron kay zugulda vi jafna vi Levi kay kuɗ sa ma ŋolla hay jaf kep kayni, zugul kalam kep kep lay. 19Naŋ ma lakam kalaf hay guɗuk ma fi-tuwna, vok di-goyta, liyn ma nan ka ŋaf hiɗi nigina. 20Sa ma zugulda valam goɗawana kayni mi sa ma nan min vilekemna, nala ŋurnay ma gurona vi Israyel ka ŋurnay katgina nan min vatam goyo.
21Musus law tam gurona vi Israyel: Sa ŋulona kuɗ jafna maram zugul kep kep, kuɗ jafna vi sumaysi kaf, tap noŋ pet zugulay doogo yam ma'. Zugulda vi Aaron ay jar fisina. 22Musus lak zugulayn gaa vok Ma-Vatɗina, hay guɗuk ma di-goyta hayamna. 23Hay buurta ka'ta, hay li ma Musus kal kalaf hay guɗuk ma di-goyn kayni, nam ɗuw kayni, zugul ta kepta ka goɗiya, na' ti zugulda vi Aaron ma hay jafna vi Levina, guro-guron ka dayay ta'a, huma' ka ɓoya kaw, vuɗ amandena ka huma'a. 24Zugulay namna Musus yawamay goy vok ir Ma-Vatɗin kafe, nam maram tisiya kay nisi ma wumu, a gigekaw ma sli zugulda valamu valamu.
25Ma-Vatɗina di tam Musus: Hotaŋ zugulda vi Aaron hay liyn ma di-goyta, kay ŋoma'a, kay li ɗekka tam gurona vi ŋel-gatta, kay nisi ma hin ŋurnayna, a nisi ma mitɗi kaw. 26Musus li ki kayn nala, nam tap kuɗ dita ta Ma-Vatɗin dumtita.
27Gurona vi Israyel di tam Musus. Ɗuwaŋ tige, sukma ka kal goyo, numa ka vata, numa ka vat kaf. 28La sa tuɗ kulo goboy tam tabernaklena vi Ma-Vatɗina, nam mit de. Nala numa ma mit goy kaf su?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001