ŊAƁTA 16
16
Datan hiɗi Kore hiɗi Abiram yaw kulo kat Musus
1San kep yum Kore, namu mi goora vi Yitsehar, goor-ŋolona vi Kehat ma Levitna, nam fok kulo kat Musus; sum segena Datan hiɗi Abiram, gurona vi Eliyab, hiɗi On goora vi Pelet, nisi ɦidi kaf si gurona vi Ruben. Nisi tap kuɗumu. 2Nisi fok kulo'o kat Musus, hiɗi sum sege sa ŋulon jar sa Israyella kis-ma' hiɗi diram dok-vasl, kayn si sa ŋulona sa ka fi yit hay tokŋa, sum sa sesi ka yi jar segena. 3Nisi tok tuwsi kat Musus hiɗi Aaron disi ala: Numa makawa kigiya, kay sumun kaf tan peldete, Ma-Vatɗin ka jarsi lay. Nigi subur tuwgi kat sumuna vi Lawn kayn kay mige?
4Hay li ma Musus hum kayni, nam dab vokom gaa'a. 5Nam di tam Kore hiɗi sum sa kuɗum kafna ala: Jifin ɗawni, Ma-Vatɗina ma ɗek kay sa ma ir valamna ma peldetna, sa ma nam min vilekemna nam ma naram kulo goboy talamu. 6Wulin kayni naŋ Kore hiɗi sum sa kuɗaŋ kaf yawgi ganun hay ɓigiya. 7Jifin ɗawni, nigi ma cuk kut haya, nigi ma ɦok urdi ma hisn kalamu, tunum vok ir Ma-Vatɗina. Sa ma Ma-Vatɗin vilekem ɗawni ma li mi sa ma peldetna. Nala nan makawa kigiya, nigi gurona vi Levi.
8Musus di tam Kore: Wulin kayn nigi gurona vi Levi humgi yo: 9Lawna vi Israyel vilekgi goy jar tokŋa vi Israyel, nam margi goboy talamu, kay nigi ma li lop hay tabernaklena valamu, kay nigi ma lak vok sumun kay sunsiya. Kayni may asgi noŋɗi su? 10Naŋ hiɗi guro-biyoŋŋa sa gurona vi Levina nam margiyawa kulo talam goboyo, may nigi min lop ma ɗifin mara lo kay mige? 11Naŋ hiɗi nuriyoŋ sa kuɗaŋŋa nigi tok tuwgi kat Ma-Vatɗin kayn kay na'ta. Nigi ŋurnay kat Aaron kayn nam gige?
12Musus gi sun kay Datan hiɗi Abiram gurona vi Eliyab kay nisi ma co'o, may nisi ala numa naysɗi. 13Nisi ala: Nagata Egipte ta miira hiɗi yumda ka riŋ goy haya'ta, naŋ kalma'ay goy haya' pa kay vatma goy hay fulda kayni may asaŋɗi su? May naŋ ti mul kuma lo kayn kay mige? 14Naŋ min narma kayn hay nagata ta miira hiɗi yumda may riŋ hayɗi, naŋ may ɓurawma sineɗi, vulma gulda-guldaɗi lay, naŋ min duk ir sumun kayn su? Numa may tuɗisɗi. 15Musus ka hiy ŋolo, nam di tam Ma-Vatɗina: Naŋ ma vi ɗifinna visi loɗi, la mi kuro kaw nan may vum hay ɓisi noŋɗi, nan bay li va ma joo mi sa kuɗsi kep tuwa.
16Musus di tam Kore: Naŋ hiɗi sum sa kuɗaŋ kaf tokgi jifini vok Ma-Vatɗina, naŋ hiɗi nisiya, Aaron ka lay. 17Gigekaw ma sli ganuna valamu hay ɓalamu, ɦokgi urdin kalamu, gigekaw ma co vok Ma-Vatɗin hiɗi ganuna valamu. Ganun ma li noŋ pet kis-ma' hiɗi diram dok-vasl, naŋ hiɗi Aaron ma sli ganuna vigi kigi kep kep kaw. 18Nisi yaw ganuna visi hay ɓisiya, cuk kut kalamu, ɦok urdi kalamu kaw, nisi lak goy vun guɗuk ma fi-tuwna, Musus hiɗi Aaron ka jarsi lay. 19Kore yi sumun ay kaf kat Musus hiɗi Aaron, bugol kayni gajijita vi Ma-Vatɗina ɗek tuwa'a goy kir sumun kaf.
20Ma-Vatɗina law tam Musus hiɗi Aaron ala: 21Nigi ma vi tuwgi goy tam sum nisin tani, kay nan min ŋalsi goyo wulini wulini. 22Nisi dab voksi gaa'a di'e: Hih! Lawna, Lawn ma sukka vaŋ ka hay sumun kafna, li suluk kayn mi sa kepe, may naŋ muɗ hiy kat sumun kaf ɗawn nanige?
23Ma-Vatɗina di tam Musus: 24Naŋ ma di tam tokŋa ala: Nisi ma vi tuwsi goy gine hiɗi ziyna vi Kore hiɗi Datan hiɗi Abiram. 25Musus fokay kulo'o, nam tuɗ kat Datan hiɗi Abiram; sa ŋulona vi Israyel kaf tap kuɗsiya. 26Nam di tam tokŋa ala: Vigi tuwgi goy tam ziyna vi sum sa joon lakŋ gine'e, tungi ɓigi tam slena visi noŋɗi, kay a nigi ma mit kuɗsiya kay sulukŋa visiɗi. 27Nisi vi tuwsi goy gine'e hiɗi ziyna vi Kore, Datan hiɗi Abiram. Datan hiɗi Abiram kalay goyo, nisi hiɗi boyna visiya, gurona visiya hiɗi guro-ŋolona visiya mol goy vun guɗukŋa visiya.
28Musus di'e: Hiɗi kayni nigi ma wi ala, nan li slen kayni kay tuwan vanɗi, may ganay kayn mi Ma-Vatɗina. 29La sumun lakŋi mit ɗawn ki sum segen ɦawa nala, la law ma lisin ɗawni mi ma ka li sumun kafna ni, ganay kayn mi Ma-Vatɗinɗi; 30may la Ma-Vatɗin li va ma ɦuyumawa, la nagat mal vuna'awa goyo kay kuluɓ kisiya hiɗi sumuna visi kafe, la nisi jikawa gaa iriya hay liyna vi sa mitina, hay na'ta nigi ma wi ala sumun kayn ɗuw Lawn birek-cek gasi.
31Hay li ma vunam vat dit kayni vatna, nagat ta gaa kuɗsita mun goy wilik'. 32Nagat mal vuna' goyo, na' kuluɓ kisiya, nisi hiɗi ziyna visi kaf, hiɗi sumuna vi Kore, hiɗi slena visi noŋ kaf. 33Nisiya hiɗi slena visi kaf jiki gaa iriya hay liyna vi sa mitina; nagat kuluɓ kisiya, nisi sahis goy jar sum segena. 34Hay li ma sum sege sa Israyella, sa ŋuyi tisina hum ciriyna visiya, nisi mun jaŋi; kay nisi di'e: Munay jaŋi, kay la naɗi nagat ma kuluɓ kay lay. 35Kut may kulo hay wuralawn pa, na' ŋal sum sa kis-ma' hiɗi diram dok-vasl sa ka li ɗifinna hiɗi urdina goyo.
Currently Selected:
ŊAƁTA 16: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
ŊAƁTA 16
16
Datan hiɗi Kore hiɗi Abiram yaw kulo kat Musus
1San kep yum Kore, namu mi goora vi Yitsehar, goor-ŋolona vi Kehat ma Levitna, nam fok kulo kat Musus; sum segena Datan hiɗi Abiram, gurona vi Eliyab, hiɗi On goora vi Pelet, nisi ɦidi kaf si gurona vi Ruben. Nisi tap kuɗumu. 2Nisi fok kulo'o kat Musus, hiɗi sum sege sa ŋulon jar sa Israyella kis-ma' hiɗi diram dok-vasl, kayn si sa ŋulona sa ka fi yit hay tokŋa, sum sa sesi ka yi jar segena. 3Nisi tok tuwsi kat Musus hiɗi Aaron disi ala: Numa makawa kigiya, kay sumun kaf tan peldete, Ma-Vatɗin ka jarsi lay. Nigi subur tuwgi kat sumuna vi Lawn kayn kay mige?
4Hay li ma Musus hum kayni, nam dab vokom gaa'a. 5Nam di tam Kore hiɗi sum sa kuɗum kafna ala: Jifin ɗawni, Ma-Vatɗina ma ɗek kay sa ma ir valamna ma peldetna, sa ma nam min vilekemna nam ma naram kulo goboy talamu. 6Wulin kayni naŋ Kore hiɗi sum sa kuɗaŋ kaf yawgi ganun hay ɓigiya. 7Jifin ɗawni, nigi ma cuk kut haya, nigi ma ɦok urdi ma hisn kalamu, tunum vok ir Ma-Vatɗina. Sa ma Ma-Vatɗin vilekem ɗawni ma li mi sa ma peldetna. Nala nan makawa kigiya, nigi gurona vi Levi.
8Musus di tam Kore: Wulin kayn nigi gurona vi Levi humgi yo: 9Lawna vi Israyel vilekgi goy jar tokŋa vi Israyel, nam margi goboy talamu, kay nigi ma li lop hay tabernaklena valamu, kay nigi ma lak vok sumun kay sunsiya. Kayni may asgi noŋɗi su? 10Naŋ hiɗi guro-biyoŋŋa sa gurona vi Levina nam margiyawa kulo talam goboyo, may nigi min lop ma ɗifin mara lo kay mige? 11Naŋ hiɗi nuriyoŋ sa kuɗaŋŋa nigi tok tuwgi kat Ma-Vatɗin kayn kay na'ta. Nigi ŋurnay kat Aaron kayn nam gige?
12Musus gi sun kay Datan hiɗi Abiram gurona vi Eliyab kay nisi ma co'o, may nisi ala numa naysɗi. 13Nisi ala: Nagata Egipte ta miira hiɗi yumda ka riŋ goy haya'ta, naŋ kalma'ay goy haya' pa kay vatma goy hay fulda kayni may asaŋɗi su? May naŋ ti mul kuma lo kayn kay mige? 14Naŋ min narma kayn hay nagata ta miira hiɗi yumda may riŋ hayɗi, naŋ may ɓurawma sineɗi, vulma gulda-guldaɗi lay, naŋ min duk ir sumun kayn su? Numa may tuɗisɗi. 15Musus ka hiy ŋolo, nam di tam Ma-Vatɗina: Naŋ ma vi ɗifinna visi loɗi, la mi kuro kaw nan may vum hay ɓisi noŋɗi, nan bay li va ma joo mi sa kuɗsi kep tuwa.
16Musus di tam Kore: Naŋ hiɗi sum sa kuɗaŋ kaf tokgi jifini vok Ma-Vatɗina, naŋ hiɗi nisiya, Aaron ka lay. 17Gigekaw ma sli ganuna valamu hay ɓalamu, ɦokgi urdin kalamu, gigekaw ma co vok Ma-Vatɗin hiɗi ganuna valamu. Ganun ma li noŋ pet kis-ma' hiɗi diram dok-vasl, naŋ hiɗi Aaron ma sli ganuna vigi kigi kep kep kaw. 18Nisi yaw ganuna visi hay ɓisiya, cuk kut kalamu, ɦok urdi kalamu kaw, nisi lak goy vun guɗuk ma fi-tuwna, Musus hiɗi Aaron ka jarsi lay. 19Kore yi sumun ay kaf kat Musus hiɗi Aaron, bugol kayni gajijita vi Ma-Vatɗina ɗek tuwa'a goy kir sumun kaf.
20Ma-Vatɗina law tam Musus hiɗi Aaron ala: 21Nigi ma vi tuwgi goy tam sum nisin tani, kay nan min ŋalsi goyo wulini wulini. 22Nisi dab voksi gaa'a di'e: Hih! Lawna, Lawn ma sukka vaŋ ka hay sumun kafna, li suluk kayn mi sa kepe, may naŋ muɗ hiy kat sumun kaf ɗawn nanige?
23Ma-Vatɗina di tam Musus: 24Naŋ ma di tam tokŋa ala: Nisi ma vi tuwsi goy gine hiɗi ziyna vi Kore hiɗi Datan hiɗi Abiram. 25Musus fokay kulo'o, nam tuɗ kat Datan hiɗi Abiram; sa ŋulona vi Israyel kaf tap kuɗsiya. 26Nam di tam tokŋa ala: Vigi tuwgi goy tam ziyna vi sum sa joon lakŋ gine'e, tungi ɓigi tam slena visi noŋɗi, kay a nigi ma mit kuɗsiya kay sulukŋa visiɗi. 27Nisi vi tuwsi goy gine'e hiɗi ziyna vi Kore, Datan hiɗi Abiram. Datan hiɗi Abiram kalay goyo, nisi hiɗi boyna visiya, gurona visiya hiɗi guro-ŋolona visiya mol goy vun guɗukŋa visiya.
28Musus di'e: Hiɗi kayni nigi ma wi ala, nan li slen kayni kay tuwan vanɗi, may ganay kayn mi Ma-Vatɗina. 29La sumun lakŋi mit ɗawn ki sum segen ɦawa nala, la law ma lisin ɗawni mi ma ka li sumun kafna ni, ganay kayn mi Ma-Vatɗinɗi; 30may la Ma-Vatɗin li va ma ɦuyumawa, la nagat mal vuna'awa goyo kay kuluɓ kisiya hiɗi sumuna visi kafe, la nisi jikawa gaa iriya hay liyna vi sa mitina, hay na'ta nigi ma wi ala sumun kayn ɗuw Lawn birek-cek gasi.
31Hay li ma vunam vat dit kayni vatna, nagat ta gaa kuɗsita mun goy wilik'. 32Nagat mal vuna' goyo, na' kuluɓ kisiya, nisi hiɗi ziyna visi kaf, hiɗi sumuna vi Kore, hiɗi slena visi noŋ kaf. 33Nisiya hiɗi slena visi kaf jiki gaa iriya hay liyna vi sa mitina; nagat kuluɓ kisiya, nisi sahis goy jar sum segena. 34Hay li ma sum sege sa Israyella, sa ŋuyi tisina hum ciriyna visiya, nisi mun jaŋi; kay nisi di'e: Munay jaŋi, kay la naɗi nagat ma kuluɓ kay lay. 35Kut may kulo hay wuralawn pa, na' ŋal sum sa kis-ma' hiɗi diram dok-vasl sa ka li ɗifinna hiɗi urdina goyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001