SA LEVITNA 22
22
Telda kay ti ɗifin hena
1Ma-Vatɗina di tam Musus: 2Naŋ ma di tam Aaron hiɗi gurona valamu, kay nisi ma tel tuwsiya kay ti slen ma peldetna ma gurona vi Israyel vulum goy tanu, disi ala semda van ta peldetta nisi ma muɗa' goy bisɗi. Nanu mi Ma-Vatɗina.
3Naŋ ma disi ala: Jar gurona vigiya hiɗi jaf ma bugolgin kaf, la sa min co tam sle ma peldetna ma gurona vi Israyel vulum goy tanu, may nam ka hiɗi va ma liwis talamu ni, sa namna ma kaam selem goy vok iranu. Nanu mi Ma-Vatɗina.
4San gigekaw hay jafna vi Aaron, la moy-kuturu ka talamu lebo va jaŋ goy kuɗumu, nam ma ti slen ma peldetna noŋɗi, ta-ta nam ma muɗ goy peldet tuwa, kayni ŋray ca kaw kay sa ma muɗ tuwam liwisi hay li ma nam tun ɓalam tam ŋumna, kay sa ma tuwam goɓna kaw, 5kay sa ma tun ɓalam tam muur ma ɦarmatna, muɗ tuwam liwis hiɗi namu, kay sa ma tuwam muɗi gese hiɗi va mige kaw. 6Sa ma tun ɓalamawa tam slen kayni, nam muɗi liwisi ta-ta hay vulatita, nam ma ti sle ma peldetnaɗi, may nam ma muz tuwam goy hay niyna. 7Hay li ma fatta ɗigawa, nam muɗi peldete, nam as ti slen ma peldetna yo, kay kayni mi tina valamu. 8Muur ma mit goy kay tuwamu lebo cum mi va'a kaw nam as mutumɗi, kay nam ma muɗ tuwam liwis hiɗi namɗi. Nanu mi Ma-Vatɗina.
9Nisi ma li kuɗ gatta vanu, kay nisi ma ziy zumalda vi sulukŋa visiya, kay nisi ma mita kuɗ muɗ ma nisi muɗ slen ma peldetna goy liwisnɗi. Nanu mi Ma-Vatɗina ma muɗsi goy peldete. 10Sa ma pulu as ti slen ma peldetnaɗi, sa ma ka musi hay ziyna vi mul-ma-ɗifinna hiɗi sa ma li lop kay gurjuta as ti slen ma peldetna noŋɗi kaw. 11May sa ma gorvona ma gusum hiɗi gurjuta as kay ti'e, sa ma vuɗi vo hay ziyna kaw as kay ti'e. 12Slen ma peldetna ma vuli goy tam Lawna hiɗi me'da kulota, goota vi mul-ma-ɗifinna ta sliy goy kay sa ma pulu as kay tumɗi. 13May goota vi mul-ma-ɗifinna ta hini goy duhulu lebo ta jufa' ga' goy bay na' vuɗ gooro, la na' hotawa hay ziyna vi bu'a ki hay wayata va' nala, na' as ti tina vi bu'a. May sa ma pul as tiɗi. 14La sa ti sle ma peldetnawa hay bay-wida, nam ma hot wurak va namna goyo mi mul-ma-ɗifinna, nam ma gi gal ma vaslna vunamu kaw. 15Slen ma peldetna ma gurona vi Israyel vulum goyo hiɗi ɓisi kulo meɗi tam Lawna, muliyan-sa-ɗifinna as muɗum goy bisɗi; 16la nisi ti sle ma peldetna, nisi tun sulukŋa kisiya, kay nanu mi Ma-Vatɗina ma lisi goy peldetna.
Faray ma as li ɗifin hiɗi namna
17Ma-Vatɗina di tam Musus: 18Naŋ ma di tam Aaron hiɗi gurona valamu, hiɗi gurona vi Israyel kaf kaw ala: San gigekaw hay ziyna vi Israyel, lebo sa ma pulu ma ka li ziy hay Israyel, la nam min li ɗifin ma ŋal-goyna tam Ma-Vatɗina, kay hob vun va ma nam yi kalamu, lebo ki ɗifin ma kuɗ minda nala. 19Nam ma vi put guju ma moy may talamɗina jar luwayna valamu, yaw guro fok-dimina lebo fok-meena, kay ɗifinna valam ma li kir Lawn ŋaa'a. 20Ma moy talamna nigi as kay lum ɗifinɗi, kay nam may kir Lawn ŋaaɗi. 21La san min li ɗifinna vi lop ma slugona tam Lawna hiɗi putu lebo hiɗi ɦuwa, la kay hob vun va ma nam yum kalamna, lebo kay li ɗifin ma kuɗ minda kaw, va ma ŋatamna ma li hiɗi moy talamɗi, kay nam ma li kir Lawn ŋaa'a. 22Put ma iram dukina, ma dirlayna, ma selem kaay goyna, ma mul talamna, ma tuwam cukina hiɗi ma genjeŋ talamna nigi as li ɗifin ma ŋal-goyna hiɗi namɗi. 23Nigi as li ɗifin ma kuɗ minda hiɗi putna lebo goor ɦu-dimina ma batam fiyoko lebo giɗeŋe, may nam may ŋaa'a kay hob vun va ma nigi yum kiginɗi. 24Put ma huɗam toyna, ma huɗam kirapina lebo ma huɗam yaway goyna nigi as li ɗifin tam Ma-Vatɗin hiɗi namɗi, nigi as li ɗifin hiɗi namu hay nagata vigiɗi. 25Slen ma ki kayn nala, la sa ma pul maramu kay nigi ma li ɗifin tam Lawn hiɗi namu kaw, nigi ma vumɗi; kay va mara talam kaay goyo, moyn ka talamu, nam may ŋaa loɗi.
26Ma-Vatɗina di tam Musus: 27La ti putu, la ti ɦu-dimiya lebo la ti ɦu-mee'e kaw, hay li ma na' vuɗ ɗawni, hin goor kuɗ sulum ir buur siɗiya; hay buurta glafandita ta-ta vok ɗaw, nam ŋaa'a kir Lawna kay ɗifin ma lum talamna, ɗifin ma ŋalay goyna. 28La ti putu la ti ɦuwa kaw, nigi as ŋatam kuɗ tuwam hiɗi goora va' hay buur ta keptaɗi. 29Hay li ma nigi li ɗifinna vi lop ma slugona tam Ma-Vatɗina, nigi ma kotom a nam ma li kir Lawn ŋaa'a. 30Va ma nigi ŋatamna nigi ma tum hay buur namna, nigi ma hin va mara kulo'o kay grawtɗi. Nanu mi Ma-Vatɗina.
31Nigi ma vi kuɗ gatta vanu, nigi ma li lop hiɗi na'a. Nanu mi Ma-Vatɗina.
32Semda vanu ta peldetta nigi ma muɗa' goy bis noŋɗi, kay nan ma li goy peldete jar sum sa Israyella. Nanu mi Ma-Vatɗina ma ligi goy peldete, 33ma kalgiyay goy hay nagat Egipte pa kaw kay mus Lawna vigiya. Nanu mi Ma-Vatɗina.
Currently Selected:
SA LEVITNA 22: Massana
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001
SA LEVITNA 22
22
Telda kay ti ɗifin hena
1Ma-Vatɗina di tam Musus: 2Naŋ ma di tam Aaron hiɗi gurona valamu, kay nisi ma tel tuwsiya kay ti slen ma peldetna ma gurona vi Israyel vulum goy tanu, disi ala semda van ta peldetta nisi ma muɗa' goy bisɗi. Nanu mi Ma-Vatɗina.
3Naŋ ma disi ala: Jar gurona vigiya hiɗi jaf ma bugolgin kaf, la sa min co tam sle ma peldetna ma gurona vi Israyel vulum goy tanu, may nam ka hiɗi va ma liwis talamu ni, sa namna ma kaam selem goy vok iranu. Nanu mi Ma-Vatɗina.
4San gigekaw hay jafna vi Aaron, la moy-kuturu ka talamu lebo va jaŋ goy kuɗumu, nam ma ti slen ma peldetna noŋɗi, ta-ta nam ma muɗ goy peldet tuwa, kayni ŋray ca kaw kay sa ma muɗ tuwam liwisi hay li ma nam tun ɓalam tam ŋumna, kay sa ma tuwam goɓna kaw, 5kay sa ma tun ɓalam tam muur ma ɦarmatna, muɗ tuwam liwis hiɗi namu, kay sa ma tuwam muɗi gese hiɗi va mige kaw. 6Sa ma tun ɓalamawa tam slen kayni, nam muɗi liwisi ta-ta hay vulatita, nam ma ti sle ma peldetnaɗi, may nam ma muz tuwam goy hay niyna. 7Hay li ma fatta ɗigawa, nam muɗi peldete, nam as ti slen ma peldetna yo, kay kayni mi tina valamu. 8Muur ma mit goy kay tuwamu lebo cum mi va'a kaw nam as mutumɗi, kay nam ma muɗ tuwam liwis hiɗi namɗi. Nanu mi Ma-Vatɗina.
9Nisi ma li kuɗ gatta vanu, kay nisi ma ziy zumalda vi sulukŋa visiya, kay nisi ma mita kuɗ muɗ ma nisi muɗ slen ma peldetna goy liwisnɗi. Nanu mi Ma-Vatɗina ma muɗsi goy peldete. 10Sa ma pulu as ti slen ma peldetnaɗi, sa ma ka musi hay ziyna vi mul-ma-ɗifinna hiɗi sa ma li lop kay gurjuta as ti slen ma peldetna noŋɗi kaw. 11May sa ma gorvona ma gusum hiɗi gurjuta as kay ti'e, sa ma vuɗi vo hay ziyna kaw as kay ti'e. 12Slen ma peldetna ma vuli goy tam Lawna hiɗi me'da kulota, goota vi mul-ma-ɗifinna ta sliy goy kay sa ma pulu as kay tumɗi. 13May goota vi mul-ma-ɗifinna ta hini goy duhulu lebo ta jufa' ga' goy bay na' vuɗ gooro, la na' hotawa hay ziyna vi bu'a ki hay wayata va' nala, na' as ti tina vi bu'a. May sa ma pul as tiɗi. 14La sa ti sle ma peldetnawa hay bay-wida, nam ma hot wurak va namna goyo mi mul-ma-ɗifinna, nam ma gi gal ma vaslna vunamu kaw. 15Slen ma peldetna ma gurona vi Israyel vulum goyo hiɗi ɓisi kulo meɗi tam Lawna, muliyan-sa-ɗifinna as muɗum goy bisɗi; 16la nisi ti sle ma peldetna, nisi tun sulukŋa kisiya, kay nanu mi Ma-Vatɗina ma lisi goy peldetna.
Faray ma as li ɗifin hiɗi namna
17Ma-Vatɗina di tam Musus: 18Naŋ ma di tam Aaron hiɗi gurona valamu, hiɗi gurona vi Israyel kaf kaw ala: San gigekaw hay ziyna vi Israyel, lebo sa ma pulu ma ka li ziy hay Israyel, la nam min li ɗifin ma ŋal-goyna tam Ma-Vatɗina, kay hob vun va ma nam yi kalamu, lebo ki ɗifin ma kuɗ minda nala. 19Nam ma vi put guju ma moy may talamɗina jar luwayna valamu, yaw guro fok-dimina lebo fok-meena, kay ɗifinna valam ma li kir Lawn ŋaa'a. 20Ma moy talamna nigi as kay lum ɗifinɗi, kay nam may kir Lawn ŋaaɗi. 21La san min li ɗifinna vi lop ma slugona tam Lawna hiɗi putu lebo hiɗi ɦuwa, la kay hob vun va ma nam yum kalamna, lebo kay li ɗifin ma kuɗ minda kaw, va ma ŋatamna ma li hiɗi moy talamɗi, kay nam ma li kir Lawn ŋaa'a. 22Put ma iram dukina, ma dirlayna, ma selem kaay goyna, ma mul talamna, ma tuwam cukina hiɗi ma genjeŋ talamna nigi as li ɗifin ma ŋal-goyna hiɗi namɗi. 23Nigi as li ɗifin ma kuɗ minda hiɗi putna lebo goor ɦu-dimina ma batam fiyoko lebo giɗeŋe, may nam may ŋaa'a kay hob vun va ma nigi yum kiginɗi. 24Put ma huɗam toyna, ma huɗam kirapina lebo ma huɗam yaway goyna nigi as li ɗifin tam Ma-Vatɗin hiɗi namɗi, nigi as li ɗifin hiɗi namu hay nagata vigiɗi. 25Slen ma ki kayn nala, la sa ma pul maramu kay nigi ma li ɗifin tam Lawn hiɗi namu kaw, nigi ma vumɗi; kay va mara talam kaay goyo, moyn ka talamu, nam may ŋaa loɗi.
26Ma-Vatɗina di tam Musus: 27La ti putu, la ti ɦu-dimiya lebo la ti ɦu-mee'e kaw, hay li ma na' vuɗ ɗawni, hin goor kuɗ sulum ir buur siɗiya; hay buurta glafandita ta-ta vok ɗaw, nam ŋaa'a kir Lawna kay ɗifin ma lum talamna, ɗifin ma ŋalay goyna. 28La ti putu la ti ɦuwa kaw, nigi as ŋatam kuɗ tuwam hiɗi goora va' hay buur ta keptaɗi. 29Hay li ma nigi li ɗifinna vi lop ma slugona tam Ma-Vatɗina, nigi ma kotom a nam ma li kir Lawn ŋaa'a. 30Va ma nigi ŋatamna nigi ma tum hay buur namna, nigi ma hin va mara kulo'o kay grawtɗi. Nanu mi Ma-Vatɗina.
31Nigi ma vi kuɗ gatta vanu, nigi ma li lop hiɗi na'a. Nanu mi Ma-Vatɗina.
32Semda vanu ta peldetta nigi ma muɗa' goy bis noŋɗi, kay nan ma li goy peldete jar sum sa Israyella. Nanu mi Ma-Vatɗina ma ligi goy peldete, 33ma kalgiyay goy hay nagat Egipte pa kaw kay mus Lawna vigiya. Nanu mi Ma-Vatɗina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001