ŊAƁTA 11
11
Kuta vi Ma-Vatɗina
1Sumun tun caw ŋurnaya, lawt kayni may kal hay dik Ma-Vatɗin ŋaaɗi. Hay li ma Ma-Vatɗin hum ŋurnayta visiya, nam muɗ ɦiy ŋolo, kuta valam do jarsiya, na' ŋal gaŋ guruna visi goyo. 2Nisi tiy tam Musus, nala Musus job Ma-Vatɗina kut tewa may. 3Liyn namna nisi tunum selem ala Tabeera, kay kuta vi Ma-Vatɗin ŋal jarsi hay liy namna.
Lay gaɓurumna
4Jaf sum sa rigasay kulo jar Israyella goslta kal haysiya, gurona vi Israyel kay tuwsi noŋ kaw tun caw tiya. Nisi ka di'e vulma sliw ma tin ɗawn mi gige? 5Humma guma kay kuluf ma numa ay tum hay Egiptena, ma numa may gusum gusiɗina, hiɗi kurdina, hiɗi buwuna, hiɗi gulumna kuɗ jafam kaf. 6Wulin kayni sukma sa'atawa, va ma ti may loɗi, irma wum kayn mi manna lo lo.
7Manna nam sli wal degen nala, nam ɗuw ir ki gun bideliyum nala.#11:7 Kay bideliyum, ɗuw cawam ma di goyna hay Ct 2:12. 8Sumun mer goyo kay yawamu; nisi lutum hay hiɗiyna, duwum hay zuwna; zalam hay doŋolayna, li hambul hiɗi namu, nam ti ki hambul ma hiliɓi hiɗi mula nala. 9Hay li ma maɗayn gi gaa kay guruna visi henjeta, manna kaw cukay gaa'a.
10Musus ka wisi tiya, gigekaw hiɗi jafna valam goy vun guɗukŋa valam tiy dam dam'. Ma-Vatɗina dikam ɓulak dono ŋolo. 11Musus dikam muɗ yora, nam di tam Ma-Vatɗina: Ma-Vatɗina, naŋ to sutay sa ma sunda vaŋ nala kay mige? Naŋ min wan ɦawanɗi kay mige? Sum nisin kayn kaf naŋ tunsi nekka visi kan nala kay mige? 12Sum nisina nan ziysi hayan mi nan su? Vuɗsi mi nan su? Lebo a naŋ dan ala nan ma ziysi kulo hay ɓanu, ki sa ma ziy goor nala ta-ta cosi hay nagat ta naŋ yi va kaŋu, kay vula' mi sumaysita kayn kay mige? 13Nan ma fi sliwn kay vulum mi sum nisin tan kaf ɗawn arige? Kay nisi ka tiy vunan ta' ala nan vulsi sliwn a ti'e: 14Nan van kep as a ziy sum nisin tanɗi, kay nisi can nek ŋolo. 15Nan siɗawaŋ ala, la naŋ min wan hawanu, naŋ hinan las naɗi, can maŋ mati, hinan wi lasta van hiɗi iranɗi.
16Ma-Vatɗina di tam Musus, naŋ ma yaw sum sa maariyan dok-siɗiya jar sa Israyella, marsi tanu. Ma li si sum sa naŋ wisi ki nisi si sa maariyana vi Israyel nala, sa gaŋeraŋa visi ka kay sumuna; naŋ ma narsi hay guɗuk ma fi-tuwna, nisi ma tapay hiɗi naŋu. 17Nan ma jikis gaa'a, hay na'ta nan ma law hiɗi naŋu, nan ma yaw ŋusta ta kaŋga, nan ma cuka' kisiya, kay nisi ma tap hiɗi naŋu kay ziy nekka vi sumuna, kay a naŋ ma ziy nekka visi vaŋ kepɗi. 18Naŋ ma di tisi ala: Ligi tuwgi goy peldete kay jifini, nigi ma ti sliwna, kay nigi tiy vun Ma-Vatɗin ala vulgi sliw ma tin ɗawn mi gige, nigi ala nigi ay lakay ŋaa'a hay Egipte. Nala Ma-Vatɗin min vulgi sliwna, nigi ma ti'e. 19Nigi ma tum ɗawni ir buur kep ɦawaɗi, buur ma' ɦawaɗi, buur vasl ɦawaɗi, buur doogo ɦawaɗi, buur dok-ma' ɦawaɗi, 20may ir til noŋ ɗaw, ta-ta nam muɗ sligi hisi, ta-ta nam muɗ kirgi bisi. Kay mige Lawn ka jargiya may nigi noyom goyo, kay nigi tiy vok iram ala nigi kalay goy hay Egipte pa kay mige.
21Musus di'e: Sum sa coli kulo kay sesin ka birim kis-karkiya jar sumun tani, nan kaw jarsi lay, may naŋ di ala naŋ min vulsi sliw ma tin ir til noŋ ɗawi? 22A nisi fi sliwn asay kayn ma ŋatsi mi fok-dimiya lebo luwoyo su? Kuluf ma goloŋ hay niy-lum ma ŋolla toksit kaf a nisi ma hob hiɗi nam su? 23Ma-Vatɗin hot di mi Musus: Ɓan giɗeŋ su? Naŋ ma wi'e va ma nan dumna ma li'e lebo liɗi.
24Musus kalay goyo, slen ma Ma-Vatɗin dumna nam maram tam sumuna, nam tok sum sa maariyan sa dok-siɗiya jar segena, zlarsi kat guɗukŋa. 25Ma-Vatɗin jik gaa jar ɗugulla, nam law hiɗi Musus; ŋusta ta ka kay Mususta nam yaw kuɗa'a, cuka' kay sa maariyan sa dok-siɗiyana. Hay li ma ŋusta cuk kisiya, nisi tun caw di goy kay slen ma voksina, may nisi may tuɗ hiɗi kayn ta-taɗi.
26May sum segen ka ma' lo, hen yum Eldad hen yum Medad, nisi ɗoy jar sa dok-siɗiyan lay, may nisi tuɗ kuɗsiɗi, nisi hini gaa hay guruna. Ŋusta cuk kisi lay; nisi tun caw di goy kay slen ma voksina gaa hay guruna. 27Goor ma joriyo kep fok jaŋi kay nar labar kayni tam Musus, nam di tam Musus ala Eldad hiɗi Medad ka di goy kay slen ma vokŋa gaa hay guruna. 28Yosuwa goora vi Nun, ma sunda vi Musus hay goorta valam pana, sli ditiya di'e: Musus, sa ŋolla vanu, naŋ ma telsiya. 29Musus hot dumu: Naŋ hunay katan su? Lali sumuna vi Lawn kaf sa jobta jarsiya kayn may ŋaaɗi su? Ma-Vatɗin cuk ŋusta valam kisi kayn may ŋaaɗi su? 30Musus hiɗi sa maariyana vi Israyel sa kuɗumna kaf vi tuwsi goy hay guruna.
31Ma-Vatɗina hin simeɗna biway goy hay niy-lum ma ŋolla pa, nam mar gaɓurumna, merem goy kay guruna, nam ŋuy tuw gurun kaf, busa tuɗ he' dab vun gaɓurum nala, hay galam kaf, nam gaa kay nagat goboy ir goldoŋ ma' nala. 32Hay falayt na'ta hiɗi henjet na'ta kaf, hiɗi falayta vi buurta ka'ta kaf, sumun ka yaw gaɓurumna sa ma yaw kiɗayna nam hob dutta-kusta doogo, nisi baram goy gaa hay guruna kay somu. 33Hay li ma sliwn ka vunsi bay pasl tuwa kayni, Ma-Vatɗin muɗ hiy katsiya, nam gi bakmara ma ŋolla kisiya. 34Liyn namna nisi tunum selem ala Kibrot-Hattava, kay sum sa goslta visina pisi kayn hay liy namna.
35Hay Kibrot-Hattava pa nisi kalay hay Hatserot, hay Hatserot nisi lakaya.
Currently Selected:
ŊAƁTA 11: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
ŊAƁTA 11
11
Kuta vi Ma-Vatɗina
1Sumun tun caw ŋurnaya, lawt kayni may kal hay dik Ma-Vatɗin ŋaaɗi. Hay li ma Ma-Vatɗin hum ŋurnayta visiya, nam muɗ ɦiy ŋolo, kuta valam do jarsiya, na' ŋal gaŋ guruna visi goyo. 2Nisi tiy tam Musus, nala Musus job Ma-Vatɗina kut tewa may. 3Liyn namna nisi tunum selem ala Tabeera, kay kuta vi Ma-Vatɗin ŋal jarsi hay liy namna.
Lay gaɓurumna
4Jaf sum sa rigasay kulo jar Israyella goslta kal haysiya, gurona vi Israyel kay tuwsi noŋ kaw tun caw tiya. Nisi ka di'e vulma sliw ma tin ɗawn mi gige? 5Humma guma kay kuluf ma numa ay tum hay Egiptena, ma numa may gusum gusiɗina, hiɗi kurdina, hiɗi buwuna, hiɗi gulumna kuɗ jafam kaf. 6Wulin kayni sukma sa'atawa, va ma ti may loɗi, irma wum kayn mi manna lo lo.
7Manna nam sli wal degen nala, nam ɗuw ir ki gun bideliyum nala.#11:7 Kay bideliyum, ɗuw cawam ma di goyna hay Ct 2:12. 8Sumun mer goyo kay yawamu; nisi lutum hay hiɗiyna, duwum hay zuwna; zalam hay doŋolayna, li hambul hiɗi namu, nam ti ki hambul ma hiliɓi hiɗi mula nala. 9Hay li ma maɗayn gi gaa kay guruna visi henjeta, manna kaw cukay gaa'a.
10Musus ka wisi tiya, gigekaw hiɗi jafna valam goy vun guɗukŋa valam tiy dam dam'. Ma-Vatɗina dikam ɓulak dono ŋolo. 11Musus dikam muɗ yora, nam di tam Ma-Vatɗina: Ma-Vatɗina, naŋ to sutay sa ma sunda vaŋ nala kay mige? Naŋ min wan ɦawanɗi kay mige? Sum nisin kayn kaf naŋ tunsi nekka visi kan nala kay mige? 12Sum nisina nan ziysi hayan mi nan su? Vuɗsi mi nan su? Lebo a naŋ dan ala nan ma ziysi kulo hay ɓanu, ki sa ma ziy goor nala ta-ta cosi hay nagat ta naŋ yi va kaŋu, kay vula' mi sumaysita kayn kay mige? 13Nan ma fi sliwn kay vulum mi sum nisin tan kaf ɗawn arige? Kay nisi ka tiy vunan ta' ala nan vulsi sliwn a ti'e: 14Nan van kep as a ziy sum nisin tanɗi, kay nisi can nek ŋolo. 15Nan siɗawaŋ ala, la naŋ min wan hawanu, naŋ hinan las naɗi, can maŋ mati, hinan wi lasta van hiɗi iranɗi.
16Ma-Vatɗina di tam Musus, naŋ ma yaw sum sa maariyan dok-siɗiya jar sa Israyella, marsi tanu. Ma li si sum sa naŋ wisi ki nisi si sa maariyana vi Israyel nala, sa gaŋeraŋa visi ka kay sumuna; naŋ ma narsi hay guɗuk ma fi-tuwna, nisi ma tapay hiɗi naŋu. 17Nan ma jikis gaa'a, hay na'ta nan ma law hiɗi naŋu, nan ma yaw ŋusta ta kaŋga, nan ma cuka' kisiya, kay nisi ma tap hiɗi naŋu kay ziy nekka vi sumuna, kay a naŋ ma ziy nekka visi vaŋ kepɗi. 18Naŋ ma di tisi ala: Ligi tuwgi goy peldete kay jifini, nigi ma ti sliwna, kay nigi tiy vun Ma-Vatɗin ala vulgi sliw ma tin ɗawn mi gige, nigi ala nigi ay lakay ŋaa'a hay Egipte. Nala Ma-Vatɗin min vulgi sliwna, nigi ma ti'e. 19Nigi ma tum ɗawni ir buur kep ɦawaɗi, buur ma' ɦawaɗi, buur vasl ɦawaɗi, buur doogo ɦawaɗi, buur dok-ma' ɦawaɗi, 20may ir til noŋ ɗaw, ta-ta nam muɗ sligi hisi, ta-ta nam muɗ kirgi bisi. Kay mige Lawn ka jargiya may nigi noyom goyo, kay nigi tiy vok iram ala nigi kalay goy hay Egipte pa kay mige.
21Musus di'e: Sum sa coli kulo kay sesin ka birim kis-karkiya jar sumun tani, nan kaw jarsi lay, may naŋ di ala naŋ min vulsi sliw ma tin ir til noŋ ɗawi? 22A nisi fi sliwn asay kayn ma ŋatsi mi fok-dimiya lebo luwoyo su? Kuluf ma goloŋ hay niy-lum ma ŋolla toksit kaf a nisi ma hob hiɗi nam su? 23Ma-Vatɗin hot di mi Musus: Ɓan giɗeŋ su? Naŋ ma wi'e va ma nan dumna ma li'e lebo liɗi.
24Musus kalay goyo, slen ma Ma-Vatɗin dumna nam maram tam sumuna, nam tok sum sa maariyan sa dok-siɗiya jar segena, zlarsi kat guɗukŋa. 25Ma-Vatɗin jik gaa jar ɗugulla, nam law hiɗi Musus; ŋusta ta ka kay Mususta nam yaw kuɗa'a, cuka' kay sa maariyan sa dok-siɗiyana. Hay li ma ŋusta cuk kisiya, nisi tun caw di goy kay slen ma voksina, may nisi may tuɗ hiɗi kayn ta-taɗi.
26May sum segen ka ma' lo, hen yum Eldad hen yum Medad, nisi ɗoy jar sa dok-siɗiyan lay, may nisi tuɗ kuɗsiɗi, nisi hini gaa hay guruna. Ŋusta cuk kisi lay; nisi tun caw di goy kay slen ma voksina gaa hay guruna. 27Goor ma joriyo kep fok jaŋi kay nar labar kayni tam Musus, nam di tam Musus ala Eldad hiɗi Medad ka di goy kay slen ma vokŋa gaa hay guruna. 28Yosuwa goora vi Nun, ma sunda vi Musus hay goorta valam pana, sli ditiya di'e: Musus, sa ŋolla vanu, naŋ ma telsiya. 29Musus hot dumu: Naŋ hunay katan su? Lali sumuna vi Lawn kaf sa jobta jarsiya kayn may ŋaaɗi su? Ma-Vatɗin cuk ŋusta valam kisi kayn may ŋaaɗi su? 30Musus hiɗi sa maariyana vi Israyel sa kuɗumna kaf vi tuwsi goy hay guruna.
31Ma-Vatɗina hin simeɗna biway goy hay niy-lum ma ŋolla pa, nam mar gaɓurumna, merem goy kay guruna, nam ŋuy tuw gurun kaf, busa tuɗ he' dab vun gaɓurum nala, hay galam kaf, nam gaa kay nagat goboy ir goldoŋ ma' nala. 32Hay falayt na'ta hiɗi henjet na'ta kaf, hiɗi falayta vi buurta ka'ta kaf, sumun ka yaw gaɓurumna sa ma yaw kiɗayna nam hob dutta-kusta doogo, nisi baram goy gaa hay guruna kay somu. 33Hay li ma sliwn ka vunsi bay pasl tuwa kayni, Ma-Vatɗin muɗ hiy katsiya, nam gi bakmara ma ŋolla kisiya. 34Liyn namna nisi tunum selem ala Kibrot-Hattava, kay sum sa goslta visina pisi kayn hay liy namna.
35Hay Kibrot-Hattava pa nisi kalay hay Hatserot, hay Hatserot nisi lakaya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001