ŊAƁTA 12
12
Miriyam hiɗi Aaron ŋurnay hay Hatserot, Miriyam moy-kuturun co ta'a
1Miriyam hiɗi Aaron law tam Musus kay cat ta Etiopiyata ta nam sla'ta. Kay nam sli cat ta Etiopiyat kepe. 2Nisi di'e: Lawn law kayn hiɗi della vi Musus kep tuta su? Numa kaw nam asay a law hiɗi della vumaɗi su? 3Ma-Vatɗin hum kayni. May Musus kayni, nam mi sa ma ŋalda valam suwi ŋolo, sa mara ma gaa kay nagat ki nalam nala mayɗi.
4Wulin na kay' Ma-Vatɗina di tam Musus hiɗi Aaron hiɗi Miriyam ala: Nigi ɦidi kafe, tuɗgi kalaf hay guɗuk ma fi-tuwna. Nisi ɦidi kaf kaliya. 5Ma-Vatɗina jik gaa hay ɗugul ma mokayna, nam col vun guɗukŋa, nam yi Aaron hiɗi Miriyam, nisi ma' pet ma goboyo. 6Nam disiya: Humgi dita van ŋaa'a, hay li ma sa ma jobta ka jargiya, nan Ma-Vatɗina as vul tuwan kiramu lebo nan as law talam kayn hay duwayta. 7May sa ma sunda vanu Musus nam may naɗi, nan hum kuɗan ŋolo jar sum sa hay ziyna van kafe. 8Numa ka kasla vun tuwma'a, nan ɗek tuwan goy kiram haraŋi, nam ka wan jifanu, nigi may li nar kay law kat sa ma sunda van Mususɗi kay mige?
9Ma-Vatɗin ka ɦiy ŋolo katsiya, nam kaliya. 10Ɗugulla vi tuwam goy kay guɗukŋa. Ɗuw na kayni, Miriyam moy-kuturun jaŋa' dil', tuwa' nus goy haɓ kaŋ-kaŋ', Aaron muɗ iram kira' kayni; na' jaŋay kay moy-kuturun vatiya. 11Aaron di tam Musus: Wulin kayn numa muɗ tuwmaawa joo'o, may naŋ hinma ziy zumalda vi suluk ma numa lum hay ɦay-ɦayt kaynɗige! 12Hih! Naŋ ma hin Miriyam muɗ ki goor ma vuɗay goy hay sulum mitiya, galam hena goy loɗiya naɗige. 13Musus siwel tam Ma-Vatɗina nam di'e: Ma-Vatɗin Lawna, nan siɗawaŋu, yera' goy yerge. 14Ma-Vatɗina hot di tam Musus: La bu' tufa' nenen hay voka'a, na' as ziy zulot ir buur siɗiyaɗi kay mige? Nigi ma ga' vuna' kalaf ir buur siɗiya goy bugol guruna, bugol kayni nigi ma tapa' jargi may. 15Nisi duk vun Miriyam kalaf ir buur siɗiya, goy bugol guruna, nisi may tuɗ voksi loɗi, ta-ta Miriyam hotay jarsi tuwa. 16Bugol kayni nisi yaways hay Hatserot pa, tuɗ vi guruna visi hay fulda vi Paran.
Currently Selected:
ŊAƁTA 12: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
ŊAƁTA 12
12
Miriyam hiɗi Aaron ŋurnay hay Hatserot, Miriyam moy-kuturun co ta'a
1Miriyam hiɗi Aaron law tam Musus kay cat ta Etiopiyata ta nam sla'ta. Kay nam sli cat ta Etiopiyat kepe. 2Nisi di'e: Lawn law kayn hiɗi della vi Musus kep tuta su? Numa kaw nam asay a law hiɗi della vumaɗi su? 3Ma-Vatɗin hum kayni. May Musus kayni, nam mi sa ma ŋalda valam suwi ŋolo, sa mara ma gaa kay nagat ki nalam nala mayɗi.
4Wulin na kay' Ma-Vatɗina di tam Musus hiɗi Aaron hiɗi Miriyam ala: Nigi ɦidi kafe, tuɗgi kalaf hay guɗuk ma fi-tuwna. Nisi ɦidi kaf kaliya. 5Ma-Vatɗina jik gaa hay ɗugul ma mokayna, nam col vun guɗukŋa, nam yi Aaron hiɗi Miriyam, nisi ma' pet ma goboyo. 6Nam disiya: Humgi dita van ŋaa'a, hay li ma sa ma jobta ka jargiya, nan Ma-Vatɗina as vul tuwan kiramu lebo nan as law talam kayn hay duwayta. 7May sa ma sunda vanu Musus nam may naɗi, nan hum kuɗan ŋolo jar sum sa hay ziyna van kafe. 8Numa ka kasla vun tuwma'a, nan ɗek tuwan goy kiram haraŋi, nam ka wan jifanu, nigi may li nar kay law kat sa ma sunda van Mususɗi kay mige?
9Ma-Vatɗin ka ɦiy ŋolo katsiya, nam kaliya. 10Ɗugulla vi tuwam goy kay guɗukŋa. Ɗuw na kayni, Miriyam moy-kuturun jaŋa' dil', tuwa' nus goy haɓ kaŋ-kaŋ', Aaron muɗ iram kira' kayni; na' jaŋay kay moy-kuturun vatiya. 11Aaron di tam Musus: Wulin kayn numa muɗ tuwmaawa joo'o, may naŋ hinma ziy zumalda vi suluk ma numa lum hay ɦay-ɦayt kaynɗige! 12Hih! Naŋ ma hin Miriyam muɗ ki goor ma vuɗay goy hay sulum mitiya, galam hena goy loɗiya naɗige. 13Musus siwel tam Ma-Vatɗina nam di'e: Ma-Vatɗin Lawna, nan siɗawaŋu, yera' goy yerge. 14Ma-Vatɗina hot di tam Musus: La bu' tufa' nenen hay voka'a, na' as ziy zulot ir buur siɗiyaɗi kay mige? Nigi ma ga' vuna' kalaf ir buur siɗiya goy bugol guruna, bugol kayni nigi ma tapa' jargi may. 15Nisi duk vun Miriyam kalaf ir buur siɗiya, goy bugol guruna, nisi may tuɗ voksi loɗi, ta-ta Miriyam hotay jarsi tuwa. 16Bugol kayni nisi yaways hay Hatserot pa, tuɗ vi guruna visi hay fulda vi Paran.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001